Geingob en Lubowski kap mekaar

Skokaantygings onthul

20 June 2019 | Plaaslik
Denver Kisting – Pres. Hage Geingob sê openbare beweringe deur die weduwee van mnr. Anton Lubowski is lasterlik.

In ’n ope brief deur me. Gabrielle Lubowski sê sy sy probeer al die afgelope 30 jaar onsuksesvol om vir Geingob te spreek.

Volgens haar was die staatshoof die laaste mens met wie wyle Lubowski gepraat het. “Hy het inligting met jou gedeel wat só sensitief was dat julle twee nie eens kon sit vir ’n koppie koffie nie, maar moes in Kaiserstraat (nou Onafhanklikheidsrylaan) gaan stap sodat niemand julle gesprek kon hoor nie. ’n Paar uur later was Anton dood.”

Gabrielle vaar verder uit: “Ek wil jou steeds vertel dat jy alles van ons weggeneem het deur eerstens vir Anton te verraai en dan sy naam te beswadder.”

Die lewe sonder haar vrygewige, energieke, hardwerkende, optimistiese en dapper man is moeilik, sê sy. “Sy twee kinders het die meeste gely omdat hulle sonder die teenwoordigheid van hierdie pragtige mens, hul pa, moes grootword. Ek het nog nooit vantevore of daarná iemand so gehaat soos ek jou haat nie.”

Maar, sê sy, dié haat, het haar seergemaak en nie vir Geingob nie. “Jy het gegaan van ’n vryheidsvegter in ballingskap tot die eerste eerste minister van onafhanklike Namibië tot die derde president van Namibië.”

Sy sê Anton se sluipmoord in 1989 het vrede vir Namibië en Suider-Afrika bewerkstellig omdat hy so magtig was. “Ek sal jou onthou as ’n man wat ’n broer verraai het om bo uit te kom.”

Geingob het gister by monde van sy prokureur, mnr. Sisa Namandje, gesê Lubowski se bewerings wat sinspeel dat die staatshoof by haar man se dood betrokke was, is onwaar.

Namandje sê Geingob is van mening Lubowski wil sy naam vuilsmeer en ’n openbare woede jeens die president aanvuur.

Die prokureur sê Gabrielle Lubowski se aantygings is enersyds absurd maar ook vreemd dat dit 30 jaar ná sy dood opduik terwyl die polisie haar man se dood ondersoek het.

Dié ondersoek het van lede van die publiek, insluitend die weduwee, verlang om met inligting vorendag te kom om die polisie by te staan.

Namandje dring aan dat Gabrielle Lubowski na aanleiding van die ernstige en lasterlike aard van die bewerings en die moontlike impak wat dit op Geingob se waardigheid, goeie naam en reputasie kan hê, haar beweringe teruggetrek en onvoorwaardelik om verskoning vra.

Lubowski is die aand van 12 September 1989 op 37-jarige ouderdom voor sy huis in Windhoek vermoor.

In daardie stadium was hy die adjunkhoof van Swapo se verkiesingsdirektoraat.

Soortgelyk

 

Laat koppe rol - Jooste, SPYL

8 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

8 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

8 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

8 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

8 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

8 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

8 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

8 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

8 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...