Geen verligting vir Fishrot-mans

Saak opnuut uitgestel

21 February 2020 | Howe
Jemima Beukes – Die omstrede Fishrot-beskuldigdes het gister hul tweede verskyning in die Windhoek-landdroshof gemaak.

Die saak is uitgestel tot 23 April vanjaar vir verdere ondersoek.

Die mans bly in aanhouding in die Windhoek Sentrale Gevangenis.

Die ses sluit oudvisseryeminister mnr. Bernhard Esau, die voormalige justisieminister mnr. Sacky Shanghala, Fishcor se eertydse voorsitter mnr. James Hatuikulipi, die Investec-werknemer mnr. Ricardo Gustavo, die sakeman mnr. Tamson Hatuikulipi en mnr. Pius Mwatelulo in.

Die saak is deur hooflanddros Philanda Christiaan in ’n volgepakte hofsaal aangehoor.

Nuwe klagte is intussen bygevoeg in verband met geld wat glo gewas is deur Salex en DHC Inc. gewas is.

N$75 miljoen van Fishcor se geld is glo deur middel van dié maatskappye gewas.

’n Aanvullende klag van regsverydeling staar Shanghala in die gesig.

Hy, Esau, James Hatuikulipi en mnr. Mike Nghipunya, die geskorste uitvoerende hoof van Fishcor, word ook daarvan beskuldig dat hulle staatsgeld vir selfverryking gebruik het.

Nghipunya is vroeër vandeesweek aangekeer, terwyl die ander ses reeds sedert 27 November 2019 in polisieaanhouding is.

Mwatelulo en Tamson Hatuikulipi word ook beskuldig van sameswering om die beweerde misdade te pleeg.

James se geldkopsere

James Hatuikulipi het intussen ingestem om nagenoeg N$600 000 vir die sentrum vir finansiële intelligensie (FIC) en ’n kommersiële bank se regskostes op te dok nadat hy onlangs ’n dringende eis teen dié liggaam en andere laat vaar het.

Ten tyde van die aansoek wou hy toegang hê tot twee van sy persoonlike bankrekeninge en dié van besighede waarin hy en Tamson Hatuikulipi belange het.

Dít kom nadat die Teenkorrupsiekommissie (ACC) vroeër op dié rekeninge se bankkaarte beslag gelê het.

[email protected]

Soortgelyk

 

Geld rol vir ramp

11 minute gelede | Regering

Jo-Maré Duddy – Die regering se N$8-miljardvoorskrif teen die ekonomie se Covid-koors is gister deur ekonome verwelkom, veral omdat dit amptelik as die eerste fase...

Baba jongste Covid-19-geval

11 minute gelede | Gesondheid

Henriette Lamprecht - ’n Nege maande oue baba is saam met sy pa die nuutste twee gevalle van Covid-19 in Namibië. Dit bring die nasionale...

Só werk landbou in inperkingstyd

11 minute gelede | Landbou

Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie. Voltydse boere en plaaswerkers...

NMH skenk toerusting, kospakkies vir padblokkades

11 minute gelede | Gesondheid

In ’n poging om die vinnige vloei van noodsaaklike vragverkeer by die vier padblokkades na die Khomasstreek te bewerkstellig, het Namibia Media Holdings (NMH) gister...

Noodtoestand: ‘Niks is normaal’

11 minute gelede | Regering

Denver Kisting - Me. Yvonne Dausab, die minister van justisie, sê Namibiërs bevind hulle midde-in ’n buitengewone situasie. “Ons is in ’n noodtoestand. So, niks...

Weer vir 2 April 2020

11 minute gelede | Weer

BINNELAND: Mooi weer en baie warm in die Weste. Elders sal dit gedeeltelik bewolk en baie tot bloedig warm wees met enkele donderbuie in die...

Pandemie slaan toerismebedryf hard

11 minute gelede | Toerisme

Francoise Steynberg - Die toerismebedryf gaan heel waarskynlik die hardste deur die Covid-19-pandemie getref word. Só sê die uitvoerende hoof van die Gasvryheidsvereniging van Namibië...

Fishrot-hokaairoeper glo gedreig, vergiftig

11 minute gelede | Misdaad

Catherine Sasman – Mnr. Jóhannes Stefánsson, hokaairoeper in die internasionale korrupsieskandaal, oftewel die Fishrot-sage, het aan Yslandse verslaggewers gesê hy is al verskeie kere vergiftig...

Nog twee Covid-19-gevalle in Namibië

8 ure gelede | Gesondheid

'n Negemaande oue baba en sy pa is die jongste twee Covid-19-gevalle wat in die land bevestig is. Dit bring die totaal op 13. Die...