Geen vee, produkte uit SA

Varkvleistekorte kan ontstaan

10 January 2019 | Landbou
Ronelle Rademeyer - 'n Uitbreking van bek-en-klouseer in die Limpopo-provinsie in Suid-Afrika het gelei tot die sluiting van Namibië se grense vir die invoer van gesplete hoef diere en hul produkte uit dié land.

Dit beteken geen beeste, skape, bokke, varke en wild, of enige van dié diere se produkte, kan na Namibië ingevoer word nie.

Permitte wat reeds vir invoere van lewende diere of produkte uitgereik is, is met onmiddellike effek gekanselleer.

'n Aankondiging in dié verband is Woensdag deur die direktoraat veeartsenydienste in die ministerie van landbou, water en bosbou uitgereik.

Suid-Afrika se departement van landbou, bosbou en visserye het Dinsdag bekend gemaak dat laboratoriumtoetse getoon het beesvrektes in die Vhembe-distrik in Limpopo is aan dié dodelike siekte te wyte.

Mnr. Paul Strydom, hoofbestuurder van die Vleisraad van Namibië, sê Namibië is tot 'n groot mate selfvoorsienend wat die vraag na bees- en skaapvleis betref, maar kan net in sowat 45 persent van die vraag na varkvleis voorsien. Die res van die varkvleis word ingevoer.

"Die verwagting is dat die sluiting van die grens tot varkvleistekorte kan lei. Dit was ook verlede jaar toe geval toe listeriose in Suid-Afrika uitgebreek het," het hy gister by navraag gesê.

Volgens hom word sowat 95 persent van die beesvleis wat in Namibië verbruik word, plaaslik geproduseer. "Wat skaapvleis betref, voer ons feitlik niks in nie."

Volgens mnr.Jaco van Zyl, bestuurder van die Pelssentrum by Agra, word probleme voorsien wat betref die lewering van Swakarapelse uit die Noord-Kaap aan dié sentrum.

Hy het gister op 'n WhatsApp-groep vir Swakara-produsente gesê al die invoerpermitte vir Swakara-pelse vanaf die produsente in die Noord-Kaap is gekanselleer. Boere in dié provinsie wat pelse produseer, bemark dit deur Agra se Pelssentrum.

Die volgende internasionale pelsveiling vind in Maart in Kopenhagen, Denemarke, plaas, wat beteken die pelse word nou ontvang en vir versending voorberei.

Van Zyl sê hy het gister met die staatsveearts wat die permitte hanteer, oor die kwessie vergader. "Daar is nog 'n kans om die pelse in te bring, maar die grootste probleem is dat die RSA nie die omvang van die uitbreking van bevestig nie. Dus kan niemand met sekerheid waarborg dat die Noord-Kaap in hierdie stadium 'skoon' is nie," sê hy op die groep.

Netwerk24 berig groot kommer heers in landboukringe in Suid-Afrika oor die uitbreking en die impak daarvan. Mnr. Janse Rabie, Agri SA se hoof van natuurlike hulpbronne, het gesê enige aangemelde gevalle van die gevreesde siekte moet met groot erns benader word. "Dit kan ernstige gevolge vir veeboere en wildboere inhou."

Bek-en-klouseer is endemies aan die Krugerwildtuin omdat buffels die siekte van tyd tot tyd kry.

Die buffergebied is ingestel en maatreëls geld vir mense wat daar met beeste en ander diere met gesplete hoewe, soos bokke, boer. Hulle moet gereeld hul diere laat toets vir die siekte. Diere mag ook nie sonder toestemming in of uit die buffergebied geneem word nie, berig Netwerk24.

Die Wêreldorganisasie vir Dieregesondheid (OIE) het Suid-Afrika se status as 'n bek-en-klouseer-vrye land intussen opgehef.

Soortgelyk

 

Afrika-lied kom tuis in Namib

14 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

14 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

14 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

14 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

14 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

14 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

14 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

14 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

14 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...