Geen prosteses vir heup-, knievervangings
Pasiënte sonder 'n mediese fonds kon die afgelope twee maande reeds nie heup- of knievervangingsoperasies ondergaan nie.
Henriette Lamprecht - Pasiënte sonder 'n mediese fonds kan reeds vir maande nie heup- of knievervangings ondergaan nie, omdat verskaffers van dié prosteses wag dat die staat hulle betaal.
Die verskaffers is in Desember verlede jaar laas deur die ministerie van gesondheid en maatskaplike dienste betaal, met uitstaande skuld wat meer as N$2 miljoen beloop. Dit het verskaffers genoop om twee maande gelede die verskaffing van prosteses vir heup- en knievervangings te staak, totdat uitstaande rekeninge vereffen word.
Volgens 'n verskaffer aan die mediese bedryf word normaalweg tot nege heup- en knievervangings in Windhoek by die Katutura-staatshospitaal en die Windhoek Sentrale hospitaal op pasiënte uitgevoer wat oor geen mediese fondse beskik nie.
Volgens die bron is daar van dié pasiënte wat vir die betrokke operasies kwalifiseer, wat nou reeds vir maande in dié hospitale lê.
“Dit is baie hartseer om te sien. Baie van hulle kan nie eers meer loop nie en kom in rolstoele hier aan, net om te gaan lê en wag,” het die bron gesê.
Van die pasiënte is van die noorde van die land afkomstig en moet met die hulp van hul familie geld insamel om tot in die hoofstad te kom.
“Dit is mense wat letterlik nie N$10 op hul name het nie.”
Volgens die bron vereis verskaffers uit Suid-Afrika van plaaslike agente van die prosteses dat hulle binne 30 dae betaling vir hul produkte ontvang.
Volgens die bron is grasie van drie maande egter goedgunstiglik aan die ministerie verleen vir die betaling van plaaslike verskaffers.
Ten spyte hiervan het die skuld steeds opgehoop. Een verskaffer het tot N$1,7 miljoen se uitstaande skuld.
“Heup- en knievervangings is baie duur operasies, met die prostese wat tot N$40 000 kos.”
Volgens die bron kan niemand by die ministerie antwoorde gee oor wanneer die betalings wel gedoen sal word nie.
“Die antwoorde wat wel gegee word, wissel van 'volgende week' tot 'daar is nie geld nie, wanneer ons geld het, sal dit betaal word'.”
Buiten dié betrokke operasies wat nie tans op staatspasiënte uitgevoer kan word nie, is toestande by die twee staatshospitale in die hoofstad volgens die bron in die algemeen benard.
Verskeie operasies moes al uitgestel word, omdat die “narkosemasjien nie werk nie” en daar nie water of steriele teaterklere vir die dokters is nie.
“Dit gebeur op 'n daaglikse basis. Die pasiënt is reeds op die operasietafel, dan werk die narkosemasjien nie. Of daar is nie water nie en dromme met water word aangedra sodat dokters hul hande voor 'n operasie hierin kan was.”
Die verskaffers is in Desember verlede jaar laas deur die ministerie van gesondheid en maatskaplike dienste betaal, met uitstaande skuld wat meer as N$2 miljoen beloop. Dit het verskaffers genoop om twee maande gelede die verskaffing van prosteses vir heup- en knievervangings te staak, totdat uitstaande rekeninge vereffen word.
Volgens 'n verskaffer aan die mediese bedryf word normaalweg tot nege heup- en knievervangings in Windhoek by die Katutura-staatshospitaal en die Windhoek Sentrale hospitaal op pasiënte uitgevoer wat oor geen mediese fondse beskik nie.
Volgens die bron is daar van dié pasiënte wat vir die betrokke operasies kwalifiseer, wat nou reeds vir maande in dié hospitale lê.
“Dit is baie hartseer om te sien. Baie van hulle kan nie eers meer loop nie en kom in rolstoele hier aan, net om te gaan lê en wag,” het die bron gesê.
Van die pasiënte is van die noorde van die land afkomstig en moet met die hulp van hul familie geld insamel om tot in die hoofstad te kom.
“Dit is mense wat letterlik nie N$10 op hul name het nie.”
Volgens die bron vereis verskaffers uit Suid-Afrika van plaaslike agente van die prosteses dat hulle binne 30 dae betaling vir hul produkte ontvang.
Volgens die bron is grasie van drie maande egter goedgunstiglik aan die ministerie verleen vir die betaling van plaaslike verskaffers.
Ten spyte hiervan het die skuld steeds opgehoop. Een verskaffer het tot N$1,7 miljoen se uitstaande skuld.
“Heup- en knievervangings is baie duur operasies, met die prostese wat tot N$40 000 kos.”
Volgens die bron kan niemand by die ministerie antwoorde gee oor wanneer die betalings wel gedoen sal word nie.
“Die antwoorde wat wel gegee word, wissel van 'volgende week' tot 'daar is nie geld nie, wanneer ons geld het, sal dit betaal word'.”
Buiten dié betrokke operasies wat nie tans op staatspasiënte uitgevoer kan word nie, is toestande by die twee staatshospitale in die hoofstad volgens die bron in die algemeen benard.
Verskeie operasies moes al uitgestel word, omdat die “narkosemasjien nie werk nie” en daar nie water of steriele teaterklere vir die dokters is nie.
“Dit gebeur op 'n daaglikse basis. Die pasiënt is reeds op die operasietafel, dan werk die narkosemasjien nie. Of daar is nie water nie en dromme met water word aangedra sodat dokters hul hande voor 'n operasie hierin kan was.”
Kommentaar
Republikein
Geen kommentaar is op hierdie artikel gelaat nie