Geen borgtog vir Babi en kie

03 June 2020 | Howe
Die selfverklaarde profeet, pastoor Jackson Babi (30), bly in aanhouding en moet boonop volgende Maandag in die Gobabis-landdroshof op 'n klag van renosterstropery verskyn.

Babi het vanoggend saam met sy medebeskuldigde, mnr. Frizans Dumeni, verskyn, maar hul borgtogaansoek het 'n wending geneem toe staatsaanklaer Rowan van Wyk gesê het dat Babi op Maandag 8 Junie in die Gobabis-landdroshof op 'n klag van die onwettige jag van spesiaal beskermde wild ('n renoster) moet verskyn.

Die twee is van renosterstropery, -horingsmokkelary en die onwettige besit van renosterhorings, 'n vuurwapen en ammunisie aangekla nadat hulle deel is van agt verdagtes wat verlede week in Windhoek en Otjiwarongo in hegtenis geneem is. Dit volg ná twee swartrenosterkarkasse met hul horings verwyder verlede week op 'n plaas in die Gobabis-distrik ontdek is.

Twee renosterhorings, 'n jaggeweer en ammunisie is glo in Babi se huis op huis op erf 454 in Rheintfonteintstraat in die Kleine Kuppe-woonbuurt in Windhoek gevind.

Landdros Linus Samunzela het die twee beskuldigdes se saak tot 24 Julie vir verdere polisieondersoek uitgestel en gelas dat albei in aanhouding bly.


RENOSTERKARKASSE

Knap voor die twee beskuldigdes se verskyning vanoggend het 'n boer van Gobabis Republikein laat weet dat 'n renosterkoei wat twee maande gelede op sy plaas gewond is, gister aan haar wonde beswyk het.

Haar sesjarige bulkalfie se karkas is verlede Saterdag op die plaas ontdek. Die kalfie se horings is verwyder.

Die hoof van die Blue Rhino-taakspan, komm. Barry de Klerk, is tans op die plaas om ondersoek in te stel.

"Dit word vermoed dat dit die werk van dieselfde sindikaat van agt verdagtes is wat verlede week in Windhoek en Otjiwarongo in hegtenis geneem is, want die kaliber geweer is presies dieselfde as wat gebruik is in dié vorige stropery ook in die Gobabis-distrik," het die boer gesê.

Foto Francoise Steynberg

Soortgelyk

 

Fishrot: Geen borg, eis ACC

9th of July 00:00 | Howe

Jemima Beukes Die Teenkorrupsie Kommissie (ACC) is vas oortuig betrokkenes by die Fishrot-skandaal het op ‘n uitgebreide wyse saamgespan om honderde miljoene dollar te steel.Sowat...

Air Nam se vlerke geknip

9th of July 00:00 | Vervoer

Ronelle Rademeyer - Die nasionale redery is met sy rug teen die muur en het nie beweegruimte om langer die kwessie oor sy bankrotskap en...

Weer vir 9 Julie 2020

9th of July 00:00 | Weer

WEERWAAK: Koue en nat toestande word Vrydag en Saterdag in die Suide en Weste verwag. Baie koue toestande word oor die suidelike, sentrale en oostelike...

Munisipale werkers betoog oor kontrakte

9th of July 00:00 | Regering

Kristien Kruger – Sowat 600 skoonmakers het gister tydens middagete na die Windhoek munisipale hoofkantore opgeruk om ‘n klagskrif aan die burgemeester, me. Fransina Kahungu,...

Itula se partyplanne op dreef

9th of July 00:00 | Regering

Denver Kisting – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê dié nasionale kiesliggaam het nog nie dr. Panduleni Itula se...

Pasgebore baba toets twee keer negatief

9th of July 00:00 | Gesondheid

Henriette Lamprecht - 'n Pasgebore baba wat die naweek aanvanklik as Namibië se geval 362 van Covid-19 aangemeld is, het twee keer daarna negatief vir...

Bibbernaweek, reën voorspel

9th of July 00:00 | Weer

Elvira Hattingh – Die Namibiese weerkantoor het ‘n weerwaak uitgereik vir koue weer wat reeds van vandag af in die Weste verwag word.Terselfdertyd sal koue,...

Staat wil appelleer teen uitspraak oor arbeidsreëls

9th of July 00:00 | Regering

Ronelle RademeyerDie staat is voornemens om appèl aan te teken teen die volbank-uitspraak twee weke gelede waarin bevind is die Covid-19-arbeidsregulasies is ongrondwetlik en gevolglik...

Windhoek se vullis drom op

9th of July 00:00 | Regering

Denver KistingDae nadat die Windhoek-munisipaliteit (CoW) moes toegee hy is sy inkomste uit parkeermeters kwyt, het dié plaaslike owerheid erken hy het ook tans geen...