Gay eggenoot veg voort vir domisilie

Appèlaansoek by hooggeregshof

18 March 2021 | Howe
Jana-Mari Smith

’n Suid-Afrikaner wat met ’n Namibiër van dieselfde geslag getroud is, is van plan om by die hooggeregshof teen ’n hoërhofbeslissing te appelleer wat hom belet om in Namibië te woon.

’n Hoërhofregter het aan die begin van Maart mnr. Guillermo Delgado Castañeda se aansoek om ’n beslissing deur binnelandse sake, wat hom woonplek in die land weier, te hersien en tersyde te stel, van die hand gewys.

Castañeda het verlede jaar ’n regsgeding teen owerhede aanhangig gemaak nadat ’n immigrasiebeampte ontdek het dat hy in ’n huwelik van dieselfde geslag met die Namibiër mnr. Phillip Lühl is en hom uit die land geskop het.

Castañeda en Lühl woon sedert 2011 in Namibië en is in 2014 in Suid-Afrika getroud. Hulle het ’n jong seun saam wat uit surrogaatskap gebore is.

DISKRIMINASIE

Regskenners sê die feit dat Castañeda ’n regstryd vir wetlike domisilie moet voer omdat hy reeds dekades lank in die land werk en ’n familie-eenheid hier gestig het, is net nog ’n voorbeeld van die land se homofobiese streep.

“Namibië se skokkende behandeling van die gay en lesbiese gemeenskap ondermyn na my mening die land se verbintenis tot nie-diskriminasie,” het me. Dianne Hubbard van die Legal Assistance Centre (LAC) gesê.

Sy het bygevoeg die uitspraak is op die regskwessie van domisilie gebaseer, maar dat dit die breër kwessies geïgnoreer het van die grondwetlike beskerming van familie en kinders wat hier ter sprake is.

HOFVERRIGTINGE

Castañeda se verteenwoordiger, me. Uno Katjipuka van die openbare regsfirma Nixon Marcus, sê die uitspraak was “baie teleurstellend”.

Buitelanders wat met Namibiërs van teenoorgestelde geslagte getroud is, is wetlik outomaties geregtig op domisilie.

“Eerstens, my kliënt het alles reg gedoen en het aan binnelandse sake se prosedures voldoen, insluitend om aansoek om domisilie te doen.”

Sy sê Castañeda en sy man het oop kaarte met binnelandse sake gespeel, ondanks die ministerie se argument dat hulle wou wegsteek dat hulle van dieselfde geslag was.

“Ongelukkig het die hof gekies om ’n kliniese benadering tot die Wet op Immigrasiebeheer te gebruik en sodoende die praktyk te ignoreer wat binnelandse sake ten opsigte van hierdie domisiliesertifikaat toegepas het,” het Katjipuka gesê.

Castañeda het in die hof gesê: “Hoewel die Namibiese wetgewing nog nie huwelike van dieselfde geslag erken nie, voer ek aan dat die feit dat ek en Phillip vir meer as tien jaar in ’n stabiele verhouding is, is tog ’n relevante faktor om in ag te neem.”

Die regter het hierdie argument van die tafel gevee en gesê geen argumente is voor hom gevoer “om die land se benadering tot huwelike van dieselfde geslag ongrondwetlik te verklaar nie”.

Katjipuka het bygevoeg die hofbevel dat Castañeda sy regskoste sowel as dié van binnelandse sake moet betaal, “maak hoegenaamd geen sin nie en is duidelik onregverdig teenoor my kliënt”.

Intussen woon Castañeda in Namibië op grond van ’n werkpermit en het hy aansoek gedoen om dié visum te verleng.

INTERNASIONALE WETTE

Die menseregteprokureur mnr. Norman Tjombe sê ’n ander strategie vir só ’n saak is om die argument van “internasionale hoflikheid” te bevorder.

Dit beteken dat Namibië verplig is om die wette van ’n ander land te erken, insluitend die familiewette wat huwelike van dieselfde geslag toelaat en dat ’n “huweliksmaat” in die Immigrasiebeheerwet ’n “huweliksmaat” in terme van daardie land se wette moet insluit.

In Suid-Afrika, waar die egpaar getrou het, word huwelike van dieselfde geslag reeds lankal wetlik erken.

Tjombe het opgemerk die veldtog vir die erkenning van huwelike van dieselfde geslag in Namibië is steeds ’n opdraande stryd.

Hy sê die toenemend positiewe internasionale regstendense maak sterker argumente in sulke sake moontlik.

Hy voeg by ’n ander opsie vir paartjies in dieselfde bootjie is om ’n “volledige aanval op die gemeenregtelike definisie van ’n huwelik (’n verbintenis tussen ’n man en ’n vrou met uitsluiting van ander …) van stapel te stuur en sodoende erkenning aan dieselfde geslag huwelike te gee”.

Beide Hubbard en Tjombe sê hulle is hoopvol die verskillende sake wat tans voor die hof dien om diskriminasie teen egpare van dieselfde geslag uit te lig, kan ’n verskil maak. – [email protected]

Soortgelyk

 

Pryse van petrol, diesel styg

3 ure gelede | Energie

Die prys van petrol en diesel styg aanstaande week met onderskeidelik 50 sent elk per liter. Die verhoging tree om middernag op 7 April in...

Baie nuwelinge kry viskwotas

3 ure gelede | Visserye

Ondernemings wat tevore visvangkwotas besit het, maak 29% van suksesvolle aansoekers uit, het die minister van visserye en mariene hulpbronne, dr. Albert Kawana, vanmiddag aangekondig.Dit...

WHO vra vir verdere studies oor oorsprong van SARS-CoV-2-virus

4 ure gelede | Gesondheid

Die verslag van die internasionale span van die Wêreldgesondheidsorganisasie (WHO) oor hul ter plaatse besoek aan Wuhan is vandag bekendgemaak, met die WHO se direkteur-generaal...

Sewe sterftes, 221 nuwe gevalle

5 ure gelede | Gesondheid

Namibië het nou 520 Covid-19-verwante sterftes, nadat nog sewe - twee in Windhoek en een elk in Walvisbaai, Outjo, Omaruru, Walvisbaai en Rundu - aangeteken...

Windhoekers met agterstallige rekeninge se water en ligte gaan...

6 ure gelede | Infrastruktuur

Die Windhoekse munisipaliteit sê inwoners van die hoofstad wie se water- en ligterekeninge 30 dae en meer agterstallig is, het tot Dinsdag 6 April om...

Sluitingsdatum vir Shining Light verleng

6 ure gelede | Kuns en vermaak

Die sluitingsdatum vir die Shining Light juweliersontwerpkompetisie is tot 30 April verleng. Me. Helena Mootseng, woordvoerder van die Namibian Diamond Trading Company (NDTC) sê...

Hoërskool Rehoboth gesluit tot ná Paasnaweek

10 ure gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Waarskuwingskote stuit vermeende diewe

21 ure gelede | Misdaad

Vermeende diewe is vroeër vandag in Robert Mugabelaan naby Bank of Namibia in die hoofstad in hegtenis geneem nadat skote afgevuur is. "Twee waarskuwingskote is...

Robberts bly in aanhouding

21 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...