Gawanas vereer

Vroue moet kan sê 'ék besluit'

19 May 2017 | Ministeries
Henriette Lamprecht – Elkeen moet sy deel doen om toegang tot voorbehoedmiddels en seksvoorligting te verbeter sodat ongewenste swangerskappe, insluitende tienerswangerskappe, voorkom kan word.

Adv. Bience Gawanas het só op haar Facebook-blad gereageer op gelukwense wat ingestroom het nadat sy vereer is vir haar bydrae tot die bevordering van seksuele en reproduktiewe gesondheidsregte (SRHR).

Die Uitstaande Toekenning deur die Internasionale Beplande Ouerskapfederasie (IPPF) word eerskomende naweek in Londen aan Gawanas oorhandig.

Sy is tans die minister van armoede-uitwissing en maatskaplike welsyn, biskop Zephania Kameeta, se spesiale raadgewer.

Sy was vroeër onder meer die Afrika-Unie (AU) se kommissaris vir maatskaplike aangeleenthede.

“Ons moet die kwessies van weggooibabas en onveilige aborsies takel. Laat die dialoog wat begin is deur die minister van gesondheid en maatskaplike dienste, dr. Bernard Haufiku, voortgaan,” het sy geskryf.

Die IPPF beloon Gawanas as stryder vir vroue se gesondheidsregte - en veral vir veldtogte soos die Veldtog vir die Versnelde Vermindering van Moedersterftes in Afrika (Carmma).

Die Carmma-veldtog is in 2009 tydens die vierde sitting van die konferensie van ministers van gesondheid in die Afrika-Unie in Addis Abeba, Ethiopië, van stapel gestuur.

Namibië is een van sowat 40 lande wat dié veldtog landwyd bekend gestel het.

Gawanas het aan Nampa gesê die toekenning motiveer haar om haar pogings te verskerp, omdat “die stryd lankal nie verby is nie”.

“Ons het nou kwessies soos seksuele geweld, weggooibabas, tienerswangerskappe en onwettige, onveilige en agterstraataborsies, so dit is vir my ’n motivering om voort te gaan.”

Die IPPF is in 1952 begin en dekades later het dit 152 lidverenigings wat in 172 lande werksaam is.

Dit bestuur sowat 65 000 dienspunte dwarsoor die wêreld en in 2011 het hul geriewe meer as 89 miljoen seksuele en reproduktiewe gesondheidsdienste gelewer.

Die federasie beywer hulself vir ’n wêreld waar vroue oral kan sê “ék besluit”.

Die Namibië Beplande Ouerskapvereniging (Nappa) is in 1996 gestig en verskaf hulp en dienste ten opsigte van seksuele en reproduktiewe gesondheid.

Nappa het drie dienspunte, wat twee klinieke insluit, en werk in vennootskap met die ministerie van gesondheid en maatskaplike diens (MoHSS), sowel as nieregeringsorganisasies soos Lironga Epara vir mense wat met vigs leef.

Soortgelyk

 

Namibië: Jerusalem hoofstad van Israel én Palestina

1 dag gelede | Internasionaal

Die regering sê in ‘n verklaring hy het om groot kommer kennis geneem van die die VSA se aankondiging dat hy Jerusalem as hoofstad van...

Rynand Mudge herstel ou geboue

1 dag gelede | Omgewing

Augetto Graig Windhoek se geskiedenis het sedert 1910 en 1913 voor die historiese Gathemann- en Erkrath-gebou in die stad se hoofstraat afgespeel. Die geboue, wat...

EU-lys g'n 'swartlys'

1 dag gelede | Internasionaal

Ronelle Rademeyer “Die EU het Namibië nog nooit as 'n belasting­toevlugsoord beskou nie. Dit is 'n totale misverstand.”Só het die Europese Unie se ambassa­deur in...

Raad vir jong ondernemers

1 dag gelede | Onderwys

‘n Gids oor volhoubare ontwikkeling vir jong ondernemers in Namibië verskyn vandag in Namibia Media Holdings (NMH) se dagblaaie en is gister amptelik bekend gestel.Die...

Kalender 8 Desember

1 dag gelede | Kuns en vermaak

Nou aan die gang» Wees deel van die eerste weergawe StArt Art Salon vandag by die Macadam-mark. StArt Salon Volume 1 is ’n “salon-styl”-utstalling wat...

Weer vir 7 Desember

1 dag gelede | Weer

BINNELAND: Gedeeltelik bewolk en bloedig warm in die verre oostelike gedeeltes, andersins gedeeltelik bewolk en baie warm met 'n paar tot geïsoleerde donderbuie maar verspreide...

Crimson House en Andra deel verhoog by kus

1 dag gelede | Kuns en vermaak

Die Suid-Afrikaanse groep Crimson House bring hul Gypsy Jungle-vertoning oor die feestyd na Swakopmund. Crimson house sal saam met sangsensasie Andra van 19 tot 22...

Een stem, ’n kitaar en baie Stone-emosie

1 dag gelede | Kuns en vermaak

Die Warehouse-teater is dié plek vir kultuur, vermaaklikheid, yskoue bier en pizza in Windhoek. Hierdie gewilde landmerk het onlangs sy 5de verjaardag gevier sedert dit...

Bekendstelling van StArt Salon uitstalling by Macadam-mark

1 dag gelede | Kuns en vermaak

Wees deel van die bekendstelling van die eerste volume van StArt Salon vanaand by die Macadam-mark. StArt Salon Volume 1 is ’n “salon-styl”-utstalling wat die...