Galloway voltooi reis na sewe riviere
Die man wat omgewingsbewustheid wil bevorder, het die laaste been van 1 250 km in 10 dae van die Epupa-valle tot Ngoma kafgedraf.
Mnr. Steve Galloway het verlede week sy fietstoer van 4 000 km na sewe riviere om omgewingsbewustheid te bevorder by die Chobe River Camp naby Ngoma in die Zambezistreek voltooi.
Vir twee maande het hy die speke laat sing met ’n eg Namibiese SunCycles e-fiets van Suid tot Noord.
Hy het die speke van 13 Mei af laat sing – van die Oranjerivier tot by die Kunenerivier in die Noordweste en daarná na die verre oostelike hoek van die Zambezirivier.
Hy het sy laaste been van 1 250 km in 10 dae van die Epupavalle tot by Gondwana Collection se Chobe River Camp voltooi.
Galloway se doelwit was om omgewingsbewustheid te skep, die belangrikheid van Namibië se riviere as lewensare te beklemtoon, e-krag, e-mobiliteit en e-konnektiwiteit te vestig om landelike gemeenskappe te bemagtig.
“Dit sal die Bicycling Empowerment Network (BEN) Namibia-konsep bevorder met die boodskap dat fietse mense se lewens kan verander en as karweiers, taxi’s, ambulanse en wildbewaringsvoertuie ingespan kan word,” meen Galloway.
Voorts sal 35 skeepsvraghouers met geskenkte fietse landswyd in e-bokse of e-sentrums omskep word.
Volgens hom is daar BEN-bokse op Oshakati, Ondangwa en Outapi met laasgenoemde wat reeds tydens ’n vorige projek twee e-fietse van Rand Merchant Bank (RMB) ontvang het. RMB het agt e-fietse aan agt sentrums verskaf, waarvan ses by die Salambala-bewaringsgebied as wildwagtervoertuie aangewend is.
Uitdagings wat Galloway in baie gebiede ervaar het, sluit swak konnektiwiteit in, hoewel selfoontorings al die pad tussen Ruacana en Katima Mulilo te sien is, sê hy.
Op die B8-roete tussen Divundu en Kongola in die Bwabwata Nasionale Park is Galloway deur ’n olifant verras wat oor die pad geloop het - gelukkig sonder enige voorval.
Op Kongola het hy met die Mayuni-hoofman, mnr. Tembwe Joseph Mayuni, vergader wat die e-fietse in sy bewaringsgebied wil toets.
Die Wupara-bewaringsgebied het ook twee e-fietse vir hul wildwagterprogram ontvang.
Vir twee maande het hy die speke laat sing met ’n eg Namibiese SunCycles e-fiets van Suid tot Noord.
Hy het die speke van 13 Mei af laat sing – van die Oranjerivier tot by die Kunenerivier in die Noordweste en daarná na die verre oostelike hoek van die Zambezirivier.
Hy het sy laaste been van 1 250 km in 10 dae van die Epupavalle tot by Gondwana Collection se Chobe River Camp voltooi.
Galloway se doelwit was om omgewingsbewustheid te skep, die belangrikheid van Namibië se riviere as lewensare te beklemtoon, e-krag, e-mobiliteit en e-konnektiwiteit te vestig om landelike gemeenskappe te bemagtig.
“Dit sal die Bicycling Empowerment Network (BEN) Namibia-konsep bevorder met die boodskap dat fietse mense se lewens kan verander en as karweiers, taxi’s, ambulanse en wildbewaringsvoertuie ingespan kan word,” meen Galloway.
Voorts sal 35 skeepsvraghouers met geskenkte fietse landswyd in e-bokse of e-sentrums omskep word.
Volgens hom is daar BEN-bokse op Oshakati, Ondangwa en Outapi met laasgenoemde wat reeds tydens ’n vorige projek twee e-fietse van Rand Merchant Bank (RMB) ontvang het. RMB het agt e-fietse aan agt sentrums verskaf, waarvan ses by die Salambala-bewaringsgebied as wildwagtervoertuie aangewend is.
Uitdagings wat Galloway in baie gebiede ervaar het, sluit swak konnektiwiteit in, hoewel selfoontorings al die pad tussen Ruacana en Katima Mulilo te sien is, sê hy.
Op die B8-roete tussen Divundu en Kongola in die Bwabwata Nasionale Park is Galloway deur ’n olifant verras wat oor die pad geloop het - gelukkig sonder enige voorval.
Op Kongola het hy met die Mayuni-hoofman, mnr. Tembwe Joseph Mayuni, vergader wat die e-fietse in sy bewaringsgebied wil toets.
Die Wupara-bewaringsgebied het ook twee e-fietse vir hul wildwagterprogram ontvang.
Kommentaar
Republikein
Geen kommentaar is op hierdie artikel gelaat nie