Gaan voort met sanitasieplan, sê Kamati
Die Windhoekse stadsraad is tydens Donderdag se vergadering aan bestaande planne vir sanitasiegeriewe in die hoofstad se informele nedersettings herinner.
Augetto Graig
Raadslid Queen Omagano Kamati het Donderdagaand by die maandelikse stadsraadvergadering in Windhoek voorgestel die hoofstad se munisipaliteit hervat die voorsiening van sanitasiegeriewe in die stad se grootste informele nedersettings.
In die mosie, wat deur raadslid Sam Shafishuna Nujoma gesekondeer is, wil dié Swapo-raadslede hê dat die raad die bestaande planne vir voorsiening van riool- en verwante geriewe hervat.
Volgens Kamati is daar ’n voortgesette plan vir die voorsiening van basiese dienste in Windhoek se nedersetting vanaf 2019 tot 2022.
“Die is welbekend dat die projek vir die voorsiening van sanitasiegeriewe in die nedersettings goed op dreef was toe ons in Desember verlede jaar die leisels oorgeneem het. Nogtans, toe ons oorneem, was hierdie belangrike projek laat vaar ten gunste van ander projekte wat nog nie die verlangde resultate gelewer het nie,” het Kamati gesê.
Spesifiek die Moses //Garoeb-, Tobias Hainyeko- en Samora Machel-kiesafdeling – die informele nedersettings met die grootste populasie – is ongediens en inwoners het nie toegang tot basiese geriewe nie, sê sy.
Die Moses //Garoeb- en Tobias Heinyeko-kiesafdeling is aan Kamati toevertrou en sy sê sy het self gesien hoe swaar die inwoners kry.
“Sonder opsies word hulle gedwing om in die openbaar te ontlas, wat sanitasie- en siektekwessies bring, en sonder beligting is daar ook baie misdaad soos verkragting,” sê sy.
’n Tekort aan toiletgeriewe is direk aan die toename van hepatitis-gevalle in die gebied wes van Havana gekoppel, sê sy.
Daar is ook nie toegang vir brandweerwaens tussen die huise nie, terwyl die nuwe raad se planne vir bekostigbare behuising ook nie binnekort sal gebeur nie, sê sy.
Altesaam N$50 miljoen is reeds deur die lynministerie beskikbaar gestel vir die verbetering van informele nedersettings tussen 2019 en 2022, sê sy.
“Ek doen ’n beroep vir die implementering van die bestaande plan,” het sy gesê en spesifiek klemgelê op die projek om toiletgeriewe te bou.
Kamati sê die vinnige bevolkingsopname wat die munisipaliteit in Maart gedoen het, dui dat daar reeds 21 241 informele behuisingstrukture in Samora Machel opgerig is, 14 546 in Tobias Hainyeko, en 9 052 in Moses //Garoeb.
Die waarnemende uitvoerende hoof van die munisipaliteit, me. Jennifer Comalie, het die mosie na die hoofstad se bestuurskomitee verwys, weens die finansiële implikasies daarvan, en gesê die mosie kan aangeneem word, tensy daar nie enige teenstand is nie. Niemand het beswaar gemaak nie. - [email protected]
Raadslid Queen Omagano Kamati het Donderdagaand by die maandelikse stadsraadvergadering in Windhoek voorgestel die hoofstad se munisipaliteit hervat die voorsiening van sanitasiegeriewe in die stad se grootste informele nedersettings.
In die mosie, wat deur raadslid Sam Shafishuna Nujoma gesekondeer is, wil dié Swapo-raadslede hê dat die raad die bestaande planne vir voorsiening van riool- en verwante geriewe hervat.
Volgens Kamati is daar ’n voortgesette plan vir die voorsiening van basiese dienste in Windhoek se nedersetting vanaf 2019 tot 2022.
“Die is welbekend dat die projek vir die voorsiening van sanitasiegeriewe in die nedersettings goed op dreef was toe ons in Desember verlede jaar die leisels oorgeneem het. Nogtans, toe ons oorneem, was hierdie belangrike projek laat vaar ten gunste van ander projekte wat nog nie die verlangde resultate gelewer het nie,” het Kamati gesê.
Spesifiek die Moses //Garoeb-, Tobias Hainyeko- en Samora Machel-kiesafdeling – die informele nedersettings met die grootste populasie – is ongediens en inwoners het nie toegang tot basiese geriewe nie, sê sy.
Die Moses //Garoeb- en Tobias Heinyeko-kiesafdeling is aan Kamati toevertrou en sy sê sy het self gesien hoe swaar die inwoners kry.
“Sonder opsies word hulle gedwing om in die openbaar te ontlas, wat sanitasie- en siektekwessies bring, en sonder beligting is daar ook baie misdaad soos verkragting,” sê sy.
’n Tekort aan toiletgeriewe is direk aan die toename van hepatitis-gevalle in die gebied wes van Havana gekoppel, sê sy.
Daar is ook nie toegang vir brandweerwaens tussen die huise nie, terwyl die nuwe raad se planne vir bekostigbare behuising ook nie binnekort sal gebeur nie, sê sy.
Altesaam N$50 miljoen is reeds deur die lynministerie beskikbaar gestel vir die verbetering van informele nedersettings tussen 2019 en 2022, sê sy.
“Ek doen ’n beroep vir die implementering van die bestaande plan,” het sy gesê en spesifiek klemgelê op die projek om toiletgeriewe te bou.
Kamati sê die vinnige bevolkingsopname wat die munisipaliteit in Maart gedoen het, dui dat daar reeds 21 241 informele behuisingstrukture in Samora Machel opgerig is, 14 546 in Tobias Hainyeko, en 9 052 in Moses //Garoeb.
Die waarnemende uitvoerende hoof van die munisipaliteit, me. Jennifer Comalie, het die mosie na die hoofstad se bestuurskomitee verwys, weens die finansiële implikasies daarvan, en gesê die mosie kan aangeneem word, tensy daar nie enige teenstand is nie. Niemand het beswaar gemaak nie. - [email protected]
Kommentaar
Republikein
Geen kommentaar is op hierdie artikel gelaat nie