Gaan Trump Navo sink of net sy lyf rondgooi?

12 July 2018 | Internasionaal
Europese leiers weet nie met watter pres. Donald Trump van die VSA hulle op die Navo-beraad in Brussel te kampe gaan hê nie – die een wat by tye sy humeur verloor, maar die Transatlantiese organisasie staande sal laat bly, of die een wat die grootste krisis in Navo se 69-jarige bestaan kan veroorsaak.

Hulle is senuweeagtig en berei hulself voor op die ergste, berig The Guardian.

Die leiers verwag dat Trump hulle die Leviete gaan voorlees omdat lande nie hul verdedigings­begroting verhoog nie, maar die vrees is dat hy dit 'n stap verder sal neem. Soos om die VSA aan een of meer van die Navo-oefeninge te onttrek, of deur die ontplooiing van meer troepe en toerusting na Europa te vertraag.

Trump kan ook, sonder om enige van die Navo-bondgenote te raadpleeg, 'n ooreenkoms met pres. Wladimir Poetin sluit, wat volgende week in Helsinki ontmoet.

Trump het verlede maand briewe aan talle leiers van die Navo-lande gestuur waarin hy waarsku dat die VSA se voortgesette bydrae tot mili­têre hulpbronne, terwyl bond­genote onderbestee, “nie langer volhoubaar is nie”.

Hy het die Pentagon opdrag gegee om die impak van die onttrekking van troepe uit Duitsland te ondersoek, 'n gunstelingteiken van sy woede, berig The Washington Post.

Trump het Dinsdag gesê hy beplan om die bondgenote onder druk te plaas.

“Die VSA bestee dikwels meer as enige ander land om hulle te beskerm,” het hy getwiet. “Dit is nie regverdig teenoor die Amerikaanse belastingbetaler nie.”

– Netwerk24

Soortgelyk

 

Hepatitis E woed landswyd voort

13 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

13 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

13 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

13 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

13 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

13 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

13 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

13 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

13 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...