Fresh Prince kom kuier

04 February 2021 | Kuns en vermaak
Die land gons nadat die Hollywood-superster Will Smith Dinsdag op die Internasionale Lughawe Hosea Kutako geland het. Daarna het hy glo koers gekies na die kus.

Smith is in Namibië om die tweede seisoen van National Geographic se dokumentêre reeks One Strange Rock, waarvan hy die aanbieder is, te verfilm.

One Strange Rock is ’n natuurgeskiedenis- en aardwetenskap dokumentêr. Volgens die webtuiste Travel Noire sal Smith glo tien dae in Namibië deurbring en verskeie Namibiese landmerke besoek om die reeks te verfilm.

Die Namibiese Filmkommissie wou nie ’n woord rep oor Smith se besoek nie, maar het vroeër wel bevestig ’n permit vir die verfilming van One Strange Rock is uitgereik.

Die meeste Namibiërs het hom opgewonde op sosiale media verwelkom, maar party was ongelukkig aangesien hy nie ’n masker dra op die foto’s wat die ronde doen nie.

“Stel jou voor Will Smith beland in ’n Namibiese tronk omdat hy nie ’n masker dra nie,” het een geskryf.

Voordat Smith Dinsdag geland het, is bespiegel of daar enige waarheid in die gerug steek dat hy die land gaan besoek.

Die bekende plaaslike musikant EES het op Facebook geskryf: “Het enigiemand enige konkrete bewyse dat Will Smith wel in Namibië is?”

Op 2 Januarie is ’n foto van Smith wat die “Namibië-teken” wys op sosiale media geplaas.

“Ek het uiteindelik die foto gekry waarna ek gesoek het ná ek met baie mense gepraat het – hier is dit! Will Smith is in Namibië.”

Smith het in die laat 80’s naam begin maak as rapper onder die verhoognaam The Fresh Prince. Sy groot deurbraak was in die 1990’s toe hy die hoofrol in die gewilde NBC-televisiereeks The Fresh Prince of Bel-Air gespeel het. Daarna het hy die skuif na die grootskerm gemaak en in trefferflieks soos The Pursuit of Happyness, I Am Legend en die Bad Boys- en Men in Black-franchise. Die bekende rapper, akteur en rolprentvervaardiger is vir vyf Golden Globe-toekennings en twee Oscars benoem en het al vier Grammy-toekennings gewen.

Soortgelyk

 

Okavango-alliansie vra vir moratorium op oliesoektog

1 uur gelede | Omgewing

'n Alliansie van plaaslike en internasionale burgerlike organisasies en aktiviste, Save Okavango's Unique Life (Soul), wil hê 'n moratorium moet geplaas word op ReconAfrica se...

Namibië se Ontplooiings- en Immuniseringsplan "onder die beste...

3 ure gelede | Gesondheid

Namibië se Ontplooiings- en Immuniseringsplan teen Covid-19 is deur die Wêreldgesondheidsorganisasie (WHO) as "een van die beste in die wêreld" beskryf. Volgens die minister van...

N$583 miljoen vir Namibië se Covid-19 Ontplooiings- en Immuniseringsplan...

4 ure gelede | Gesondheid

Die totale voorgestelde begroting vir Namibië se Ontplooiings- en Immuniseringsplan vir Covid-19-entstowwe is N$583 miljoen waarvan N$484,8 miljoen vir die aankoop van die entstowwe is....

Covid-19-regulasies geld tot 31 Maart

4 ure gelede | Gesondheid

Pres. Hage Geingob het pas by Staatshuis aangekondig die huidige Covid-19-maatreëls geld vir die volgende 36 dae vanaf middernag tot 31 Maart (Onafhanklikheidsdag op 21...

Metro spoils its customers

6 ure gelede | Plaaslik

Metro Namibia celebrated its birthday in style once again by spoiling five lucky customers each to a trailer of their own, stocked with N$5,000-00 worth...

Knopvelsiekte breek in Omaheke uit

15 ure gelede | Landbou

Knopvelsiekte het by Eiseb in die Omahekestreek uitgebreek en die beweging van beeste in dié gebied is tot verdere kennisgewing opgeskort.Dr. Albertina Shilongo, hoof-veeartsenybeampte in...

Vrou woon in haar motor by hospitaal

15 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

15 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

15 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...