Fourie du Preez terug by Loftus

14 October 2020 | Sport
Cobus Claassen – Fourie du Preez is terug in die Bul-kraal.
Jake White was nie lank by Loftus Versfeld nie toe hy, as die Bulle se direkteur van rugby en hoofafrigter, dié voormalige Springbok-skrumskakel se naam op sy wenslys aangebring het.
White beskou Du Preez, wat van 2002 tot 2011 ’n sleutelspeler in die Bulle se gedugte kampioenspan van daardie era was, as ’n rugbygenie met onskatbare intellektuele eiendom.
Du Preez het sy gevierde loopbaan in 2016 by Suntory in Japan afgesluit en daar was sedertdien dikwels sprake dat hy op topvlak kan begin afrig.
Hy het verlede week met die skrumskakels in die Bulle-groep begin werk.
Du Preez is as ’n konsultant betrek en sal een keer per week sy kennis en vaardighede by Loftus terugploeg.
White sê hy is verheug dat dié oud-Bok van 76 toetse en drie Wêreldbeker-toernooie ingestem het om die jong Springbokke soos Embrose Papier en Ivan van Zyl onder sy vlerk te neem.
Keagan Johannes, verlede seisoen ’n lid van die Ligbloues se nasionale o.21-kampioenspan, is ’n opkomende ster en kan ook baat by Du Preez se kundigheid.
Du Preez was White se voorkeur-skrumskakel toe hy die Springbokke tussen 2004 en 2007 afgerig het en het ’n sleutelrol in die Bokke se WB-triomf in 2007 gespeel.
“Fourie sal baie waardevol vir ons wees. Hy het werklik een van die slimste rugbybreine in die spel,” sê White.
Die Bulle-breier het ’n ruk terug gesê hy sal Du Preez wil inspan soos die Wallaby-legende George Gregan destyds toe hy die Brumbies afgerig het (2012-’13).
Daar word gehoop dat Papier en Van Zyl onder Du Preez se mentorskap sal gedy.
Albei het in 2018 Springbokke geword, maar hulle het verlede jaar nie genoeg gedoen om die Wêreldbeker-groep te haal nie.
White sê die Bulle is in ’n gunstige posisie om twee skrumskakels met sulke uiteenlopende sterkpunte by Loftus te hê en meen albei het ’n groot rol.
Marco Jansen van Vuren is as ’n buite-agterspeler versool, maar White sê hy kan steeds volgende jaar in die nr. 9-trui gekies word wanneer daar op swaar velde in die Noordelike Halfrond gespeel word.
– Netwerk24

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...