Fouché-span rol verby opposisie

10 September 2019 | Sport
Tielman van Lill - Windhoek-rolbalklub (WRK) het die afgelope naweek sy jaarlikse parespeltoernooi aangebied waar geregistreerde spelers wat korter as vyf jaar rolbal speel mekaar op 'n rondomtaliegrondslag kon pak.

Wat die kompetisie interessant maak, is dat sommige spelers aansienlik meer ondervinding agter die rug het terwyl ander maar nog net vir 'n maar maande op die groot groen tapyt aangetree het.

Vanjaar was geensins anders nie en kompeteerders moes byvoorbeeld teen die gesoute JP Fourie en Elzaan de Vries kragte meet.

Fourie het Namibië vanjaar in Wallis by die Atlantiese kampioe­nskap verteenwoordig en het onlangs 'n goue medalje in die parespel by die Afrika-statekampioenskap opgeraap. De Vries was ook in Wallis by die gesogte internasionale Atlantiese toernooi in aksie.

Twintig deelnemers van verskeie klubs in die land het die tien spanne gevorm wat in twee groepe van vyf opgedeel is. Vier wedstryde is Saterdag afgehandel met die laaste ronde en eindstryd wat Sondag beslis was.

Freddie Fouché en sy seun JP van Eros-rolbalklub het as die algehele wenners na vore getree, terwyl verlede jaar se kampioene, John Hawthorne en Elzaan de Vries van Eros-klub, die tweede posisie ingeneem het. Tiekie du Toit en Claude Thornburn van die nuut gestigde Omeya-klub het derde geëindig, met Wojtek Majewski (TransNamib) en Daphne Martin (Windhoek) vierde.

Kontantpryse is aan die topvier spanne oorhandig, wat goedgunstiglik deur One Channel Namibië geborg is en deur me. Christine Hyman van die borg oorhandig was. Selfs die span in die vyfde posisie het ook 'n meevallertjie in kontant van die gasheer vir hul deelname ontvang.

Vir Windhoek-klub was die suksesvolle byeenkoms opnuut 'n geleentheid om rolbal as 'n vriendelike sport te bemark en hoop om dit nog vir baie jare aan te bied. Dit is 'n gulde geleentheid om spelers die kans te gee om op meer gelyke voet teen mekaar te speel.

Jenny Gardiner, skakelbeampte van die Namibië Rolbalvereniging, sê rolbal is 'n sport vir mense van enige ouderdom, fiksheid- of vaardigheidsvlak.

“Dit is lekker om te sien hoeveel spelers die afgelope tyd dié wonderlike sport geniet. Dit is nie altyd maklik om nuwe gesigte na dié spel te lok nie, want die wanindruk bestaan steeds dat rolbal net deur senior burgers en afgetrede mense gespeel word,” het Gardner gesê.

Soortgelyk

 

Meegesleurde Okahandja-vrou steeds soek

1 uur gelede |

Elvira Hattingh - Die 42-jarige vrou wat gisteroggend deur die water meegesleur is toe sy en twee ander mense die Okahandjarivier te voet wou oorsteek,...

Hardap kry 19 Mm³ water sedert Maandag

1 uur gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

3 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

13 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

13 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

13 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

13 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

13 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

13 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...