Fontein van vullis

Dorpsraad skarrel oor onpadwaardige lorries

23 September 2021 | Regering
Elvira Hattingh

Grootfontein se vullisverwyderingslorries kon vir ‘n tweede week nie die dorp se rommel verwyder nie. Dit is omdat die voertuie nie oor geldige lisensieskywe en padwaardigheidsertifikate beskik nie.

Volgens foto’s wat deur ‘n anonieme bron aangestuur is, het sommige voertuie in die munisipale vloot se lisensieskywe reeds ses jaar gelede in 2015 verval. Volgens gerugte het owerhede nou ‘n stokkie voor die gebruik van die onpadwaardige voertuie gesteek.

Intussen is die munisipaliteit besig om vullissakke op ‘n bakkie te laai en weg te ry, terwyl die stadsraad ook twee vragmotors van die sakegemeenskap gekry het om met vullisverwydering te help.

Mnr. Luke Salomo, woordvoerder van die Grootfontein-munisipaliteit, het gister gesê, buiten vir die bogenoemde stappe wat die dorpsraad tans neem om die situasie te probeer beredder, het hulle ook verlede Saterdag ‘n skoonmaakveldtog in die dorp van stapel gestuur.

Dit volg ná ‘n kennisgewing op die dorp se Facebook-blad gepubliseer is om te sê hulle ervaar “vertragings” in rommelverwydering wat tot môre sal voortduur. Dit glo weens meganiese probleme met hul rommellorrie.

AGTERSTALLIG

Salomo sê een of twee munisipale voertuie waarvan die lisensieskywe en padwaardigheidsertifikaat verval het, is op die paaie aangetref waar dit besig was om vullis in die dorp te verwyder.

“Dit is deel van ons noodsaaklike dienste. Ons kan nie op vullisverwydering afskeep nie . . . Ons het ‘n ooreenkoms met ander belangegroepe gehad dat, terwyl ons besig is om ons agterstallige rekening te vereffen, ons kan voortgaan om vullis te verwyder,” het hy gesê.

Salomo sê egter die munisipaliteit is sedert verlede week besig om die agterstallige geld vir lisensieskywe en padwaardigheidsertifikate vir hul mees noodsaaklike voertuie te betaal.

“Inteendeel, sommige voertuie se nuwe skyfies is reeds uitgereik en moet net op die voertuie geplak word. Ons verstaan hulle is misplaas deur die vorige persoon wat vir die uitneem van die skyfies verantwoordelik was,” het Salomo gesê.

Hy het nie gerugte bevestig of ontken dat die munisipaliteit NaTIS meer as N$1 miljoen skuld nie, maar gesê die munisipaliteit is spyt daaroor dat hulle agterstallig geraak het en toegelaat het dat die uitstaande bedrae mettertyd gegroei het.

BETAAL REKENINGE

Op die vraag hoekom die munisipaliteit opgehou het om lisensieskywe en padwaardigheidsertifikate vir hul vloot uit te neem, het Salomo gesê daar was ‘n verandering van die persoon wat verantwoordelik was om die vloot by NaTIS te registreer.

“Sedert hy weg is, is hy nie vervang nie. Die saak is intussen onder die aandag van die nuwe leierskap gebring, wat besig is om die verantwoordelikheid aan ‘n nuwe werknemer oor te dra,” het hy gesê.

Salomo kon nie sê presies hoe groot die munisipale vloot is nie, maar het bevestig dat dit “redelik groot” is, met sommige voertuie wat nuut is en ander oud.

“Ek sou sê sowat vyf tot ses van die voertuie se lisensieskyfies het verval en ons is besig om dit te hernu.”

Hy het opnuut ‘n beroep op die dorp se inwoners gedoen om hul rekeninge te betaal omdat dit die enigste manier is hoe die munisipaliteit in hul behoeftes kan voorsien.

“Geld is soos mensbloed in ‘n liggaam, daarsonder sal ‘n mens sterf. Dieselfde geld as inwoners nie vir die dienste betaal wat die stadsraad lewer nie – ons sal nie die dorp kan ontwikkel nie.”

Volgens mediaberigte skuld die dorp se inwoners die munisipaliteit N$140 miljoen.

Salomo het verder gevra dat onwettige rommelstrooiery of die vandalisering van munisipale eiendom by 067 243 100 aangemeld word. - [email protected]

Soortgelyk

 

Vier sterftes, 25 nuwe gevalle

6 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

10 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

11 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

11 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

12 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

23 ure gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

23 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

23 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

23 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...