FlyWestair vlieg na Oranjemund

Vlugte drie dae ’n week

12 June 2019 | Vervoer
‘n Nuwe era in Namibiese lugvaart word op 24 Junie ingelei wanneer Westair se eerste geskeduleerde passasiervlug opstyg.

Die Namibiese Vervoerkommissie het die status van passasierdraer aan die maatskappy toegeken.

Dié akkreditasie maak Westair Aviation ‘n amptelik geskeduleerde passasierlugredery onder die vaandel FlyWestair, met vlugte na verskeie bestemmings in die land en die substreek.

Die eerste roete sluit drie geskeduleerde vlugte per week van die Eros-lughawe in Windhoek na Oranjemund in, wat op 24 Junie afskop.

Nuwe roetes wat ook ingestel gaan word, sluit vlugte van Oranjemund en Windhoek na Kaapstad in, asook na Walvisbaai, Ondangwa en Johannesburg.

Plaaslike vlugte op die roetes sal na verwagting in Julie begin, terwyl streekvlugte van Augustus ingestel kan word.

Die maatskappy sê in ‘n verklaring die besluit om ‘n amptelike passasierdiens vir Jan Publiek in te stel, is aangevuur deur geleenthede in die mark, waarvan die roete van Windhoek na Oranjemund die mees onmiddellike behoefte was.

Volgens die voorsitter van die Westair-groep, mnr. Wolfgang Grellmann, is die bekendstelling van FlyWestair ‘n natuurlike uitvloeisel van die groeiende aantal dienste wat die onderneming reeds sedert 1967 verskaf.

“Ons is op ‘n voortdurende sending om die lugvaartstandaard in Namibië te verbeter. Daar is ‘n beduidende behoefte aan ‘n gereelde geskeduleerde vlug na Oranjemund. Namibië se regering, deur middel van De Beers Marine Namibia (Namdeb), belê baie hulpbronne daarin om ‘n toekoms buiten mynbou vir die dorp te skep. Maklike, gereelde toegang tot die dorp is daarom noodsaaklik,” het hy gesê.

“Gegewe die ekonomiese aantrekkingskrag van maatskappye wat vanuit Oranjemund diens doen, is daar beslis ‘n behoefte daaraan om toeganklikheid en vlugte na Oranjemund te verhoog, wat tot voordeel van die ekonomie en bedrywe op die dorp en die land as geheel strek.”

Volgens hom is Ondangwa die bestemming wat die meeste in die land besoek word.

“Die regering het deur middel van die Namibiese lughawensmaatskappy groot in ‘n aanloopbaan en infrastruktuur belê. As ‘n trots Namibiese lugredery is ons daaraan toegewy om die meerderheid van ons bevolking te bedien. Wanneer die vlugte in bedryf is, sal dit moontlik wees om binne een dag van Oranjemund na Ondangwa te vlieg,” het Grellmann gesê.

Vlugte na Oranjemund vertrek Maandae, Woensdae en Vrydae om 09:30 uit Windhoek en land 10:40 op die dorp. Dit vertrek weer om 16:00 uit Oranjemund en land om 17:10 in Windhoek.

Westair is 100% in Namibiese besit en beskik oor ‘n vloot van meer as 30 vliegtuie en 70 vlieëniers.

Soortgelyk

 

Dringende kragonderbreking op Rehoboth, Windhoek-suid

1 dag gelede | Energie

NamPower het aangekondig dat 'n kragonderbreking vandag vir Rehoboth en suidelike dele van Windhoek tussen 10:00 en13:00 geskeduleer is. "Die kragonderbreking is beplan sodat dringende...

Studente eindelik geholpe

1 dag gelede | Onderwys

Die Namibiese Nasionale Studenteorganisasie (Nanso) sê die 12 624 nuwe studente wat vanjaar aanvanklik nie finansiële hulp sou ontvang nie, gaan nou wel ondersteuning ontvang....

Kabinet sê ja vir Chinese tabakplaas

1 dag gelede | Ministeries

Ronelle RademeyerDie kabinet het die groen lig aan die Chinese tabakverbouer- en verspreider Namibia Oriental Tobacco gegee om 10 000 ha grond in 'n staatswoud...

Be­drog­saak sloer 7 jaar

1 dag gelede | Howe

Ronelle Rademeyer - Sewe jaar nadat ’n bedrogsaak van sowat N$4 miljoen teen twee voormalige boekhouers van Mariental aanhangig gemaak is, moes dié verhoor vandeesweek...

Kinderregte eerste!

1 dag gelede | Mense

Sondag word die Dag van die Afrikakind gevier. Daar is meer as 880 000 kinders jonger as 15 jaar in die land, toon die jongste...

'Nimt-moordenaar' sê sy bekentenis was vals

1 dag gelede | Howe

Erwin Leuchner op SwakopmundDie ambagsdosent wat aangekla is van die dubbele skokmoord op Arandis sê hy het net 'n bekentenis aan die polisie afgelê omdat...

Weer, Vrydag 14 Junie 2019

1 dag gelede | Weer

BINNELAND: Sonnig en koud tot warm in die Suide. Elders sal dit mooiweer en warm tot baie warm wees.KUS: Sonnig, winderig en warm tot baie...

Kalender 14 Junie

1 dag gelede | Kuns en vermaak

Nou aan die gang» Sluit by die Windhoek-DBV aan vir hul jaarlikse fondsinsameling vir troeteldiere sonder huise. Tydens Animals by Night sal talentvolle Namibiese...

Operasie Kalahariwoestyn eis eerste slagoffer

1 dag gelede | Polisie

Francoise Steynberg - Operasie Kalahariwoestyn het sy eerste slagoffer geëis toe ‘n taxibestuurder vroeg gisteroggend in die Greenwell Matongo-nedersetting in die Wanaheda-woonbuurt in die hoofstad...