Fitch gradeer SA banke verder in rommel in

Baie swak ekonomiese vooruitsig

02 April 2020 | Afrika
Nellie Brand-Jonker - Fitch het die vyf groot banke van Suid-Afrika naamlik Absa, FirstRand, Investec, Nedbank en Standard Bank verder in rommel afgradeer.

Alle nasionale langtermyngraderings en skuldgraderings is afgradeer.

Die vooruitsig vir die gradering van die banke is ook van stabiel op negatief geplaas.

Dieselfde stappe is gedoen met vier van die banke se beheermaatskappye Absa, Investec, Nedbank en Standard Bank.

“Die stap is weens die verwagte negatiewe impak van die coronavirus-uitbreking op die banke se bedryfsomgewing en belangrike finansiële statistieke gedoen.

“Ons meen die Suid-Afrikaanse bedryfsomgewing is veral blootgestel aan die pandemie weens die digte bevolking en weerlose gemeenskappe en die verhoogde risiko vir die ekonomie as gevolg van dalende kommoditeitspryse, ontwrigting van toerisme, mynbou-aktiwiteite en vervaardiging, sowel as druk op die regerings se finansies.”

Die inperking van 21 dae gaan ’n “verdere groot negatiewe skok vir die banke se bedryfsomgewing meebring” wat reeds deur die land se baie swak ekonomiese vooruitsig geraak word.

Die krisis gaan nog ’n langdurige impak op Suid-Afrika hê gegewe sy afhanklikheid van internasionale uitvoermarkte.

Banke is reeds in rommelstatus afgradeer drie jaar gelede April 2017 toe Fitch Suid-Afrika se nasionale gradering verlaag het.

Fitch verwag dat die banke veelvuldige uitdagings in die nabye toekoms sal ondervind, waaronder ’n afname in kliënte-aktiwiteite, laer rentekoerse, wat druk op marges sal plaas, en stygende kredietverliese.

Hierdie faktore sal die risiko’s vir banke se verdienste, gehalte van hul bates (die verbruikerskuld wat hulle op hul boeke het en van maatskappye) en vir hul kapitalisasie verhoog.

Die skuldverligtingsmaatreëls wat deur die banke aangekondig is, sal nie net hul winsmarges beïnvloed nie, maar ook die omvang van die verswakking van die gehalte van hul bates verdoesel.

Fitch het reeds weens die swak ekonomiese groei ’n moeiliker jaar vir die banke verwag.

“Ons verwagting oor hul wins en bates se gehalte is nou baie swakker as wat ons laat in 2019 verwag het toe ons die vooruitsigte gepubliseer het.”

Die gradering is van BB+ wat dit voorheen was tot BB verlaag. – Netwerk24

Soortgelyk

 

Covid-19: 5de nuwe geval binne 4 dae

5 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

2 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

2 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

2 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

2 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

2 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

2 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

2 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

2 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...