Fishrot-manne skarrel vir borgtog

Verdere ondersoek nodig

01 June 2020 | Misdaad
Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding het.

Advokaat Ed Marondedze, die staatsaanklaer, moes kophou terwyl die verskeie regsverteenwoordigers probeer het om borgtog vir hul kliente te kry.

In die saak teen mnre. Bernhard Esau, die voormalige minister van visserye en mariene hulpbronne, Sacky Shanghala, die voormalige justisieminister, James Hatuikulipi, die voormalige voorsitter van die Fishcor-raad, Tamson “Fitty” Hatuikulipe, James se neef en Esau se skoonseun en Ricardo Gustavo van N$103 miljoen se bedrog, belastingontwyking, omkopery en sameswering om die teenkorrupsiewet te oortree, het die staat uitstel vir verdere ondersoek gevra.

Die verdeding het dit teengestaan en gesê sonder duidelikheid oor wanneer die ondersoek voltooi gaan word, is dit ’n menseregteskending om nie borgtog toe te staan nie.

Landdros Ingrid Unengu sal op Woensdag 3 Junie haar uitspraak in dié saak lewer en landdros Johannes Shuuveni sy besluit oor Gustavo se borgaansoek op dieselfde dag.

Verder het die geskorsde uitvoerende hoof van die National Fishing Corporation of Namibia (Fishcor), mnr. Mike Nghipunya, en ’n medebeskuldige, mnr. Pius Mwatelulo, Vrydag in die korrupsiesaak van N$75,6 miljoen by dié staatsonderneming in die hof verskyn. Gustavo is nie ’n beskuldigde in dié korrupsiesaak nie. Die saak is tot September uitgestel.

Mnr. Nigel van Wyk het ook Vrydag ’n borgtogaansoek ingedien. Hy word saam met Shanghala en James Hatuikulipi van dwarsboming van die gereg aangekla. Van Wyk is aangekeer toe hy glo moontlike bewysstukke wat met die beweerde Fishrot-korrupsie verband hou, uit Shangala se kantoor wou verwyder. Volgens van Wyk het hy bloot sy werk as werknemer van Olea Investments No 9 gedoen. Olea behoort aan Shanghala en James Hatuikulipi. Die aansoek wat voor landdros Ivan Gawanab gebring is, duur nog voort.

Terwyl die staat die Fishrot-beskuldigdes agter tralies probeer hou, is dit duidelik dat nog baie werk voorlê om die omvang van die korrupsie vas te stel.

Volgens Marondedze is ’n internasionale ondersoek noodsaaklik, maar veroorsaak dit vertragings in die ondersoek om die misbruik van visvangkwotas te bepaal.

Hy sê ondersoeke in Angola, die Demokratiese Republiek die Kongo, Zimbabwe, Spanje, Ysland, Ciprus, Doebai, Swede en Noorweë is nodig. Marondedze verwag dat daar nog inhegtenisnemings in Angola en Ysland sal wees.

“Hierdie misdaad is op 'n gesofistikeerde wyse uitgevoer en verskillende kommunikasieplatforms is gebruik; dit vereis diplomasie. Die staat werk deurgaans om die ondersoeke af te handel, maar 'n langer tydperk is nodig,” het Marondedze gesê.

Hy sê ook die Teenkorrupsiekommissie van Namibië se ondersoeke vereis bykomende reise, maar weens die uitbreking van Covid-19 het sommige lande hul grense gesluit, en die ondersoeke staan tans stil. - [email protected]

Soortgelyk

 

Iran: Kernkragontploffing veroorsaak beduidende skade

7 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

7 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

9 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

10 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

11 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

21 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

21 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

21 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

21 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...