'­Fishrot-geld nie op my plaas begrawe'

Moller: Media probeer bepaalde storielyn skep

08 February 2021 | Misdaad
Ronelle Rademeyer



“Daar was definitief nie Fishrot-geld of geld van die Fishrot-beskuldigdes op my plaas begrawe nie. Die polisie en die Teenkorrupsiekommissie (ACC) het dit ondersoek.

“Die media probeer daardie storielyn skep, maar dit is onwaar,” het mnr. Dawie Moller, boer, eien­domsontwikkelaar en besturende direkteur van D&M Rail Construction, Vrydag in 'n onderhoud gesê.

Moller is op 5 Januarie vanjaar saam met sy plaasvoorman, mnr. Hendrick Rooi, op sy plaas suid van Gobabis in hegtenis geneem.

Hy staan in die landdros­hof op dié dorp tereg op klagte van geldwassery, die besit van onverklaarde geld, die versuim om dié geld te verklaar, diefstal en die besit van vermoedelik gesteelde goedere. Rooi staan tereg op 'n klag wat verband hou met die wet op die voorkoming van georganiseerde misdaad (Poca).

“Ek weet presies wat gebeur het, en dit is definitief nie ­naastenby soos die media beweer nie,” het Moller in reaksie op 'n berig in The Namibian dat 'n tas vol geld wat in die veld op sy plaas begrawe was, deur plaaswerkers gevind is.

Die waarheid, sê Moller, sal in die hof “uitkom” en hy wil nie verrigtinge vooruit loop nie.

Volgens dié berig het die Fishrot-beskuldigdes na bewering N$9 miljoen in 'n 25 kg-sak begrawe voor hulle in hegtenis geneem is.

Mnre. James Hatuikulipi en Sacky Shanghala, onderskeidelik die gewese voorsitter van die staat se vismaatskappy, Fishcor, en die voormalige prokureur-generaal en minister van finansies, se plase Dixie en Gunsbewys, is sowat 15 km vanaf sy plaas geleë. Hulle is twee van die sleutelverdagtes in die Fishrot-korrupsieskandaal.

“Ongelukkig is daar van verlede jaar af 'n poging deur die media om mense wat hulle goed geken het, ook met Fishrot te verbind,” het Moller aan Republikein gesê.

“Die geld wat deur stukwerkers gesteel is, was geld wat uit die opbrengs van die boerdery verdien is. Toe die geld einde verlede jaar weggeraak het, het ons dit eers stilgehou. Die storie is besig om 'n hengse veiligheidsrisiko vir ons te word,” sê hy en voeg by hy moes intussen 'n sekuriteitsmaatskappy aanstel om na die veiligheidsitua­sie op sy plaas om te sien.

Moller sê hy sien vreemde voetspore in die veld en merk onbekende voertuie op die distrikspad naby sy plaas op.

Oor sy vriendskapsband met Hatuikulipi, sê Moller hy het hom in 2006 leer ken toe hy vir hom 'n huis in Ludwigsdorf gebou het.

“Hy was toe al 'n wel­gestelde man. Ek kan nie vandag teen die ou draai en sê ons het 'n slegte verhouding gehad nie. Ons het besigheid op 'n oop en skoon manier gedoen.”



AANDEELHOUERS

Hatuikulipi is een van die aandeelhouers van D&M Rail Construction. Moller en Hatuikulipi het ook saam 'n eiendomsontwikkelingsmaatskappy, MH Properties.

Moller sê ­Hatuikulipi het in 2017 'n eenheid in 'n luukse ­leefstylkompleks in Klein-Windhoek gekoop wat hy ­ontwikkel het.

Volgens Moller was bedrae van onderskeidelik N$4,5 miljoen en N$3,5 miljoen wat op 23 Oktober 2017 deur mnr. Marén de Klerk aan MH Properties uit Celax Investments Number One se rekening oorbetaal is, hiervoor bestem.

Dié rekening is na bewering deur De Klerk gebruik om geld namens die Fishrot-beskuldigdes te was.

Moller sê die transaksie was 'n saak tussen Hatuikulipi, sy prokureur, en die eiendomsagentskap, Pam Golding Properties, wat die eenhede bemark het. “Hy het uit sy eie die eiendomsagent genader. Ek het niks met die koop van die eenheid toe doen gehad nie. Net so kon die ACC ook geen ­verbintenis tussen D&M Rail Construction en Fishrot-transaksies vind nie,” het hy die naweek gesê.

Moller en Rooi moet weer op 28 April in die landdroshof op Gobabis verskyn.

Hulle is op 15 Januarie op borgtog vrygelaat.

[email protected]

Soortgelyk

 

Vrou woon in haar motor by hospitaal

7 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

7 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

7 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

7 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

7 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

7 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

7 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

7 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

7 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...