Filmbedryf groet Simon Wilkie

26 June 2020 | Mense
Mnr. Simon Wilkie, ’n veteraan in die Namibiese vermaakbedryf, is Woensdag op die ouderdom van 58 in die hoofstad oorlede.

Wilkie was ’n vername kinematograaf en kameraman, asook die stigter van Mubasen Communications en ’n geliefde figuur in die plaaslike kunste.

“Dit is met ’n swaar hart dat ek die afsterwe van Simon Wilkie meedeel. My persoonlike ervaring, wat gestaaf word deur almal wat die voorreg gehad het om met hom te doen te kry, was dat hy ’n saggeaarde, gawe siel was. Hy sal gemis word,” skryf me. M’kariko Amagulu, ’n adjunkdirekteur by die kunstedirektoraat, op Facebook.

Sedertdien stroom boodskappe van meegevoel en huldeblyke van ander Namibiese kunstenaars uit alle oorde in. Sy werk het duidelik ’n blywende impak op die bedryf gemaak.

“Simon was ’n sagte reus in die filmbedryf,” sê Lize Ehlers. “Hy was gaaf en vrygewig.”

“Toe ek jare gelede na Namibië teruggekeer het, het ek as produksieontwerper saam met Simon aan my eerste Namibiese film gewerk. Hy het altyd ’n kalm, positiewe energie uitgestraal. Hy het regtig ’n oog vir detail gehad. Dit was ’n eer en ’n voorreg om hom my vriend te noem.

“Hy het my lewe verryk met sy passie vir kinematografie en vir die lewe oor die algemeen. Hy was net ’n awesome mens. Simon het ’n belangrike rol in die Namibiese filmbedryf gespeel. Ek sal ons interessante gesprekke oor films en die lewe mis. Maar meeste van alles gaan ek hom mis,” sê me. Lila Swanepoel, ’n vervaardiger, produksieontwerper en Wilkie se hegte vriendin.

Mnr. Ernst Steynberg, ’n kreatiewe direkteur en lid van dB Audio Namibia, sê Wilkie was altyd deel van die storievertelproses in Namibië.

“Simon se naam verskyn in die eindkrediete van die meeste produksies waarby ek al betrokke was. Die drie ‘Remember Elphias’ films, ‘Reflections’, sowel as verskeie advertensies, musiekvideo’s en korporatiewe projekte – hy was altyd daar.

“Sy bydrae tot die Namibiese kunsbedryf is enorm en hy sal baie gemis word. Behalwe vir sy werk was Simon ook ’n wonderlike mens, altyd gaaf en saggeaard met Job se geduld. Ek sal hom mis en Namibië sal hom mis.”

Soortgelyk

 

Vandag se Covid-19-data

6 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

7 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

12 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

23 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

23 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

23 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

23 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

23 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

23 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...