Fifa-komitee moet NSV-raaisel ontknoop

11 January 2019 | Sport
Die wêreldbeheerliggaam van sokker, Fifa, het aangekondig dat hy 'n komitee aangestel het om die woelinge in Namibiese sokker te normaliseer.

Volgens 'n brief wat Fifa se sekretaris-generaal Fatma Samoura aan die Namibiese Sokkervereniging (NSV) gerig het, sal die sogenaamde Fifa-buro die normaliseringskomitee saamstel wat die sake van die NSV tot aan die einde van Mei 2019 sal bestuur.

Die wêreldbeheerliggaam het tot dié besluit gekom ná 'n onlangse besoek deur 'n Fifa-delegasie aan Namibië om die situasie in die NSV te evalueer, wat die afgelope maande deur 'n magstryd op die topvlak gekenmerk is.

Die lede van die normaliseringskomitee se name word nie verskaf nie. Volgens die verklaring sal die komitee se mandaat wees om die daaglikse sake van die NSV te bestuur en om te verseker dat die NSV-lede wie se uitvoerende komitees nie meer binne hul mandaat is nie die nodige verkiesings reël en uitvoer.

Sodra dié verkiesings op ledevlak gehou is, moet die verkiesing van die NSV se nuwe uitvoerende komitee gereël word.

In Fifa se brief word ook verklaar dat die normaliseringskomitee sal optree as die koördineerders van die verkiesing en dat geen van sy lede kiesbaar mag wees vir die vakante posisies tydens die verkiesing nie.

Die termyn van mnr. Frans Mbidi (president) en die res van sy uitvoerende komitee van die NSV het op 5 Desember verlede jaar ten einde geloop.

Ná die ontmoetings tussen die Fifa-ondersoekspan, die NSV en die ministerie van sport, jeug en nasionale diens het die Fifa-buro bevind dat twee faksies binne die NSV teen mekaar werk en dat hulle nie versoen kan word nie.

Twee artikels van die Fifa-regulasies (8 en 14) is dus gebruik as grondslag vir die besluit om die normaliseringskomitee te vorm.

Benewens die binnegevegte het die ondersoekspan ook verskeie gevalle van finansiële wanbestuur en botsings van belange bevind, luidens die Fifa-brief.

Mnr. Barry Rukoro, die NSV se jarelange sekretaris-generaal wie se kontrak ook intussen verstryk het, het by navraag aan die nuusagentskap Nampa gesê hy is nie bewus wie die lede is wat gekies is om op Fifa se normaliseringskomitee te dien nie.

- Nampa

Soortgelyk

 

Onderwysbeampte vas oor olifanttande

9 ure gelede | Misdaad

'n Drywer van die ministerie van onderwys, kuns en kultuur is vanoggend omstreeks 03:00 in verband met die onwettige besit van olifanttande op Katima Mulilo...

Leë Hardap verdiep droogtenood

23 ure gelede | Plaaslik

Ronelle Rademeyer op Mariental - Teen Desember sal die Hardapdam by Mariental se vlak sodanig verlaag het dat water nie langer aan boere by die...

Vegter vir kunste sterf

23 ure gelede | Mense

Henriette Lamprecht – Sy het haar kleinkinders die reëndans in die tuin geleer, was lief vir reis en ander kulture, het ’n diepe integriteit en...

Weer vir 17 Julie 2019

23 ure gelede | Weer

BINNELAND: Sonnig en warm, maar baie warm in die verre noordelike streke. KUS: Gedeeltelik bewolk en matig tot warm met miskolle aanvanklik. GETYE BY WALVISBAAI:...

Windhoekers ontwikkel ‘slim’ watermeter

23 ure gelede | Regering

Elvira Hattingh - Al ooit gehoor van ‘n watermeter wat jou SMS as jou huis of besigheid ‘n lekkasie iewers het, en jou boonop in...

Bankwerkers sal oor staking stem

23 ure gelede | Arbeid

Elvira Hattingh - Lede van die Bankwerkersvakbond van Namibië (Bawon) gaan binnekort stem oor of hulle aan ’n staking wil deelneem ná salarisonderhandelinge met Standard...

Miljoene vir ‘patetiese’ verkiesing

23 ure gelede | Politiek

ont face="Verdana" >ont face="Verdana" > Denver Kisting – Mnr. Theo Mujoro, die hoofverkiesingsbeampte by die Verkiesingskommissie van Namibië (ECN), sê die 24%-opkoms tydens ’n...

#Eseb-bewaringsgebied op koers

23 ure gelede | Toerisme

Die gemeenskap van Okombahe in die Erongostreek, die Daures-kiesafdeling en die !Oe Gan- tradisionele owerheid wil werkloosheid en armoede beveg deur ’n nuwe kommunale bewaringsgebied,...

Land Rover gee Dagbreek Skool hupstoot

23 ure gelede | Plaaslik

Tanja Bause - Die Dagbreek Skool in Windhoek word die afgelope drie jaar al deur Land Rover Owners Namibia (LRON) ondersteun as deel van hul...