Fietsryer ernstig beseer ná sy vir slaggat uitswaai

Gekraakte ribbes, gebreekte neus, wangbeen

03 June 2020 | Ongelukke
Henriette Lamprecht – ‘n Kranige fietsryer het ernstige beserings opgedoen nadat sy tydens ‘n oefenrit vir ‘n reuseslaggat in die teerpad uitgeswaai het.

Die 39-jarige Odette van der Westhuizen het onder meer ‘n gebreekte neus en gekraakte wangbeen en ribbebene in die ongeluk opgedoen en was vir twee dae in die hospitaal.

Die ongeluk het op die Hochfeld-pad buite Okahandja plaasgevind waar Odette en haar man vir die Desert Dash geoefen het.

Odette wat fietsry en oefening as haar “happy place” beskryf, sê sy en haar man ry gereeld op dié pad en probeer gereeld om die afstand wat hulle met hul fietse aanpak, te verleng.

Volgens Odette het sy skuins agter haar man gery en die slaggat te laat gesien.

“Toe ek uitswaai na my man se kant het my voorste wiel sy agterste wiel getref. Ek het bo-oor my fiets se handvatsels gevlieg en hande en gesig eerste op die teerpad te lande gekom,” vertel sy.

Odette, wat steeds baie pyn en ongemak verduur, sê sy was ná die val vir ‘n paar oomblikke bewusteloos en deurmekaar.

“Ek kon niks van die val onthou nie en het heeltyd vir my man gevra ‘waar is ons nou?’”

Haar man het hul buurman se vrou gebel wat hulle kom haal en Odette na ‘n dokter op Okahandja geneem het. Sy is per ambulans na Windhoek geneem waar sy in die Mediclinic opgeneem is. Hier is sy geopereer en het sy twee dae deurgebring.

Buiten vir haar gebreekte neus en gekraakte wangbeen, moes sy ook onder meer 15 steke in haar mond kry. Sy het ook twee gate onder haar neus en lippe waar die klippies van die teer haar vel stukkend geskeur het. Odette se een oog is opgeswel en vol bloed nadat ‘n aar in dié oog gebars het.

“Ek ry al lank en ry in die berge en het al kompetisies gedoen en weet hoe om te ry, ek het die nodige vaardighede geleer. Dit (slaggat) het my egter totaal onkant gevang.”

Volgens Odette het die pad redelik slaggate en dra dit baie verkeer, veral vragmotors. Enkele dae ná haar ongeluk byna twee weke gelede (Vrydag 22 Maart) is die slaggat saam met ander in die pad volgens Odette deur die Paaieowerheid met sand gevul. Alle tekens van onder meer die groot plas bloed wat hier gelê het, was volgens haar uitgewis.

Sy kon dood gewees het, sê Odette.

“Never mind ‘n motor se bande, wat as ek dood is? Die Here het my regtig beskerm.”

Odette het ‘n prokureur genader vir ‘n moontlike skadevergoedingseis en siviele saak.

“Dit gaan oor wie onderhou die pad – die munisipaliteit of die paaieowerheid.” – [email protected]

Soortgelyk

 

Iran: Kernkragontploffing veroorsaak beduidende skade

13 minute gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

35 minute gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

2 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

3 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

4 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Kleintjies terug skool toe

14 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

14 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

14 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...

'Fitty' wil N$16 m. vir borg betaal

14 ure gelede | Misdaad

Jemima BeukesDie Fishrot-beskuldigde mnr. Tamson 'Fitty' Hatuikulipi – wat die staat aanvoer was 'n inte­grale deel van die viskwota-­omkoopskandaal – het sy vaste bates ter...