Fiennes volg Nureyev se spoor

05 July 2019 | Kuns en vermaak
The White Crow gaan oor ’n unieke kunstenaar se avontuur soos hy die balletwêreld vir altyd verander.

Dit neem die kyker op reis deur sy armoedige kinderdae in die Russiese stad Oefa, sy studentejare in Leningrad en sy epiese kennismaking met die Westerse kultuur in Parys in die vroeë 1960’s.

Dié indrukwekkende, dansbelaaide biografie fokus op Rudolf Nureyev se kinderdae, opleiding en lewensveranderende besoek aan Parys. Filmfinity (Edms) Bpk. versprei die fliek.

Dit is gebaseer op Julie Kavanagh se biografie oor dié Russiese balletdanser en die draaiboek is deur David Hare verwerk.

Die fliek se regisseur, Ralph Fiennes, het ná hy 20 jaar gelede Nureyev: The Life gelees het, versot op die verhaal geraak.

Nureyev, wat vir sy sensuele danstalent bekend was, het die spanning van die Koue Oorlog aangeblaas deur een van die eerste supersterre te word om van die Sowjetunie in 1961 weg te breek.

In The White Crow vertel Fiennes dié balletlegende se verhaal.

“Dit is so dramaties en spreek baie temas aan. Dit het ’n interpersoonlike dinamika, is ’n kans vir Nureyev om homself te laat geld en toon die meedoënloosheid wat daarmee gepaard gaan. Dit is ook binne die konteks van die ideologie van die verdeling tussen die Ooste en die Weste tydens ’n spannende tydperk in die Koue Oorlog,” sê Fiennes.

“Dit was sy karakter en wil wat hom laat besef het wie hy is wat my regtig aangegryp het,” sê hy.

“Ons wou ’n fliek maak oor iemand wat uniek en onkonvensioneel was.”

The White Crow is Fiennes se derde fliek as regisseur en volg in Coriolanus en The Invisible Woman se voetspore. As regisseur bestee hy dieselfde aandag aan fyn besonderhede en karakterskepping as wat hy as akteur doen. Omdat hy daarna streef om sy werk so eg as moontlik te laat lyk, het Fiennes Russiese dansers en akteurs gebruik en hulle toegelaat om in hul eie taal met mekaar op die skerm te praat.

Nureyev word briljant deur Oleg Ivenko vertolk.

Ivenko is ’n solodanser by die Jalil Tatar-balletteater, wat hope jeugdige energie en talent aan die rol verleen.

Regdeur die fliek word balletstukke foutloos opgevoer en is dit verteenwoordigend van die sukses wat hy bereik deur die verlede vir ’n nuwe toekoms agter te laat.

Die ondersteunende rolle sluit die balletster en akteur Sergei Polunin in.

Fiennes speel self een van die mees onderskatte karakters (wat hy heeltemal in Russies vertolk) in die fliek.

Hy is Alexander Pushkin, die beroemde dansmeester wat iets in Nureyev se passie raaksien.

Pushkin se vrou, Xenia (Chulpan Khamatova), stel ook baie belang in Nureyev en nooi hom na haar woonstel waar sy hom verlei.

In die fliek reis die balletster na Parys saam met die Kirov-balletgeselskap.

Daar raak hy bevriend met die Franse danser Pierre Lacotte (Raphaël Personnaz) en die glanspersoonlikheid Clara Saint (Adèle Exarchopoulos), wat oor die dood van ’n geliefde treur en ook die seun van die Franse minister van kultuur, André Malraux, is.

Soortgelyk

 

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

6 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

17 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....