Familie dagvaar ná vrou sterf

Eis skadevergoeding van N$1,3 miljoen

19 November 2021 | Howe
Henriette Lamprecht – Die man en dogters van ’n vrou wat in ’n private hospitaal enkele ure ná haar aankoms weens ernstige hartversaking gesterf het, dagvaar die hospitaal en die dokter aan diens vir N$1,3 miljoen.

Mnr. Jacob Francois van Straaten en sy dogters, Susara en Marie-Louis, dagvaar Mediclinic Swakopmund en dr. Christoff Coetzee ná die dood van me. Wilhelmina van Straaten.

Volgens die besonderhede van die eis is Wilhelmina op 12 Julie 2018 omstreeks 14:30 in die noodeenheid van die hospitaal opgeneem. Sy het twee weke tevore ’n knie-artroskopie ondergaan en het gekla van ernstige braking, duiseligheid, kortasem, borspyn, ongemak en hewige sweet. Die verpleegpersoneel by die hospitaal het Coetzee glo herhaaldelik gebel om hom oor Wilhelmina se toestand in te lig en om “sy dringende hulp” te vra.
Twee ure ná haar opname is sy weens ernstige hartversaking en/of ’n bloedklont deur haar longe dood.

Haar man en dogters beweer in die hofstukke die hospitaal en personeel was nalatig omdat hulle nie verseker het ’n dokter is op die perseel of onmiddellik beskikbaar om mediese noodgevalle te hanteer nie.

Die hulp van ’n ander dokter is nie ingeroep toe Coetzee nie daarin kon slaag om betyds by die hospitaal te wees nie, terwyl Wilhelmina ook nie na die saal vir kritieke pasiënte oorgeplaas nie. Hospitaalpersoneel het ook nie besef haar steeds verslegtende toestand kan tot haar dood lei, sou sy nie onmiddellik behandel word nie.

Met verwysing na Coetzee, sê Wilhelmina se gesin ten spyte daarvan dat hy aan diens by die noodeenheid was, was hy nie in die omgewing van Swakopmund nie. Hy het ten spyte van die feit dat hy bewus was van Wilhelmina se verslegtende toestand, nie betyds aan verpleegpersoneel gesê hy was eintlik in Arandis en kon daarom nie betyds reageer nie.

Coetzee het volgens die hofstukke glo misluk om, totdat dit te laat was, reëlings vir ’n ander dokter te tref om Wilhelmina te ondersoek en te behandel. Hy het ook telefonies behandeling voorgestel sonder om haar te ondersoek en te weet of dit voldoende sou wees om die noodsituasie te verlig.

Susara was vanaf haar opname tot en met haar dood aan haar ma se sy en het volgens die eis haar ma se “voortgesette agteruitgang, stres, angs en uiteindelik haar dood” ervaar.

As gevolg van Wilhelmina se dood het haar man en twee dogters sielkundige skok, trauma, angs, stres en verlies van ’n eggenoot en ma ervaar en hiervoor eis elkeen N$450 000.

Coetzee sê in sy verweer die noodsentrum van die hospitaal het ’n roeplys wat voorsiening maak vir drie verskillende groepe dokters wat gelyktydig op bystand is, met elke groep wat daagliks roteer. Sou ’n dokter op die lys nie beskikbaar wees om na die noodsentrum te gaan nie, is daar volgens Coetzee ten minste twee ander dokters op bystand wat ingeroep kan word. Volgens hom het verpleegpersoneel hom twee keer gebel.
[email protected]

Soortgelyk

 

Landless People's Movement onttrek twee raadslede van Keetmanshoop-munisipaliteit

31 minute gelede | Regering

Twee raadslede van die Keetmanshoop-munisipaliteit wat die Landless People's Movement verteenwoordig het, is met onmiddellike effek verwyder en hul verteenwoordiging opgehef. Sydney Skakana en Willie...

Drie van Okahandja se bestuurskomitee vas vir korrupsie

2 ure gelede | Misdaad

Die Teenkorrupsiekommissie van Namibië (ACC) het drie lede van die bestuurskomitee van die munisipaliteit op Okahandja vir korrupsie vasgetrek. Die drie, Gideon Uwu-Khaeb (voormalige voorsitter),...

Graad 11- en 12-uitslae middel Februarie verwag

4 ure gelede | Gesondheid

Die uitslae van voltydse kandidate vir die Nasionale Senior Sekondêre Sertifikaat Gewone Vlak (NSSCO) en Gevorderde Vlak (AS) sal in middel-Februarie vrygestel word. Volgens 'n...

Boggelrug rus teen die rotse

12 ure gelede | Omgewing

'n Boggelrugwalvis het gister laatmiddag by Langstrand Uitbreiding 1 tussen Swakopmund en Walvisbaai uitgespoel. Volgens 'n inwoner het die dooie walvis met laegety teen 'n...

Geen toetse vir ingeëntes

12 ure gelede | Gesondheid

Henriette Lamprecht – Namibië het gister ’n reusetree gegee om in pas te kom met die nuwe wêreldneiging waar reise deur inentingstatus eerder as ’n...

Families getraumatiseer ná verkeerde liggaam begrawe word

12 ure gelede | Mense

Adam Hartman op Swakopmund – Twee families in rou is verder getraumatiseer nadat hul geliefdes se liggame per ongeluk omgeruil is – klaarblyklik by die...

Risikoskaal vir boere swaar gelaai

12 ure gelede | Landbou

Ronelle Rademeyer - Skerp stygings in insetkoste, ’n “ontploffing” in veediefstalle en onsekerheid oor of die reënval vanjaar voldoende sal wees vir goeie weiding, is...

Weer vir 14 Januarie

12 ure gelede | Weer

BINNELAND: Gedeeltelik bewolk en baie tot bloedig warm in die noordweste en die verre Weste, andersins gedeeltelik bewolk en warm tot baie warm met 'n...

NaTIS: Agterstand in leerlinglisensies

12 ure gelede | Vervoer

Kristien Kruger – Nuwe besprekings vir leerlinglisensies by NaTIS is tydelik opgeskort sodat die geweldige agterstand ingehaal kan word.Volgens die woordvoerder van die Paaieowerheid (RA),...