Evangelis pleit bloed oor Namibië

22 July 2019 | Plaaslik
Denver Kisting



Dit is weens die juk van sonde dat Namibië stoei met dwelms, passiemoorde, alkoholmisbruik en selfs uitdagings in die onderwyssektor beleef.

So sê die Ghanese evangelis Dag Heward-­Mills. “Al hierdie goed het hulle wortels in sonde,” meen hy.

Trouens, sê Heward-Mills, Adam en Eva het 'n lieflike tyd in die tuin van Eden gehad – tot hulle gesondig het.

Dié geloofsgeneser en mediese dokter het gister met groot fanfare by Staatshuis vir pres. Hage Geingob en die land gebid.

Volgens hom is die enigste antwoord op al dié ellende Jesus. “Die antwoord vir sonde is die bloed van Jesus Christus.”

Hy sê hy is verheug om te verneem Namibië is in die hande van 'n ­godvresende leier.

Heward-Mills sê hulle probeer al lank om tot Namibië se redding te kom, maar het tot dusver burokratiese probleme beleef.

Dit is eers nadat 'n Ghanese afvaardiging vroeër vanjaar by Geingob besoek afgelê het dat die weg gebaan is vir Heward-Mills se evangeliebesoek.

Geingob, die hoof van protokol, amb. Leonard Ipumbu, en ander Staatshuispersoneel is toe in gebed gelei waartydens hulle hul sondes voor God moes bely.

Die staatshoof het gesê hy was verras om te hoor die Ghanese geestelike herders het gesukkel om Namibië te betree.

Heward-Mills het Sondagoggend in Windhoek aangekom nadat hulle 'n week in die noorde van die land deurgebring het.

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...