Europa steier onder snerpende weer

Meer as 60 mense dood

05 March 2018 | Internasionaal
Die swaar sneeuval en hewige storms in Europa het meegebring dat vlugte gekanselleer is, pad- en spoorvervoer ontwrig is en skole gesluit moes word.

Dié stormweer het ook die lewe van meer as 60 mense geëis.

Weervoorspellers verwys na dié weertoestande as “the beast from the east”. Dit het die koudste temperature in jare in sommige gebiede veroorsaak.

“Ná die ekstreme weerstoestand wat ons ervaar het, kan toestande oor die volgende paar dae effens verbeter,” het die Britse weerkantoor die naweek gesê.

Volgens ‘n opname deur AFP is 23 mense in Pole dood, sewe in Slovakië, ses in Tjeggië en vyf in Lituanië.

Sterftes is ook in Spanje, Italië, Romenië, Serwië, Slovenië, Brittanje, Nederland, Swede en Noorweë aangemeld.

Ten minste nege mense is in Frankryk dood, onder wie vier skiërs wat deur ‘n sneeustorting in die Alpe getref is.

Verder is ‘n 41-jarige Libiër dood in ‘n leë treinwa in die weste van Frankryk gevind en die polisie vermoed dat hy verkluim.

In Oostenryk is vyf immigrante wat kaalvoet langs ‘n hoofweg naby Graz gevind is, deur die owerhede gered. Hulle is daarheen gesmokkel en toe sonder heenkome agtergelaat.

In Switserland het die temperatuur tot -40°C gedaal weens dié hewige sneestorms wat selfs die normaalweg sonnige strande van die Mediterreense gebied met ‘n laag sneeu bedek het.

Genève se besige lughawe is Vrydagmiddag in weerwil van die gure weer vir lugverkeer oopgestel. Lughawe-owerhede het egter gemaan vertagings en kansellasies kan steeds voorkom.

Die lughawe by Dublin in Ierland was ook oor die naweek gesluit en Schiphol-lughawe in Amsterdam moes ook talle vlugte vertraag of kanselleer weens yskoue winde.

In Darlington, Engeland, is die babadogter van Andrew Waring en sy vrou, Daniella, langs die toegesneeude snelweg gebore, met nooddienswerkers wat haar die naam #A66snowbaby gegee het.

Intussen is talle skole in Europa steeds gesluit en mense is aangeraai om binneshuis te bly en dit net buite te waag indien dit nie anders kan nie.

Meer as 80 treine en 15 vlugte is in Romenië gekanselleer, het die Roemeense polisie gesê. Die hawens was ook gesluit.

In Frankryk was sowat 2000 motoriste vir tot 24 uur op 'n snelweg naby Montpellier weens die sneeu vasgekeer.

Daar was dele in die ooste van Engeland waar die sneeu 10 cm dik gelê het en temperature is in sommige landelike gebiede so laag as -10 °C.

Sneeu het ook dele in Westminster, Londen, bedek.

’n Buitengewone sneeustorm het Rome in Italië verlede Maandag getref. Dit het daartoe gelei dat die Italiaanse owerhede die weermag moes ontbied om te help om die sneeu uit die strate te kry.

Napels het ook die meeste sneeu sedert 1956 beleef. Die strande in Napels was toe onder die sneeu. – Nampa/AFP/Reuters

Soortgelyk

 

Mariental-monster kry 105 jaar

4 ure gelede | Howe

Hoërhof-regter Christie Liebenberg het die 34-jarige Gerald Henly Matlata vanoggend lewenslange tronkstraf opgelê vir moord, asook 80 jaar vir bykomende klagte. Dit sluit in twee...

Tienermeisie vermis

4 ure gelede | Polisie

Die 14-jarige Niita Fillemon word sedert verlede Woensdag vermis. Niita was met haar verdwyning in 'n swart broek en 'n geel t-hemp geklee. Sy is...

Nóg toeriste op grondpaaie beroof

6 ure gelede | Misdaad

Twee toeriste is Sondag onderweg na Sossusvlei deur ‘n groep mans van die pad afgedwing. Volgens hoofinspekteur Daniel Gurirab van die Namibiese polisie in...

Net ál nouer om Rooies

16 ure gelede | Plaaslik

Denver Kisting - ’n Maand nadat Republikein onthul het die aanklaer-generaal het gelas die oudlanddros mnr. Rooies Mostert moet vervolg word, het die Teenkorrupsiekommissie (ACC)...

Brand verwoes 9 kamers op Koedoeberg

16 ure gelede | Ongelukke

Henriette Lamprecht – Die Koedoeberg-gasteplaas se hoofgebou en wat onder meer die ontvangsarea, kombuis, kroeg en lapa gehuisves het, is Woensdagaand in ’n brand verwoes....

Weer vir 18 September 2018

16 ure gelede | Weer

WEERWAAK: Hittegolftoestande word in die noordelike streke verwag.BINNELAND: Gedeeltelik bewolk en baie warm in die Suide. Elders sal dit sonnig en baie warm wees,...

Ma en seun vandag weer voor hof

16 ure gelede | Howe

Denver Kisting'n Tienerseun is gistermiddag in die sorg van sy ma vrygelaat.Dít kom nadat dié 45-jarige ma gister op borgtog van N$1 500 vrygelaat is.Ma...

Man van halfmiljoen se items beroof

16 ure gelede | Misdaad

Tanja Bause Vyf gewapende mans het 'n man by sy huis in die hoofstad beroof en met items ter waarde van 'n halfmiljoen Namibiese dollar...

Walvis vrek ná reddingspoging

16 ure gelede | Omgewing

Tanja Bause - ’n Gestrande jong Antarktiese minkewalvis (Balaenoptera bonaerensis) is verlede Woensdag in Grosse Bucht by Lüderitz ontdek.Dié voorval is by mnr. JP Roux,...