EU blok toegang vir Sinopharm

Nie deur WHO, Amerika goedgekeur

30 April 2021 | Gesondheid
Henriette Lamprecht – Met die Europese Unie (EU) wat van plan is om teen Junie entstofpaspoorte in te stel vir reisigers wat teen Covid-19 ingeënt is, is lidlande van die unie se grense gesluit vir Namibiërs wat die Sinopharm-entstof ontvang het.
Volgens die konsep van die regulasie wat onderhewig is aan voortgesette onderhandelinge tussen EU-regerings en die Europese parlement, word net entstowwe aanvaar wat deur die Europese Medisyne-agentskap (EMA) goedgekeur of gelys is vir noodgebruik deur die Wêreldgesondheidsorganisasie (WHO).
Tans keur die EMA entstowwe goed wat deur Pfizer-BioNTech, Moderna, Oxford-AstraZeneca en Johnson & Johnson ontwikkel is, maar nie Sinopharm of Rusland se Sputnik V wat Namibië ook hoop om as deel van sy arsenaal teen Covid-19 te kry nie.
Die finale besluit oor watter entstowwe aanvaar sal word, berus egter op die skouers van individuele lidlande.
Dit beteken dié wat met entstowwe deur Chinese vervaardigers ingeënt is en wat Sinopharm insluit, sal waarskynlik binne die afsienbare toekoms verbied word om lidlande van die EU te besoek. China erken tans net entstowwe wat in dié land vervaardig word, met sy entstowwe wat nie in Amerika of Wes-Europa goedgekeur is nie.
Die WHO het in antwoord gesê dit werk daaraan om ’n “internasionaal vertroude raamwerk” vir veilige reise te skep, maar dat immunisering nie ’n voorwaarde moet wees nie.

Volgens dr. Eric Dziuban van die sentrum vir siektebeheer (CDC) in Namibië stel die ministerie van gesondheid en maatskaplike dienste nie voor dat Namibiërs wat as eerste dosis Sinopharm nou as tweede dosis AstraZeneca/Covishield ontvang nie.
“In die Amerikaanse konteks kan, indien nodig, ’n mRNA-Covid-19-entstofproduk ten minste 28 dae ná die eerste dosis toegedien word.
“Dié riglyne is egter tans nie van toepassing op die Namibiese konteks nie, omdat daar nie nou mRNAentstowwe beskikbaar is nie,” het Dziuban verduidelik.
Sinopharm gebruik onaktiewe (dooie) coronavirusstamme in die entstof.
Op ’n vraag of mense wat teen Covid-19 ingeënt is steeds ander kan aansteek, sê Dziuban “ons leer nog steeds hoe doeltreffend die entstowwe is om te verhoed dat mense siek word”.
“Ons het nog nie bewyse gesien dat mense wat ingeënt word, waarskynlik die virus sal versprei nie. Maar geen entstof is 100% doeltreffend nie.”
Volgens Dziuban wys data oraloor die wêreld dat die verspreiding van Covid-19 verlangsaam.
“In lande soos Namibië waar ons ’n baie stadige pas sien waarteen mense hulself laat inent, gaan die virus voortgaan om maklik tussen mense te versprei wat nie ingeënt is nie.”
Hy het beklemtoon die CDC ondersteun die immunisering van mense teen Covid-19 met ’n entstof wat deur die WHO of enige ander streng gesag goedgekeur is.
Die Serum Instituut van Indië wat verantwoordelik was vir die skenking van AstraZeneca/Covishieldentstowwe aan Namibië het intussen vanweë uitvoerbeperkings deur die land se regering om die stygende aantal gevalle in dié land te probeer hokslaan, eers uitvoere gestop.
Die instituut het verlede jaar beloof om 550 miljoen AstraZeneca-dosisse aan 92 lae- en middelinkomstelande as deel van Covax te versprei. Die Indiese regering se opdrag om nou eers in die land se plaaslike aanvraag te voldoen, gaan die internasionale aflewering van die entstof beduidend vertraag. Die situasie is veral sleg vir Afrika en lande soos Namibië wat die meeste van hul entstof-voorrade deur Covax ontvang.
[email protected]; Bykomende bronne: Bloomberg, BBC

Soortgelyk

 

Skoolhoof van Swakop sterf aan Covid-19

10 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

10 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

10 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

10 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

10 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

10 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

10 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

10 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

10 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...