Etosha-heining herontwerp

Moet goedkoper wees

13 December 2018 | Omgewing
Francoise Steynberg - Die ministerie van die omgewing en toerisme gaan die huidige ontwerp van die Etosha Nasionale Park se heining hersien om die boukoste daarvan te verminder.

Volgens 'n mediaverklaring van die ministerie is die ontwerp van die roofdier- en olifantbestande heining waaraan die afgelope 10 jaar gewerk is, se boukoste te hoog.

"Die ministerie het dus besluit om die huidige ontwerp se heiningspesifikasies te verwerp. Slegs 120 km van die totale heining van 840 km is voltooi. Dus moet nóg 720 km voltooi word," het mnr. Romeo Muyunda, die ministerie se woordvoerder, gesê.

"Die ministerie het besluit om 'n alternatiewe, goedkoper ontwerp te vind sonder om die gehalte en effektiwiteit van die heining aan bande te lê. Ons het verskeie heinings op private plase en wildreservate in Namibië en Suid-Afrika waargeneem waar grootwild soos renosters, olifante, leeus, buffels en hiënas is om 'n geskikte ontwerp te vind."

Muyunda sê ná deeglike oorweging het die ministerie besluit om 'n ontwerp te ontwikkel wat spesifikasies van al die plekke insluit en dat 'n eenvoudiger heining sowat N$240 000 per km of minder kan kos – boumateriaal en arbeid ingesluit.

"Soos met enige ander projek sal konsulstante ('n projekspan) aangestel word om die nuwe ontwerp, die koste en dokumentasie te ontwikkel en toesig te hou," sê Muyunda.

Hy sê die beraamde bedrag moet nog bevestig word sodra 'n lewensvatbaarheidstudie op die nuwe heining uitgevoer word.

"Etosha is Namibië se vlagskippark en dus is dit in ons belang dat die heining voltooi word om natuurbewaring in die park te bevorder. Die heining sal help om wildstropery en mens-dier-konflik-gevalle te verminder, wat die hoogte ingeskiet het weens die heining se swak toestand."

Muyunda sê enige bewerings dat individuele personeellede van die ministerie op korrupte wyse voordeel uit die bou van die heining getrek het, word verwerp en veroordeel.

"Ongegronde aannames weerhou ons daarvan om aandag aan ware kwessies te gee," sê die woordvoerder.

Soortgelyk

 

SDFN houses at Kalkfeld nearing completion

6 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

6 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

6 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

6 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

6 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

6 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

6 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

6 ure gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

6 ure gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...