Erindi-onderhandelinge skop af
In ’n poging om die onderhandelingsproses oor die verkoop van die ikoniese wildreservaat Erindi te begin, was sy regsverteenwoordigers gister in die hoërhof ten einde die staat se waardasieverslag te verkry.
Jacqueline Louw – Voordat die dringende aansoek deur Erindi Ranch (Edms.) Bpk (Erindi) om die minister van grondhervorming te verplig om al sy waardasieverslae aan Erindi se regspraktisyns beskikbaar te maak, aangehoor is, is dit aan die applikant se regsverteenwoordigers oorhandig.
Regter Collins Parker het die aansoek tot 27 Oktober uitgestel en intussen sal die onderhandelinge oor die kooptransaksie vandag begin. Indien die partye nie tot ’n vergelyk kan kom nie, sal Erindi die hof op 27 Oktober nader met ’n versoek dat die regering beveel word om ’n toestemmingsbrief te gee wat Erindi sal toelaat om die eiendomme in die maatskappy aan buitelanders te verkoop.
Erindi moes die eiendomme eers aan die staat aanbied in terme van die landboukundige (kommersiële) grondhervormingswet van 1995. Die staat se aanbod van N$265 miljoen skiet egter ver tekort van die N$1 924 042 328.74 waarvoor Erindi die grond aan die regering aangebied het. In sy hofaansoek het Erindi die waardasieverslag aangevra waarop die regering sy aanbod gebaseer het, sodat dit vir die onderhandelingsproses kan voorberei.
Volgens die eedsverklaring van mnr. Paul Joubert, een van die eienaars van Erindi, is die regering se aanbod gebaseer op die winsgewendheid van Erindi as ’n lopende bedryf en die waarde van die grond van 65 000 hektaar wat nagenoeg N$1 miljard werd is, geïgnoreer. Joubert voer in sy eedsverklaring aan die minister weet daar is nie ’n Namibiese burger wat kan bekostig om Erindi te koop nie. “In die omstandighede het die minister nie ’n keuse nie as om sy toestemming te gee, soos beoog in artikel 58 van die wet, sodat die applikant (Erindi) sy grond aan ’n buitelander kan verkoop,” lui sy eedsverklaring verder.
Die verkoopsonderhandelinge sal grotendeels deur die twee partye se deskundiges in die gebied van waardasie hanteer word.
“Indien die onderhandelinge skipbreuk ly, sal die saak na die grondtribunaal verwys word,” het mnr. Charlie Bodenstein van die firma Van der Westhuizen & Greef verduidelik.
Die dringende aansoek is deur Van der Westhuizen & Greeff deur middel van sy Windhoekse korrespondent, Sisa Namandje & Kie., gebring. Die staatsprokureur tree namens die minister van grondhervorming op.
Regter Collins Parker het die aansoek tot 27 Oktober uitgestel en intussen sal die onderhandelinge oor die kooptransaksie vandag begin. Indien die partye nie tot ’n vergelyk kan kom nie, sal Erindi die hof op 27 Oktober nader met ’n versoek dat die regering beveel word om ’n toestemmingsbrief te gee wat Erindi sal toelaat om die eiendomme in die maatskappy aan buitelanders te verkoop.
Erindi moes die eiendomme eers aan die staat aanbied in terme van die landboukundige (kommersiële) grondhervormingswet van 1995. Die staat se aanbod van N$265 miljoen skiet egter ver tekort van die N$1 924 042 328.74 waarvoor Erindi die grond aan die regering aangebied het. In sy hofaansoek het Erindi die waardasieverslag aangevra waarop die regering sy aanbod gebaseer het, sodat dit vir die onderhandelingsproses kan voorberei.
Volgens die eedsverklaring van mnr. Paul Joubert, een van die eienaars van Erindi, is die regering se aanbod gebaseer op die winsgewendheid van Erindi as ’n lopende bedryf en die waarde van die grond van 65 000 hektaar wat nagenoeg N$1 miljard werd is, geïgnoreer. Joubert voer in sy eedsverklaring aan die minister weet daar is nie ’n Namibiese burger wat kan bekostig om Erindi te koop nie. “In die omstandighede het die minister nie ’n keuse nie as om sy toestemming te gee, soos beoog in artikel 58 van die wet, sodat die applikant (Erindi) sy grond aan ’n buitelander kan verkoop,” lui sy eedsverklaring verder.
Die verkoopsonderhandelinge sal grotendeels deur die twee partye se deskundiges in die gebied van waardasie hanteer word.
“Indien die onderhandelinge skipbreuk ly, sal die saak na die grondtribunaal verwys word,” het mnr. Charlie Bodenstein van die firma Van der Westhuizen & Greef verduidelik.
Die dringende aansoek is deur Van der Westhuizen & Greeff deur middel van sy Windhoekse korrespondent, Sisa Namandje & Kie., gebring. Die staatsprokureur tree namens die minister van grondhervorming op.
Kommentaar
Republikein
Geen kommentaar is op hierdie artikel gelaat nie