Enigste in sy soort

Ope dag in Mei gehou

07 May 2019 | Onderwys
Evany van Wyk

Die Waldorf-skool, wat op ‘n ou plaas by Windhoek geleë is, laat die natuur deel van die skoolervaring word.

Vanaf preprimêr tot en met graad 13 bied Waldorf een van die mees unieke skoolervarings in Namibië.

Waldorf fokus op drie belangrike elemente, naamlik akademie, kunste en tegniese onderrig. Die skool bied verpligte beroepsopleiding vanaf graad 8 aan.

Lesse is daarop gemik om leerlinge tot hul volle potensiaal te ontwikkel.



Die skool aanvaar diegene wat by ander skole onsuksesvol in die Junior Sekondêre Sertifikaat (JSC)- of Nasionale Senior Sekondêre Sertifikaat (NSSC)-eksamens was. “Dit is iets wat ek glo almal in Namibië moet weet, sodat ons vir hierdie leerders ook ‘n tweede kans kan gee,” sê me. Retha Landsberg, die hoof van die skool se eksamensentrum.

Me. Kathleen Damon, die skoolhoof, is die afgelope 29 jaar ‘n onderwyser. Wat volgens haar die skool uniek maak, is dat die leerlinge tot in graad elf almal dieselfde vakke het. Sodoende kry hulle die geleentheid om dieselfde vaardighede aanleer.

Sy sê baie leerlinge sukkel met geletterheid en dit wil sy graag verander. “Tegnologie maak dat kinders nie meer wil lees en skryf nie, maar eerder ure op sosiale media deurbring. Dit maak dit moeilik om aan literatuur aandag te gee en dit is waarop ek wil fokus,” sê Kathleen.

Die skool bied ook Etimologie aan. Daarmee word kinders geleer om vir terapeutiese doeleindes hul fisieke bewegings met geluide te assosieer.

Duits as vak is vir Waldorf baie belangrik omdat dit die kind meer geleenthede in die toekoms bied wanneer hulle uitgaan in die wêreld, meen me. Heidrun von Koenen, een van die onderwyseresse.

In graad 13 lê die leerlinge hulle NSSC-eksamens af. Een van die uitdagings wat Veihamisa Kaenda, die hoofdogter vir 2019, genoem het, was die oorgang van die Waldorf-leerplan na die Namibiese een. “Ek dink ons moet ‘n bietjie meer daaraan aandag gee van graad 1 tot 12,” meen sy. Festus Garoëb, die hoofseun, het dit beaam.

Ope dae word gehou waartydens ouers die skool kan besoek en sien watter opleiding gebied word. Waldorf nooi belangstellendes uit op 28 en 29 Mei vanaf 07:00 tot 13:00 ‘n draai te kom maak.

Soortgelyk

 

Padgebruik al duurder

1 uur gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

1 uur gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

2 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

12 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

12 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

12 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

12 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

12 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

12 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...