Engele waak oor senior burgers se welstand

Klein bederfies maak 'n verskil

17 September 2020 | Gemeenskap
Tanja Bause – 'n Vrou van Swakopmund het aan die begin van die jaar besef baie bejaardes op dié kusdorp benodig hulp en dat sy en die gemeenskap baie meer kan doen om die lewens van mense te verbeter.

Volgens me. Annemarie Lusse het sy as kind van die Here in die Woord opdrag gekry om na die weduwees, kinders en bejaardes om te sien.

“Ek het besluit om te help waar ek kan en 'n Facebook- en WhatsApp-groep begin waarop versoeke vir hulp geplaas word. Elke persoon wat iets gee, is volgens my 'n engel en dus het ek op die naam Angels for Seniors besluit,” het sy gesê.

“Tans help ons mense op Swakopmund, maar mense van Windhoek het ook al navraag gedoen en wil graag betrokke in hul gemeen­skap raak.

“Dit is net die Covid-19-inperkings wat dinge nou ietwat bemoeilik.”

Dit is nie net bejaardes wat by Angels for Seniors baat nie, maar ook families wat tans deur moeilike tye gaan en hulp benodig, hoewel die fokus op bejaardes is.

“Ons verleen hulp met kos, elektrisiteit, huishoudelike items asook klere. In die toekoms wil ons egter nog meer betrokke raak en byeenkomste vir bejaardes reël. Ons dink selfs daaraan om hulle te bederf met 'n gratis haarsny of voetmassering. Klein bederfies wat mense net goed laat voel. Soms moet hulle ook Windhoek toe gaan om die dokter of 'n spesialis te sien en Angels for Seniors wil ook graag met die onkostes help.”

Volgens Lusse is die gemeenskap positief teenoor die organisasie en het hulle van kos en klere tot komberse en elektrisiteit ontvang.

“Daar is ook mense wat net by die bejaardes besoek gaan aflê en net bietjie met hulle gesels.

“Tans help ons sowat 120 mense op Swakopmund. Die meeste van ons hulp en ondersteuning gaan aan die Welwitschia 1-ouetehuis.”

Belangstellendes wat graag by Angels for Seniors betrokke wil raak, kan op Facebook 'n boodskap los.

“Ek wil ook my dank uitspreek aan elke persoon of besigheid wat die organisasie met hul skenkings of tyd ondersteun het.”

- [email protected]

Soortgelyk

 

Min kans vir vlieg na SA

1 uur gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

1 uur gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

1 uur gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

1 uur gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

1 uur gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

1 uur gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

1 uur gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

1 uur gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

1 uur gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...