Elisenheim-ontwikkelaar kap terug

‘Nié ons reg of verpligting’

14 January 2019 | Regering
Elvira Hattingh - Elisenheim se ontwikkelaar het teruggekap na die munisipaliteit wat sê die landgoed se elektrisiteitsverskaffing en instandhouding van munisipale kragkabels is nie die Stad van Windhoek se verantwoordelikheid nie.

Mnr. Neville Basson, woordvoerder van die Elisenheim Property Development Company, wat deel van Trustco Group Holdings vorm, het Donderdag in ‘n persverklaring gesê hulle het die Elektrisiteitsbeheerraad (ECB) in kennis gestel van wat die Elisenheim-eienaarsverening as “bykans katastrofiese nalatigheid van munisipale amptenare” beskou.

Dit kom nadat die munisipaliteit verlede Donderdag ‘n beskadigde kragkabel moes vervang het wat die Elisenheim-landgoed en die NaTIS Vallei-sakegebied vir meer as 48 sonder elektrisiteit gelaat het.

Daar is besluit om ‘n nuwe kabel te installeer nadat twee dae se pogings om die beskadigde een te herstel, nie vrugte afgewerp het nie.

In persverklaring sê die ontwikkelaar die munisipaliteit, as die verspreider van elektrisiteit en die entiteit wat deur Elisenheim se inwoners betaal word vir die gebruik van elektrisiteit, asook die ontvanger van tariewe en eiendomsbelasting, is alleenlik verantwoordelik vir die onderhouding van hul kabels.

“Nie die ontwikkelaar óf die Elisenheim-eienaarsverening eis tariewe of belasting of enige ander vorm van vergoeding vir die instandhouding van kragkabels nie,” het Basson geskryf.

“Geen van dié partye het enige regte of verpligtinge om die gehalte van bestaande elektrisiteitskabels van die munisipaliteit te ondersoek nie.”

“Geen derde party, nóg die Elisenheim Eienaarsverening, nóg die ontwikkelaar kan toegelaat word om by die instandhoudingsproses betrokke te wees nie.”

Basson sê verder die kapasiteit van die kabel en die infrastruktuur is meer as genoeg wat lading betref.

“Dit is jammer dat die munisipaliteit van ‘n openbare platform gebruik gemaak het om die publiek te verwar wat betref die ontwikkelaar se verpligtinge, en die aandag af te lei van hul eie verantwoordelikheid vir die instandhouding en verskaffing van elektrisiteit aan Elisenheim se inwoners,” het Basson geskryf.

Die reaksie volg nadat die munisipaliteit se afdeling vir korporatiewe kommunikasie, bemarking en openbare deelname Donderdag ‘n openbare kennisgewing uitgereik het. Daarin is gesê die landgoed se ontwikkelaars het ‘n ooreenkoms met die munisipalteit onderteken dat die huidige kragtoevoer net ‘n tydelike maatreël is.

Die munisipaliteit beweer in die kennisgewing dit is dit was die ontwikkelaar se verantwoordelikheid om die kragtovoerstelsel op te gradeer tot ‘n volledige kragladingsentrum wat die groeiende lading sal kan hanteer.

Die munisipaliteit sê hy is reeds vir langer as ‘n jaar in gesprek met die ontwikkelaar om die ooreenkoms na te kom. “Ons sal voortgaan met dié gesprekvoering om seker te maak dat die landgoed stabiele en genoegsame kragtoevoer sal hê,” lui die kennisgewing.

Soortgelyk

 

Geingob vergader met Nanso oor studiegeld

1 uur gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

2 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

3 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

4 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

5 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

6 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

16 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

16 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

16 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...