Elf meer renosters in 2018 gestroop

Amerika skenk teenstroperytoerusting van N$6,8 m

12 February 2019 | Omgewing
Francoise Steynberg - Verlede jaar is altesaam 57 renosters en 26 olifante gestroop, met 120 verdagtes wat in verband met wildmisdaad in hegtenis geneem is.

Elf meer renosters is in 2018 gestroop teenoor die 46 in 2017, en twee meer olifante as die 24 in 2017.

Volgens mnr. Colgar Sikopo, die direkteur van nasionale parke en wildlewe in die ministerie van die omgewing en toerisme, is die meeste renosters verlede jaar op private plase rondom die Etosha Nasionale Park en die Otjozondjupa- en Kunenestreek gestroop. Hy het gesê die 26 olifante is almal in die streke Kavango en Zambezi gestroop.

"Vanjaar is tot dusver een swartrenoster gestroop en geen olifante nie," het Sikopo gesê.

Hy het dié statistieke gister tydens die ontvangs van teenstropery-toerusting ter waarde van N$6,8 miljoen van die Amerikaanse regering in Windhoek verskaf.

Die minister, mnr. Pohamba Shifeta, het gesê tydens die geheime bedrywighede van Operasie Blue Rhino is groot suksesse behaal, met 120 verdagtes wat in verband met wildmisdaad van renosters, olifante en ietermagogs in hegtenis geneem is.

"Die gekombineerde magte van die Namibiese weermag, polisie en die ministerie se teenstroperyeenheid fokus meer op die voorkoming van stropery," het Shifeta gesê.

"Die verdagtes is gevang met AK47's, jaggewere, ammunisie, pangas en byle en die meeste inhegtenisnemings volg ná wenke van die publiek," het die minister gesê.

"Ons magte is op die grond en weet wie die hanteerders is. Hulle maak winkels rondom Etosha, Opuwo, Kamanjab, Outapi en Oshikango onder valse voorwendsels en onder die dekmantel van stropery oop," sê Shifeta.

Hy sê jong, werklose mans word deur die hanteerders misbruik om die land se ikoniese spesies te stroop.

"Sommige van die 120 verdagtes is geharde misdadigers wat reeds op borgtog vrygelaat is. Hierdie geharde misdadigers verdien om agter tralies te wees."

Shifeta het 'n beroep op staatsaanklaers en landdroste gedoen om te verseker dat misdadigers wat al meer as een keer weens wildmisdaad in hegtenis geneem is, nie op borgtog vrygelaat word nie.

Hy het ook bevestig dat staatsaanklaers en landdroste van die Kavango-Zambezi-oorgrensgebied (Kaza) vandag (Dinsdag) met regsopleiding oor wildmisdaad gaan ontvang: "Ons wil nie vir regslui vertel hoe om hul werk te doen nie, maar sommige van hulle weet nie eens hoe 'n ietermagô lyk of wat die waarde daarvan is nie."

Die Amerikaanse regering het deur sy buitelandse militêre finansieringsprogram (FMFP) vir biodiversiteit teenstroperytoerusting ter waarde van N$6,8 miljoen aan die ministerie geskenk. Dit behels 65 pare laeligverkykers geskik vir skemertoestande, asook GPS-toestelle, kamptoerusting, toerusting vir die ondersoek van misdaadtonele en voertuie, wat later afgelewer sal word.

"Die Amerikaanse regering het tans projekte van meer as US$20 miljoen (sowat N$300 miljoen) wat vir natuurbewaring en die voorkoming van wildmisdaad in Namibië aangewend word," het die Amerikaanse ambassadeur, me. Lisa Johnson, gesê.

"Die Amerikaanse regering is verbind daartoe om nou saam met die Namibiese regering te werk om stropery en wildsmokkelary te stop," het Johnson gesê.

Soortgelyk

 

NSFAF sluit ooreenkoms met Bank Windhoek

6 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

6 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

7 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

18 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

18 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

18 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

18 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

18 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

18 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...