Elektroniese kankerdata 'n eerste vir Afrika
Vinniger, doeltreffender
Henriette Lamprecht
Paratus en InTouch Media het by die Kankervereniging van Namibië as ontwikkelingsvennoot aangesluit om 'n portaal vir die invoer van elektroniese data te ontwikkel en te finansier.
Namibië spog met 'n eerste vir Afrika met die bekendstelling van die elektroniese vaslegging van kankerdata in die land. Dit word in samewerking met die Kankervereniging van Namibië (CAN) en Paratus gedryf en volg op 'n behoefte vir die vinniger en doeltreffender insameling en oordra van kankerdata na die land se bestaande nasionale kankerregister.
Paratus en InTouch Media het by CAN as ontwikkelingsvennoot aangesluit om 'n portaal vir die invoer van elektroniese data te ontwikkel en te finansier.
Die bediener vir die vaslegging van nuwe elektroniese data is die eerste in Afrika en sal CAN toegang tot beter gehalte data, 'n vinniger vasleggingstyd, asook makliker toegang tot pasiënte bied.
Kanker is 'n grootskaalse nasionale las vir die wêreldwye gemeenskap en ook vir Namibië. Kankerregisters is in die lig hiervan waardevolle navorsingsmateriaal vir dié wat vir die siekte getoets, gediagnoseer en behandel word. Dit verskaf ook data om doeltreffende beplanning te doen om die siekte te bestry.
Kankerregisters is 'n bepaalde tipe siekteregister en het ten doel om 'n stelsel te skep en te vestig wat op die voorkoms van kanker fokus. Dit verskaf inligting om openbare gesondheidsbeamptes en agentskappe in hul beplanning en evaluering van voorkomings- en beheerprogramme te help.
Bevolkingsgerigte kankerregisters versamel data van alle nuwe gevalle wat in 'n goedgedefinieerde bevolking voorkom. Die bevolking is gewoonlik die wat in 'n spesifieke geografiese streek woon. Met 'n hospitaalgebaseerde opname word slegs gevalle aangeteken wat by 'n spesifieke hospitaal aangeteken is.
In Namibië het CAN amptelik in 1995 met die monitering van kankergevalle begin. Die Namibië nasionale kankerregister (NNCR) word deur CAN gefinansier en geadministreer en is 'n bevolkingsgerigte register wat data uit alle amptelike streke insluit, asook pasiënte wat met kanker gediagnoseer is.
In 1995 het die Rössing-uraanmyn, in samewerking met die ministerie van gesondheid en maatskaplike dienste se onkologie-eenheid, 'n register begin met alle kankergevalle wat by die staat se laboratorium vir patologie in Windhoek, sowel as die eerste bestaande private laboratorium van 1979 tot 1994 aangemeld is.
Sedert 1995 het die register begin met die aktiewe registrasie vir beide patologiegebaseerde, sowel as kliniese gevalle vir Erongo, Oranjemund, Oshakati en Khomas.
Gevalle wat in Suid-Afrika gediagnoseer is, word via 'n netwerk van registrasies teruggetrek na die Namibiese register en word tegnies deur die Internasionale Agentskap vir Kankernavorsing (IARC) ondersteun.
Sedert die 2000's word alle kankerdiagnoses landswyd versamel, met beide openbare en private laboratoriumverslae wat so volledig moontlik gedokumenteer word.
Die register het ten doel om 'n databasis van inligting te verskaf wat uiteindelik tot verbeterde voorkoming en beheer van kanker sal lei.
Paratus en InTouch Media het by die Kankervereniging van Namibië as ontwikkelingsvennoot aangesluit om 'n portaal vir die invoer van elektroniese data te ontwikkel en te finansier.
Namibië spog met 'n eerste vir Afrika met die bekendstelling van die elektroniese vaslegging van kankerdata in die land. Dit word in samewerking met die Kankervereniging van Namibië (CAN) en Paratus gedryf en volg op 'n behoefte vir die vinniger en doeltreffender insameling en oordra van kankerdata na die land se bestaande nasionale kankerregister.
Paratus en InTouch Media het by CAN as ontwikkelingsvennoot aangesluit om 'n portaal vir die invoer van elektroniese data te ontwikkel en te finansier.
Die bediener vir die vaslegging van nuwe elektroniese data is die eerste in Afrika en sal CAN toegang tot beter gehalte data, 'n vinniger vasleggingstyd, asook makliker toegang tot pasiënte bied.
Kanker is 'n grootskaalse nasionale las vir die wêreldwye gemeenskap en ook vir Namibië. Kankerregisters is in die lig hiervan waardevolle navorsingsmateriaal vir dié wat vir die siekte getoets, gediagnoseer en behandel word. Dit verskaf ook data om doeltreffende beplanning te doen om die siekte te bestry.
Kankerregisters is 'n bepaalde tipe siekteregister en het ten doel om 'n stelsel te skep en te vestig wat op die voorkoms van kanker fokus. Dit verskaf inligting om openbare gesondheidsbeamptes en agentskappe in hul beplanning en evaluering van voorkomings- en beheerprogramme te help.
Bevolkingsgerigte kankerregisters versamel data van alle nuwe gevalle wat in 'n goedgedefinieerde bevolking voorkom. Die bevolking is gewoonlik die wat in 'n spesifieke geografiese streek woon. Met 'n hospitaalgebaseerde opname word slegs gevalle aangeteken wat by 'n spesifieke hospitaal aangeteken is.
In Namibië het CAN amptelik in 1995 met die monitering van kankergevalle begin. Die Namibië nasionale kankerregister (NNCR) word deur CAN gefinansier en geadministreer en is 'n bevolkingsgerigte register wat data uit alle amptelike streke insluit, asook pasiënte wat met kanker gediagnoseer is.
In 1995 het die Rössing-uraanmyn, in samewerking met die ministerie van gesondheid en maatskaplike dienste se onkologie-eenheid, 'n register begin met alle kankergevalle wat by die staat se laboratorium vir patologie in Windhoek, sowel as die eerste bestaande private laboratorium van 1979 tot 1994 aangemeld is.
Sedert 1995 het die register begin met die aktiewe registrasie vir beide patologiegebaseerde, sowel as kliniese gevalle vir Erongo, Oranjemund, Oshakati en Khomas.
Gevalle wat in Suid-Afrika gediagnoseer is, word via 'n netwerk van registrasies teruggetrek na die Namibiese register en word tegnies deur die Internasionale Agentskap vir Kankernavorsing (IARC) ondersteun.
Sedert die 2000's word alle kankerdiagnoses landswyd versamel, met beide openbare en private laboratoriumverslae wat so volledig moontlik gedokumenteer word.
Die register het ten doel om 'n databasis van inligting te verskaf wat uiteindelik tot verbeterde voorkoming en beheer van kanker sal lei.
Kommentaar
Republikein
Geen kommentaar is op hierdie artikel gelaat nie