El Niño verswak verder

Indiese Oseaan bemoeilik reënvooruitsigte

15 July 2019 | Weer
Elvira Hattingh - Hoewel die Australiese Buro vir Metereologie onlangs hul Enso-uitkykstatus na neutraal verander het, is Amerikaanse weerkenners versigtiger. Hulle volstaan vir eers met ‘n uitkykstatus van ‘n El Niño-aanbeveling.

Tog, sê die Amerikaanse Weervoorspellingsentrum en die internasionale Navorsingsinstituut vir Klimaat en Samelewing, verwag hulle ook dat toestande binne “’n maand of twee” na Enso-neutraal sal skuif.

Die neutrale toestande sal ook waarskynlik tydens die Suidelike Halfrond se lente en somer voortduur, het hulle Donderdag ná hul jongste El Niño- diagnostiese bespreking gesê.

Enso staan vir El Niño- Suidelike Ossilasieklimaatspatroon.

Die Amerikaanse weerkundiges het tot dié gevolgtrekking gekom nadat seeoppervlaktemperature in die sentrale en tropiese Stille Oseaan tydens die afgelope Junie steeds bogemiddeld warm was.

“Tog het afwykings in die temperature in die meeste dele van die oostelike Stille Oseaan getaan,” is in ‘n verslag geskryf.

Volgens die verslag was temperature in die boonste dele van die Stille Oseaan bogemiddeld warm aan die begin van Junie, maar teen die einde van die maand was dit op bykans gemiddelde vlakke.

“In die algemeen kan gesê word oseaniese en atmosferiese toestande stem met ‘n verswakkende El Niño ooreen,” het die weerkundiges gesê.

Die Amerikaners sal hul volgende diagnostiese vergadering op 8 Augustus hou en weer terugvoering gee of El Niño-toestande wel verder verswak het.

STEEDS BEKOMMERD OOR INDIESE OSEAAN

Intussen het die Australiese Buro vir Metereologie ook verlede week Dinsdag ‘n nuwe verslag uitgestuur en hou dit by sy neutrale uitkykstatus – wat beteken daar is tans nie vooruitsigte van beide El Niño- of La Niña-toestande nie.

Die Australiërs is egter bekommerd oor die Indiese Oseaan-dipool (IOD) wat steeds in ‘n positiewe fase is en vir swakker reënneerslae tydens dié land se winter- en lente kan sorg.

Santam se landbouweerkundige in Bloemfontein, mnr. Johan van den Berg, het onlangs ook aan Republikein gesê hy verwag dat El Niño-toestande binne die volgende paar maande gaan neutraliseer.

Hy het in Mei vanjaar verduidelik indien El Niño-toestande wel verswak, is dit meer belowende nuus vir Suider-Afrika se komende reënseisoen.

Van den Berg sê die positiewe Indiese Oseaan-dipool (IOD) is ook nie gunstig vir reënval in Suider-Afrika nie, maar hy het ook die verwagting uitgespreek dat dit nader aan die einde van die jaar na normaal sal terugkeer.

Die Indiese Oseaan is oos van die Afrika-vasteland geleë, omring die eiland Madagaskar en strek tot teen Australië se westekant.

Dit is hier waar dit die Stille Oseaan ontmoet, wat aan die oostekant van Australië lê.

Soortgelyk

 

Operasie Kalahariwoestyn hervat

37 minute gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

16 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

16 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

16 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

16 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

16 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

16 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

16 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

16 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...