Eksminnaars binnekort gevonnis

09 October 2019 | Howe
‘n Inwoner van Gobabis, Rachel Rittmann, en haar gewese minnaar, Ryno du Preez, wat in Augustus aan die moord op Rittmann se man, mnr. Rudolf Rittmann, skuldig bevind is, word op 22 Oktober gevonnis.

Rudolf is in Augustus 2013 vermoor.

Hoërhofregter Christie Liebenberg het die voorgenome vonnisdatum vandeesweek bekend gemaak ná die staat en verdediging voorstelle vir vonnisoplegging gemaak het.

Staatsadvokaat Marthino Olivier het die hof vir swaar strawwe in die vorm van lewenslange vonnisse vir beide Rachel en Du Preez gevra.

Die verdediging se prokureurs, mnre. Johan van Vuuren en Ileni Gebhart het op hul beurt om genade vir Rachel en Du Preez gevra.

Du Preez en Rachel is op 29 Augustus vanjaar aan moord met voorbedagte rade skuldig bevind.

Rachel is ook aan ‘n mindere klag van diefstal skuldig bevind, nadat die aanklaer bo redelike twyfel deur middel van staatsgetuies bewys het sy was ná die oortreding onregmatig in die besit van haar oorlede man se beursie en selfoon.

Du Preez het skuld erken in die beplanning en uitvoering van die moord, en Rachel is op grond van bewyse skuldig bevind.

Volgens Olivier het Rachel en haar eksminnaar saamgewerk en ‘n gemeenskaplike doel voor oë gehad in die beplanning en uitvoering van die moord op haar man.

Volgens regter Liebenberg was Rachel ‘n aktiewe deelnemer aan die vroeë beplanning van die moord in ‘n poging om sy erflating te bekom.

Du Preez het ingestem om Rudolf te vermoor deur hom met ‘n mes by sy huis in Gobabis te steek, omdat hy in daardie stadium in ‘n verhouding met Rachel was.

Rachel en Du Preez het Rittmann se lyk daarná in sy voertuig gelaai en na ‘n gebied tussen die Internasionale Lughawe Hosea Kutako en Kapps Farm in die Khomasstreek gery, waar hulle die voertuig met Rittmann se liggaam aan die brand gesteek het om bewyse te vernietig.

Rachel is by die Klein Windhoek-polisiekantoor aangehou, terwyl Du Preez by die Windhoek Sentrale Gevangenis aangehou word. - Nampa

Soortgelyk

 

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

9 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...