Ek is 'n kospleb

02 March 2018 | Rubrieke
Ek gaan dit nou maar ruiterlik erken – ek is 'n kospleb. Nie 'n kossnob of 'n foodie nie, maar presies die teenoorgestelde daarvan.

Ek hou van mayonnaise. My slaaie bestaan uit drie bestanddele – en mayonnaise. Ek gooi sommer 'n blob mayonnaise op wors, hoender en enigiets wat nog nie mayonnaise op het nie.

Ons eet ook net blikkies groente. Baie kommin, ek weet. Dis cheaper as vars groente en sommer baie minder moeite.

Vir alkoholiese verversings het ek altyd Tassies gedrink tot ek myself na whiskey bekeer het, want dit maak nie so vet en so dronk nie. Sommer cheap whiskey. Met báie water. Nie soda- of mineraalwater nie, sommer kraanwater. En sonder ys, want ys is soms net te veel moeite. Dís hoe kommin ek is.

Ek koop net Ricoffy. Bruin oploskorrels mos maar. Fancy koffie drink ek net by die werk, maar ook net sodat ek kan wakker word, al gee dit my trekkings en laat dit my vreeslik vloek – ten minste laat dit my vinniger werk. By die huis en oor naweke drink ek my bruin oploskorrels, want ek hoef nie by die huis wakker te wees nie.

Ons drink ook meestal uit ­plastiekglase. Nie baie classy nie, ek weet. Maar ek en Spruit het die gawe om glase te breek en om te stamp. Dit gaan woes tuis. Ons is nie gevrekte soort mense nie. Ons diere ook nie. Plastiekglase is net veiliger by ons.

Ek ken nie vleissnitte nie. Ek weet wat chops, ribs en drumsticks is, maar ek weet nie eintlik wát dit is wat ek nie weet wat dit is nie. Ek weet ook nie hoe werk goeters soos “bedruip”, “blansjeer”, “gratineer”, “krummel”, “glasuur”, “vlok”, “snipper” of “marineer” nie. Ek weet wel hoe werk “verteer”. Terloops, ek moes nou eers al daai woorde in Spruit se gasvryheidstudies-handboek gaan opsoek.

Ek maak my kos meestal in die mikrogolf, want ek's honger en ek's haastig.

Al my kosplebbery is eintlik maar sodat Spruit 'n goeie opvoeding kan kry, en kan leer hoe om nié 'n pleb te wees nie.

Vrydagaande eet ek en Spruit NikNaks en chocolates – die cheap soort. Daai soort wat soos plastiek proe en nie meer as N$10 kos nie.

Verder gooi ons sout oor ons kos nog voor ons dit geproe het. Ons maak pakkiesous by pasta. Three Cheese of Creamy Garlic. Crushed garlic eet ons sommer net so uit die houertjie. Ons koop daai blended soort kookolie – daai soort wat jou hartaanvalle gee. Ons verstaan nie wat mens met kruie doen nie – kruie maak nie jou maag vol nie.

Spruit wend allerhande kreatiewe kosmaakpogings aan. Sy't haar eie pastamaker, roomysmaker en selfs 'n Kook en Geniet. Sy's classy wanneer dit by kos kom. Sy wil als self maak. Maar ook net wanneer sy minstens 12 ure slaap ingekry het, soos op 'n Saterdag, Sondag of vakansiedag.

Ons idee van 'n lekker koppie sop is Cup a Soup – kookwater met groenerige soutpoeier by. Dis mos maar wat dit is.

Vir nagereg meng ek sommer suiker en peanut butter. En dan eet ek dit net so uit die pot uit. Ek het nie tyd vir tjorts in my lewe nie. Skaam. Te. Loos.

Vir kicks kleur Spruit ons pasta, pannekoeke en koekies blou. Dis darem 2% fancier as bleek goeters.

En as jy nou naar is ná jy van al hierdie kommingeit gelees het, dan is jy waarskynlik in die minderheid.

Ja, die minderheid.

Want 'n kossnob (én 'n kospleb) is iets wat jy eintlik net kan wees as jy in die eerste plek baie geld vir kos het.

Selfs mayonnaise kos geld. 'n Mikrogolf ook. En die feit bly staan, honger is 'n daaglikse werklikheid vir duisende inwoners van ons land.

So, ek kou maar my mayo-worsie en bly verder stil, want ek weet daar's mense wat nie eers kan bekostig om so kommin soos ek te kan wees nie.

Soortgelyk

 

Tsumeb-Otavi railway line upgraded to SADC standard

22 ure gelede | Infrastruktuur

TSUMEB - The upgrading of the railway line between Tsumeb and Otavi to the Southern African Development Community (SADC) standard has been completed by the...

Geingob erken ellende

22 ure gelede | Regering

Denver Kisting – Hoewel baie reeds volgens hom gedoen is om die land te verbeter, word baie meer benodig, sê pres. Hage Geingob.Tydens die herdenking...

Droogtehulp, maar nog nie noodtoestand

22 ure gelede |

Ronelle Rademeyer - Droogtehulp in die vorm van ’n bystandsplan van N$572,7 miljoen gaan in die nuwe boekjaar aangewend word om vee- en graanboere se...

Kalender 22 Maart

22 ure gelede | Kuns en vermaak

Nou aan die gang» Kosie Beukes, Die Ventertjies, Heidi en Pieter Mohr is tans op ’n Namibiese toer en tree vanaand by die Duitse klub...

Katrina-verhoor in die pylvak

22 ure gelede | Howe

Denver Kisting - Die staat sal na verwagting nog twee getuies roep voor hy sy saak teen me. Katrina Hanse-Himarwa sluit.Die verhoor, waarin dié oudgoewerneur...

Weer

22 ure gelede | Weer

BINNELAND: Sonnig en baie tot bloedig warm in die Suide. Elders sal dit gedeeltelik bewolk en baie tot bloedig warm wees met enkele donderbuie plek-plek....

Alle grappies op ‘n verhoog

22 ure gelede | Kuns en vermaak

NAM Comedy Circle vind elke laaste Woensdag van die maand by die Hilton Kalabar plaas en bied dié keer 'n kritiese blik op Namibië 29...

Dié siener is ‘die ware Jakob’

22 ure gelede | Kuns en vermaak

Die heldersiende Gerald Burger, wat jare gelede in die kol was oor die Laingsburg-vloede van 25 Januarie 1981, is van 24 April af deel van...

Ouderdom, siekte red bejaarde van tronkstraf

22 ure gelede | Howe

Denver Kisting – Hans Peter Rothen (73) se ouderdom en sy bedenklike gesondheid het hom van ’n vonnis agter tralies gered.Regter Naomi Shivute het Rothen...