Egpaar verongeluk kort ná hulle in Namibië land

10 January 2019 | Ongelukke
Ronelle Rademeyer - ‘n Suid-Afrikaanse egpaar het gister kort ná hulle aankoms in Namibië sowat 6 km buite Windhoek op die lughawepad gesterf toe die taxi wat hulle vervoer het, reg van voor deur ‘n BWM getref is wat na bewering ‘n voertuig teen ‘n blinde hoogte verby gesteek het.

Die 55-jarige vrou was reeds dood toe die paramedici op die toneel aankom, maar haar man (58) het nog geleef.

Volgens ‘n verslag deur die paramedici van die Lady Pohamba Private Hospitaal wat later gister op die Facebook-blad van Namibia Medical Rescue 24/7 Services gedeel is, was die man ernstig beseer.

“Sy toestand het gevorderde lewensondersteuningsbehandeling vereis en ten spyte van uitgebreide resussitasiepogings, het hy aan sy ernstige beserings beswyk,” lui die verslag.

Die bestuurder van die taxi wat toeriste tussen die Hosea Kutako Internasionale Lughawe en Windhoek vervoer, mnr. Andreas Markus (42), is ernstig beseer.

Adj.komm. Edwin Kanguatjivi, hoof van die polisie se openbare skakelafdeling, het gister gesê ‘n klag van strafbare manslag, asook van roekelose en nalatige bestuur is teen die 21-jarige bestuurder van die BMW aanhangig gemaak. Hy was dit enigste insittende in die voertuig en is ernstig beseer.

Sy naam kan nie bekend gemaak word nie aangesien hy nog nie in die hof verskyn het nie.

Volgens Kangiatjivi is beide beseerdes na die Rooms-Katolieke hospitaal in Windhoek vervoer waar hulle behandel word.

Teen laat gister kon die name van die Suid-Afrikaanse egpaar nog nie bekend gemaak word nie aangesien hul naasbestaandes nog nie almal van hul dood in kennis gestel is nie.

Soortgelyk

 

Raad sit oor polisiehoof

11 minute gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

11 minute gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

11 minute gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

11 minute gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

11 minute gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

11 minute gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

11 minute gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

11 minute gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

11 minute gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....