EFN kap weekblad oor foto van lyk

'Media bereik laagtepunt'

07 November 2018 | Plaaslik
Die Redakteursforum van Namibië (EFN) het sy ontsteltenis uitgespreek oor die weekblad Informanté wat ’n gru-foto van wyle mnr. Ivan Pitt op Facebook geplaas het.

Op die foto hang Pitt se lyk aan 'n dakbalk in die garage van die huis op Swakopmund waar me. Lindie Prinsloo Vrydag vermoor is.

"Alhoewel Informanté nie 'n lid van die EFN is nie, kom die grafiese inhoud neer op onetiese en onsensitiewe joernalistiek wat die Namibiese media in die algemeen in onguns by sy lesers en aanlyn lesers bring," sê die EFN se uitvoerende komitee in 'n mediaverklaring.

"Dit kan nie geargumenteer word dat hierdie foto in die openbare belang geplaas is of om bewustheid te skep nie. Dit blyk die enigste doelwit was die sensasionalisering van brekende nuus en om grafiese inhoud te gebruik om meer klieks te werf. Ongeag wat die oorledene na bewering gedoen het, was hy 'n pa, 'n seun en familielid, en gelief deur diegene na aan hom," sê die EFN.

Klousules 4 en 12 in hoofstuk 1 van die Etiese Gedragskode vir Namibiese gedrukte, uitsaai- en aanlyn media wat handel oor privaatheid, waardigheid en reputasie, sowel as gewelddadige en grafiese inhoud, verwys na hoe die media met omsigtigheid en sorgsaamheid die kwessies van idividue se privaat lewe moet hanteer:

Die privaatheid en waardigheid van diegene wat treur, moet gerespekteer word en respek moet ook betoon word aan oorledenes.

Die media moet ook versigtig en verantwoordelik wees wat betref die aanbieding van wreedheid, onnodige geweld en lyding, en materiaal moenie geweld bevorder nie.

"Informanté se plasing het nie die gevoelens en waardigheid van die treurende familie in ag geneem nie. Daar is ook nie 'n prominente waarskuwing gegee dat die inhoud grafies en onvanpas is vir sekere lede van die publiek nie," meen die EFN.

Die EFN het die belangrikheid van verantwoordelike joernalistiek beklemtoon waarvolgens joernaliste die hoogste standaarde van geloofwaardigheid moet handhaaf en die vertroue van die publiek moet behou soos deur die etiese gedragskode bepaal.

MEDIASTANDAARD

Mnr. Frederico Links, 'n medenavorser by die Instituut vir Openbare Beleidsnavorsing (IPPR) en voorsitter van die drukgroep ACTION Coalition wat streef na toegang tot inligting in Namibië, het gesê hy stem ten volle met die EFN saam, want dié soort joernalistiek is nie volgens die etiese gedragskode vir Namibiese media nie.

"Dit wat Informanté gedoen het, is oneties volgens enige mediastandaard in enige plek ter wêreld. Dit skyn 'n negatiewe lig op alle media in Namibië. Namibiese media het werklik 'n laagtepunt bereik," het hy gesê.

Links sê hy is "verskriklik teleurgesteld in Informanté en daar is geen verskoning waarom hulle dié foto geplaas het nie". Hy meen ditwas bloot vir sensasie en die werwing van klieks op hul Facebook-blad.

"Die eienaars en redakteur van Informanté moet verduidelik en hulle moet verantwoordelik gehou word. Pitt se familie kan hulle hof toe sleep," het Links gesê.

"Al traak hulle nie, sal die res van ons media nou moet bewys ons is eties en distansieer ons van sensasie en werwing van klieks."

Soortgelyk

 

Afrika-lied kom tuis in Namib

20 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

20 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

20 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

20 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

20 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

20 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

20 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

20 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

20 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...