Eerste voëlgriep-uitbreking bevestig

14 February 2019 | Omgewing
Tanja Bause - Die direktoraat veeartsenydienste (DVS) in die ministerie van landbou, water en bosbou het gister ’n verklaring uitgereik wat die eerste uitbreking van voëlgriep (H5N8) in Namibië bevestig.

“Die siekte is op 2 Februarie onder pikkewyne op Halifax-eiland naby Lüderitz waargeneem. Meer as 200 Afrika-pikkewyne uit ’n geskatte bevolking van ongeveer 7 000 het gevrek. Geen ander voëlspesie op die eiland word tans deur voëlgriep geraak nie,” lui die verklaring wat dr. Albertina Shilongo, waarnemende hoof- veeartsbeampte in die direktoraat uitgereik het.

Die bedreigde pikkewyne het reeds in die middel van Desember verlede jaar begin vrek en meer as 320 is reeds verbrand.

Volgens die pikkewynnavorser en -kenner dr. Jessica Kemper is die dooie pikkewyne hoofsaaklik broeipikkewyne.

“Ons vermoed ook baie meer het gevrek omdat baie dooies in die water dryf. Hulle sal op die oop see wegdryf en nie noodwendig op ’n strand uitspoel, waar ons hulle kan vind nie,” het sy gesê.

Amper vier weke gelede is monsters en organe van dooie pikkewyne na die staat se veeartsenylaboratorium in Windhoek vir toetse gestuur.

Aan die begin van Februarie is nuwe monsters geneem en na dieselfde laboratorium gestuur omdat die eerste monsters nie deur ’n veearts geneem is nie.

Tog het die eerste toetse reeds positief vir H5N8 getoets.

Die afgelope naweek het navorsers op Lüderitz Marine Research se Facebook-blad gesê “rompslomp laat ons pikkewyne vrek”.

“Teen dié tyd is dit baie duidelik die ongelukkige gebeure sedert Desember op Halifax sal in die geskiedenis onthou word as die grootste krisis vir die Afrika-pikkewyn sedert die ineenstorting van die sardynbevolking in die vroeë 50’s in Namibië.

“Die laboratorium het steeds nie die toetsuitslae amptelik bekend gemaak nie, en sonder dié amptelike aankondiging kan niemand motivering vir die mobilisering van hulpbronne verskaf om die uitbreking doeltreffend te bedwing nie.”

Volgens DVS se verklaring is dié stam van die H5N1-virus nie vir mense aansteeklik nie.

Weens die virus se bestendigheid in die omgewing en sy hoogs aansteeklike aard is streng biosekuriteitsmaatreëls en goeie higiëne noodsaaklik in die voorkoming van uitbrekings.

“Boere en die gemeenskap moet enige vermoede van voëlgriep in huishoudelike of wilde voëls onmiddellik by die naaste staatsveeartskantoor aanmeld.

“Pluimvee moet weggehou word uit gebiede wat deur wilde voëls besoek word. Verwyder elemente wat wilde voëls kan lok. Verseker die geskikte wegdoening van mis, rommel en dooie pluimvee,” lui die verklaring.

“Die inenting en behandeling van siek voëls teen voëlgriep word in Namibië verbied,” sluit die verklaring af.

Soortgelyk

 

NSFAF sluit ooreenkoms met Bank Windhoek

5 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

5 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

6 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

17 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

17 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

17 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

17 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

17 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

17 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...