Eerste toetsaanleg vir sonkragontsouting

14 May 2019 | Landbou
Adolf Kaure - Die wêreld se eerste toetsaanleg vir ontsouting wat van sonkrag gebruik maak, is Vrydag deur Namibië se stigterpresident, dr. Sam Nujoma, by die Universiteit van Namibië (Unam) se Hentiesbaai-kampus bekend gestel.

Die aanleg, ter waarde van €200 000 (N$3,234 miljoen), is in Finland gebou en vir oprigting na Namibië verskeep.

Finland se Turku-universiteit en Unam het die projek gesamentlik aangepak.

Turku-universiteit het die projek gefinansier.

Nujoma, Unam se beskermheer, het gesê die aanleg, wat water van die Atlantiese Oseaan ontsout, sal Namibië se toenemende watertoevoerprobleem help oplos.

“Ons watertoevoer neem jaar ná jaar af weens die negatiewe gevolge van klimaatsverandering, wat reeds in Suider-Afrika en oor die vasteland gevoel word.

“Namibië staan uit as een van die lande wat die swaarste deur klimaatsverandering getref sal word,” het die oudpresident gesê.

“Sowat 80% van Namibië maak staat op grondwater as hoofbron van water, maar weens klimaatsverandering kan ons land in die toekoms lang droogtes ervaar, wat grondwater en waterbronne op die oppervlak heeltemal kan laat opdroog.

“Tog is Namibië met ’n kuslyn van sowat 1 500 km langs die Atlantiese Oseaan geseën, wat ons van ’n onbeperkte waterbron voorsien. Die tyd is nou om seewater vir menslike gebruik te ontsout,” het hy gesê.

Volgens Nujoma behoort die ontsouting van seewater Namibië se voedselsekerheidskwessie aan te spreek deur ’n bron van water vir besproeiing te wees, asook ’n bron van drinkwater vir diere.

“Ek moedig die ministerie van landbou, water en bosbou aan om die konsep van woestynlandbou en die gebruik van ontsoute water te omarm om ons woestyn op groot skaal in besproeiingskemas en boerderye te omskep,” het hy gesê.

“’n Sonkrag-gebaseerde ontsoutingsaanleg soos wat ek vandag bekend stel, kan gebruik word om water vir besproeiing en aan diere in landelike gemeenskappe te voorsien, aangesien baie van ons landelike gemeenskappe verafgeleë is en van souterige of brak boorgatwater afhanklik is,” het hy gesê.

Tydens die seremonie het Unam ’n stuk grond van twee hektaar uitgewys om met ontsoute water te besproei.

Gewasse sal drupbesproeiing ontvang met water wat van die toetsaanleg af kom.

Nujoma het ’n beroep op die Namibiese regering gedoen om die implementering van ontsoutingsaanlegte op groot skaal as nasionale projek voorkeur te laat geniet.

Hy moedig die regering aan om sonkragaangedrewe ontsouting as hoofbron van grootskaalse watertoevoer in Namibië vir die medium tot lang termyn aan te neem.

Die omgewingskommissaris het reeds omgewingsklaringsertifikate vir die toetsaanlegprojek uitgereik, en die ministerie van lanbou, water en bosbou het ’n permit toegestaan om water vir navorsingsdoeleindes uit die see te pomp.

Tot 3 000 l water kan per dag deur die ontsoutingsaanleg gelewer word.

Soortgelyk

 

B-dag: Maak of breek

8 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

8 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

8 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

8 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

8 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

8 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

8 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

8 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

8 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...