Eerlik, roerend met ’n vonkel

18 April 2019 | Kuns en vermaak
J.B. Roux - Wanneer water wyn word is die lewensverhaal van Vivian Kleynhans soos vertel aan Jacqueline Leuvennink.

Kleynhans is een van Suid-Afrika se suksesvolste wynhandelaars wie se wyn selfs na die VSA uitgevoer word.

Vivian se vroegste jare was nederig en moeilik en is erger gemaak deur haar velkleur – en wie kan nou nee sê vir ’n lekker armoede-tot-rykdom-storie, veral een wat op die waarheid gegrond is? Om van ’n armoedige agtergrond tot ’n internasionaal erkende sakevrou te vorder, is ’n amperse wonderwerk.

Vivian word op Paternoster, ’n gehuggie aan die Weskus, groot as een van sewe susters (later kom daar ’n boetie by).

Haar pa werk by die visfabriek; haar ma is ’n fanatiese huisvrou. Die gesin eet hoofsaaklik uit die see. Die susters word streng en “te ernstig” (om die bure aan te haal) grootgemaak.

Vivian verlaat skool om die geldelike druk op die gesin te help verlig. Sy kry werk by ’n meubelwinkel. Haar pa verloor sy werk en die gesin moet die fabriekshuis ontruim. Hulle trek Vredenburg toe en moet rondval vir tydelik blyplek.

Een van die ouer, wit werknemers by die meubelwinkel reël dat die Kleynhanse by ’n huis intrek en haar pa weer werk het, maar dié “beskermengel” stel in meer as ’n werksverhouding met Vivian belang.

Vivian se pad kronkel verder. Daar is goeie tye en slegte tye, maar eindelik vind sy geluk. Of liewer: Sy “maak” haar eie geluk. Dis nie ’n vrou hierdie wat haar laat onderkry deur watter hindernisse ook al op haar lewenspad geplaas word nie. Ook toe sy die wynbedryf betree, is daar terugslae.

Vivian Kleynhans se verhaal is, eerlik, bemoedigend, roerend en met ’n vonkel in die oog. Jacqueline Leuvennink se vertelling is onderhoudend en sy slaag daarin om Kleynhans se unieke “stem” te behou.

Die boek is deur Lux Verbi uitgegee.

*J.B. Roux is ’n vryskutresensent van Riebeek-Wes. - Netwerk24

Soortgelyk

 

B-dag: Maak of breek

7 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

7 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

7 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

7 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

7 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

7 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

7 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

7 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

7 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...