Eer Elifas se erfenis

16 April 2019 | Menings
Voortgesette tweespalt in die Ondonga-stam weerspreek die nalatenskap van een van Namibië se bekendste tradisionele leiers.

Nadat wyle koning Immanuel Kauluma Elifas (86) die naweek op Olukonda ter ruste gelê is, is twee troonopvolgers in sy plek aangewys.

Teenoor mekaar staan mnre. Fillemon Nangolo, die koning se aangewese opvolger, en Eino Kalenga, voorgestel deur die koninklike familie op grond van tradisionele voorskrifte.

Elifas se heerskappy van 44 jaar word besing as ‘n lewe van omgee – vir sy eie mense en andere. Hy word gereken as ‘n aartsvoorstander van eenheid en versoening, asook as ‘n wyse strateeg wat altyd na ander geluister het.

Interne struweling was reeds voor die koning se afsterwe ‘n gegewe. Pres. Hage Geingob het probeer ingryp en aangeraai tradisie moet die weg vorentoe bepaal en nie die siviele howe nie.

So laat as Vrydag is ‘n dringende aansoek teen die voorgenome inswering van Nangolo van die hoërhof in Windhoek se rol geskrap.

Nog ‘n tradisionele owerheid is nou gevoeg by die lang lys waarin leierskapgeskille woed.

Die indruk is dat Namibiërs toenemende op talle gebiede groeiende onenigheid ervaar. Verskille kan goed wees as dit tot almal se voordeel deurtrap word. Daarna is eendrag egter nodig.

Oudpresident Sam Nujoma het by die begrafnis opnuut teen die gevare van konflik gewaarsku.

Navorsing kan lig help werp op hoe die verpolitisering van tradisionele owerhede (voor en na 1990) saam met staatsvoordele, veranderinge in kultuur en ander faktore hierdie gesagte tot die werklikhede van vandag omvorm het.

So sê ander

15 April 2019

Beeld, Die Burger en Volksblad sê

Die staatsgreep in Soedan is ’n tipiese voorbeeld van die dilemmas waarvoor Afrika se gebrek aan demokrasie die wêreld plaas.

Pres. Omar al-Basjir was ’n buitengewoon wrede diktator.

Dis om dié redes dat die Internasionale Strafhof (IS) in Maart 2009 ’n lasbrief vir sy inhegtenisneming uitgereik het. Die volkeregtelike verpligting op elke staat was daarna om hom aan te keer en uit te lewer.

Maar die ANC-regering het in 2015 sy volslae min­agting vir die volkereg gewys deur Basjir te beskerm toe hy ’n spitsberaad van die Afrika-Unie in Suid-Afrika bygewoon het. In 2016 het die regering boonop aangekondig hy wil aan die IS onttrek.

Ná 16 weke van feller wordende betogings waarin minstens 38 mense dood is, het die Soedanse weermag besluit genoeg is genoeg en Ba­sjir in hegtenis geneem. Die internasionale reaksie was veelseggend mild – oorwegende dat nóg die staatsgreep nóg ’n militêre regime goedgekeur kan word, maar dit was meestal versigtig bewoord, sonder duidelike stappe soos sanksies.

’n Mens wil byna sê enigiets is beter as die Basjir-bewind, maar ’n militêre diktatuur kan slegs as oorgangsmaatreël geduld word.

Die ANC-regering se beskerming van Basjir het baie bygedra tot die wegkalwing van Suid-Afrika se morele gesagsposisie rakende internasionale menseregte. Die hoop is dat die regering nou die les geleer het dat jy aan jou vriende geken word.

• NETWERK24

Soortgelyk

 

Windhoek se beursie leeg

46 minute gelede | Regering

Denver Kisting – Die verlies van die Windhoekse stadsraad (CoW) vir sy 2018-boekjaar is ’n kortkop duskant ’n miljard – meer as N$814,4 miljoen.Dié bedrag...

Man sterf in bootbrand

46 minute gelede | Ongelukke

‘n Brand wat Saterdagoggend op die Ocean Tide-stokvisboot ontstaan het, het die lewe van ‘n man geëis, het die polisie gister bevestig. Die boot was...

Kalahariwoestyn II skop skiet-skiet af

46 minute gelede | Polisie

Leandrea Louw op Walvisbaai – Twee sake van poging tot moord is die afgelope naweek langs die kus aanhangig gemaak.Dié sake hou verband met die...

Weer, Maandag 19 Augustus 2019

46 minute gelede | Weer

BINNELAND: Gedeeltelik bewolk en warm in die Verre Suide. Elders sal dit sonnig en warm tot baie warm met winderige toestande wees.KUS: Gedeeltelik bewolk en...

Nida moet sê oor groot geld

46 minute gelede | Plaaslik

Augetto Graig – Die soeklig val vanmiddag op die geldsake van die enorme agentskap vir nywerheidsontwikkeling in Namibië (Nida) wat in beheer van sowat N$2...

Opposisie: Verwyder Katrina

46 minute gelede | Politiek

Catherine Sasman – Die jeugliga van die Popular Democratic Movement (PDMYL) het ‘n beroep gedoen dat die veroordeelde oudgoewerneur van die Hardapstreek en oudminister van...

Hoenderstorting: Kriteria sal hersien word

46 minute gelede | Plaaslik

Elvira HattinghDie ministerie van nywerheidsontwikkeling, handel en SME-ontwikkeling gaan kriteria vir die toestaan van invoerkwotas van hoenderprodukte hersien. In 'n kennisgewing wat Vrydag in onder...

Komplekse hartklepchirurgie in Windhoek gedoen

46 minute gelede | Gesondheid

Henriette Lamprecht - Die harteenheid van die Rooms-Katolieke Hospitaal in Windhoek het hom by een van ses eenhede in Afrika aangesluit wat minimale indringende chirurgie...

Verkiesings 2019: Persepsies oor mediavryheid

46 minute gelede | Politiek

Christie Keulder – Namibië is die Afrika-land met die vryste media volgens 2019 se Wêreldpersvryheidindeks.Die land beklee internasionaal die algehele 23ste plek, wat aandui dat...