Een uit tien voltooi nie laerskoolopleiding

40% laat vaar hoërskool

10 July 2019 | Onderwys
Henriette Lamprecht – Sou dinge voortgaan soos nou gaan een uit elke tien kinders in Afrika suid van die Sahara nie hul laerskoolopleiding teen 2030 voltooi nie.

Met byna ‘n derde van die tyd reeds verstreke voor die sperdatum vir die 2030- volhoubare ontwikkelingsdoelwitte wys nuwe vooruitskattings deur Unesco die wêreld gaan sy onderwysplig versuim as daar nie dringend ingegryp word nie.

In 2030, wanneer alle kinders op die skoolbanke behoort te wees, sal dit nie die geval wees vir een uit elke ses kinders in die ouderdomsgroep 6 tot 17 jaar nie.

Baie kinders verlaat skool steeds en teen 2030 sal 40% teen die huidige vooruitskattings nie hul hoërskoolonderrig voltooi het nie. In Afrika suid van die Sahara is dit 50%.

Die nuwe wêreldonderrigdoelwit (SDG 4) vra van lande om te verseker kinders gaan nie net skool nie, maar leer ook iets. Tog is daar al minder opgeleide onderwysers in Afrika suid van die Sahara sedert 2000.

Met die huidige vooruitskattings sê Unesco sal uitkomste vir onderrig in middelinkomstelande en Latyns-Amerika stagneer, terwyl dit met byna ‘n derde in Afrikalande sal val waar Frans as taal oorheers.

Sou daar nie dringend hieraan aandag geskenk word nie, sal 20% van jongmense en 30% van volwassenes in die wêreld teen 2030 steeds nie kan lees nie.

Volgens Unesco beklemtoon die 2030 Agenda vir Volhoubare Ontwikkeling geen kind sal agterbly nie, maar net 6% van die armste 20% kinders in Afrika suid van die Sahara voltooi hul hoërskoolloopbane teenoor 48% van die rykste inwoners.

Met verwysing na die finansiering van die ontwikkelingsdoelwitte sê Unesco in 2015 is reeds beraam daar is ‘n jaarlikse finansieringsgaping van sowat US$39 miljard om dié doelwitte in 2030 te behaal. Tog het die finansiering van onderrig sedert 2010 gestagneer.

Tans verskaf minder as die helfte van lande die inligting wat nodig is om vordering met die doelwitte te monitor.

“Lande moet by hul beloftes hou,” sê Unesco se direkteur van die instituut vir statistiek, me. Silvia Montoya.

“Wat is die punt daarvan om doelwitte te stel as ons dit nie kan naspoor nie? Beter finansiering en koördinering is nodig om die gaping in inligting te takel voordat ons enigsins nader aan die sperdatum kom,” het sy gesê.

Mnr. Manos Antoninis, direkteur van die wêreldmoniteringsverslag vir onderriglande, het die betekenis van die wêreldonderrigdoelwitte “baie anders” geïnterpreter.

“Dit maak sin, omdat lande by verskillende beginpunte afskop. Lande moet nie te veel afwyk van die beloftes wat hulle in 2015 gemaak het nie. As lande nou hul planne met hul beloftes laat strook, kan hulle weer teen 2030 op die regte spoor wees,” het hy gesê.

Volgens die verslag is daar wel verskeie lande wat voorkeur gee aan gelykheid en insluiting sedert 2015.

Van die voorbeelde sluit onderrigfooie vir die armstes in Viëtnam in, wat afgeskaf is.

Dit sê evaluerings word deur meer en meer lande gebruik om vordering te bepaal, terwyl uitslae gebruik word om leerplanne te verander.

Nuwe vaardighede wat nodig is vir die verwesenliking van die ontwikkelingsdoelwit vir onderwys word ook toenemend meer in leerplanne en handboeke weerspieël.

Soortgelyk

 

The rose among the thorns

1 dag gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

1 dag gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

1 dag gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

1 dag gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

1 dag gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

1 dag gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

1 dag gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

1 dag gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

1 dag gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...