E-taks steeds ’n tameletjie
Gebruikers van die nuwe e-taksstelsel gesels oor hul ervarings sedert dit vroeg vanjaar geïmplementeer is.
Elvira Hattingh - Gebruikers van die ministerie van finansies se nuwe geïntegreerde belastingadministrasiestelsel (Itas) sê hoewel talle ernstige uitdagings bestaan, is e-belasting ‘n stap in die regte rigting vir Namibië en is hulle gelukkig met die Itas-span se ondersteuning.
Mnr. Cameron Kotze, besturende vennoot van Ernst & Young vir Namibië en me. Rozanne Rousseau, verantwoordelik vir rekeningkundige- en belastingvoldoening by dieselfde maatskappy, sê hulle moedig belastingbetalers aan om op die Itas-webtuiste te registreer.
Me. Chantell Husselmann, PwC se belastingleier, sê sy ondersteun ook die e-belastingstelsel.
UITDAGINGS
Uitdagings is daar wel, sê die ondernemings.
Volgens Ernst & Young is ‘n ernsige probleem dat elektroniese betalings vir opgawes wat deur middel van dié stelsel ingedien is, nie betyds deur die ontvanger verwerk word nie.
“Uitstaande skuld word dus op die stelsel getoon, hoewel dit betaal is. Boetes en rentes word gehef en die gevolg is belastingbetalers kan nie belastingklaringsertifikate ontvang nie.”
Nog ‘n probleem is dat opgawes wat met die hand ingedien word, tans nie aangeslaan word nie en as uitstaande aangedui word. Dan word onnodige boetes vir laat indiening gehef.
Tans maak die stelsel ook net voorsiening daarvoor dat een mens toegang tot die belastinginligting van ‘n spesifieke belastingnommer kan kry, wat probleme skep wanneer die stelsel deur groter besighede met meer as een gebruiker aangewend word.
“Dieselfde geld vir belastingbetalers wat van verskillende diensverskaffers gebruik maak om hulle met die indiening van verskillende belastingopgawes te help. Die stelsel kan nie meer as een persoon as ‘n verteenwoordiger huisves nie,” het Rousseau en Kotze gesê.
Die stelsel maak glo ook nie voorsiening daarvoor dat ‘n elektroniese kopie van ’n opgawe gestoor kan word of ’n harde kopie uitgedruk kan word nie.
Verteenwoordigers van belastingbetalers ontvang nie e-posse wanneer aanslae uitgereik word nie en daar moet op kliënte staatgemaak word om korrespondensie aan te stuur.
Sodra ‘n opgawe aanlyn ingedien is, dui die stelsel die status van ’n spesifieke opgawe aan, maar tot dusver is geen verduideliking van die betekenis van verskillende statusse verskaf nie.
Husselmann sê nog ‘n probleem is dat sekere inligtingsvelde op die aanlyn vorm noodsaaklik is om in te vul, maar die gebruiker word nie daarvan in kennis gestel terwyl die vorm ingevul word nie.
“Die gevolg is dat jy eers teen die einde agterkom die stelsel wil die opgawe nie aanvaar nie.
“Ons ervaar ook dat die stelsel by tye af is,” het Husselmann gesê.
ITAS-SPAN BEHULPSAAM
Beide PwC en Ernst & Young sê die Itas-span is “behulpsaam en beskikbaar om na klagtes te luister en raad te gee”.
Hulle sê ook die span vergader tweeweekliks met die Instituut van Geoktrooieerde Rekenmeesters van Namibië (Ican) en die stelsel behels ‘n “doeltreffende proses wat tans goed werk”.
Ernst & Young meen dit lyk of die Itas-span soms oorweldig is.
“Maar soos met enige nuwe stelsel sal dit ’n geruime tyd neem om dit perfek te kry,” het Kotze en Rousseau gesê.
Beide maatskappye glo opleiding vir die gebruik van die stelsel is nodig en stel voor ‘n openbare bemarkingsveldtog word van stapel gestuur sodat die stelsel onder belastingbetalers bevorder kan word.
[email protected]
Mnr. Cameron Kotze, besturende vennoot van Ernst & Young vir Namibië en me. Rozanne Rousseau, verantwoordelik vir rekeningkundige- en belastingvoldoening by dieselfde maatskappy, sê hulle moedig belastingbetalers aan om op die Itas-webtuiste te registreer.
Me. Chantell Husselmann, PwC se belastingleier, sê sy ondersteun ook die e-belastingstelsel.
UITDAGINGS
Uitdagings is daar wel, sê die ondernemings.
Volgens Ernst & Young is ‘n ernsige probleem dat elektroniese betalings vir opgawes wat deur middel van dié stelsel ingedien is, nie betyds deur die ontvanger verwerk word nie.
“Uitstaande skuld word dus op die stelsel getoon, hoewel dit betaal is. Boetes en rentes word gehef en die gevolg is belastingbetalers kan nie belastingklaringsertifikate ontvang nie.”
Nog ‘n probleem is dat opgawes wat met die hand ingedien word, tans nie aangeslaan word nie en as uitstaande aangedui word. Dan word onnodige boetes vir laat indiening gehef.
Tans maak die stelsel ook net voorsiening daarvoor dat een mens toegang tot die belastinginligting van ‘n spesifieke belastingnommer kan kry, wat probleme skep wanneer die stelsel deur groter besighede met meer as een gebruiker aangewend word.
“Dieselfde geld vir belastingbetalers wat van verskillende diensverskaffers gebruik maak om hulle met die indiening van verskillende belastingopgawes te help. Die stelsel kan nie meer as een persoon as ‘n verteenwoordiger huisves nie,” het Rousseau en Kotze gesê.
Die stelsel maak glo ook nie voorsiening daarvoor dat ‘n elektroniese kopie van ’n opgawe gestoor kan word of ’n harde kopie uitgedruk kan word nie.
Verteenwoordigers van belastingbetalers ontvang nie e-posse wanneer aanslae uitgereik word nie en daar moet op kliënte staatgemaak word om korrespondensie aan te stuur.
Sodra ‘n opgawe aanlyn ingedien is, dui die stelsel die status van ’n spesifieke opgawe aan, maar tot dusver is geen verduideliking van die betekenis van verskillende statusse verskaf nie.
Husselmann sê nog ‘n probleem is dat sekere inligtingsvelde op die aanlyn vorm noodsaaklik is om in te vul, maar die gebruiker word nie daarvan in kennis gestel terwyl die vorm ingevul word nie.
“Die gevolg is dat jy eers teen die einde agterkom die stelsel wil die opgawe nie aanvaar nie.
“Ons ervaar ook dat die stelsel by tye af is,” het Husselmann gesê.
ITAS-SPAN BEHULPSAAM
Beide PwC en Ernst & Young sê die Itas-span is “behulpsaam en beskikbaar om na klagtes te luister en raad te gee”.
Hulle sê ook die span vergader tweeweekliks met die Instituut van Geoktrooieerde Rekenmeesters van Namibië (Ican) en die stelsel behels ‘n “doeltreffende proses wat tans goed werk”.
Ernst & Young meen dit lyk of die Itas-span soms oorweldig is.
“Maar soos met enige nuwe stelsel sal dit ’n geruime tyd neem om dit perfek te kry,” het Kotze en Rousseau gesê.
Beide maatskappye glo opleiding vir die gebruik van die stelsel is nodig en stel voor ‘n openbare bemarkingsveldtog word van stapel gestuur sodat die stelsel onder belastingbetalers bevorder kan word.
[email protected]
Kommentaar
Republikein
Geen kommentaar is op hierdie artikel gelaat nie