E-kaartjies vir handelskou

29 August 2018 | Gebeure
Yolanda Nel – Uitstallers en diensverskaffers by die jaarlikse Ongwediva-handelskou (OATF) wat tans in dié dorp aan die gang is, het vanjaar e-toegangskaartjies pleks van die gewone armbande ontvang.

Volgens mnr. Derick Briers, uitvoerende hoof van InTouch, is dit ’n stap in die regte rigting.

“’n Groot voordeel is dat dit geen papier gebruik nie, wat ’n positiewe effek op die omgewing het.”

Hy sê voorts toegangskaartjies kan via SMS aan uitstallers, gaste, familie en vriende gestuur word. Sou jy dalk die SMS met jou aktiveringskode verloor, kan dit eenvoudig met jou selfoonnommer herstel word. “Jy sal ’n eenmalige PIN ontvang en dit sal op ons stelsel wys hoeveel kaartjies jy het,” aldus Briers.

“Jy het ook nie eens ’n slimfoon nodig om die stelsel te gebruik nie – enige selfoon kan gebruik word.”

Volgens mnr. Jackson Muma, ’n woordvoerder van die Ongwediva-dorpsraad, wou hulle met die armbandstelsel wegdoen en dus is besluit om e-kaartjies te gebruik. Besoekers betaal wel steeds hul toegangsgelde by die hekke.

Nampa het vroeër berig dat besoekers aan vanjaar se handelskou na 420 plaaslike en buitelandse uitstallers kan uitsien, in vergelyking met verlede jaar se 417.

Wat veiligheid betref, het die voorbereidingskomitee 198 veiligheidswagte van vyf plaaslike maatskappye ontplooi om sekuriteit deur die loop van die skou te verseker.

Die handelskou – vanjaar in sy 19de bestaansjaar – se hekke het Vrydag geopen en kan tot 1 September besoek word.

Soortgelyk

 

Lugvaart onder vergrootglas

21 ure gelede | Vervoer

Ronelle Rademeyer - Die internasionale lugvaartwêreld se oë is op Namibië om te sien of hy tydens die universele veiligheidsouditprogram (Usap) van die Internasionale Burgerlugvaartorganisasie...

Einde van die pad vir 500ppm diesel

21 ure gelede | Energie

Augetto Graig - Die uitfasering van 500ppm diesel begin op 23 November.Die minister van myne en energie, mnr. Tom Alweendo, sal op dié dag ...

Piepklein en waardevol

21 ure gelede | Omgewing

Tanja Bause Beeskloutjies is unieke plante wat net in die woestyn- en semi-woestyngebiede van westelike en suidelike Namibië en noordelike Suid-Afrika voorkom. By die Alte...

Pragkerk vol bierbottels

21 ure gelede | Infrastruktuur

Tanja Bause Op 'n koppie op die plaas Helme­ringhausen staan 'n kerkie wat met bierbottels gebou is. Die droom van dié kerk het sowat twee...

Weer vir 19 November 2018

21 ure gelede | Weer

BINNELAND: Gedeeltelik bewolk en baie warm tot bloedig warm met enkele donderbuie op plekke.KUS: Gedeeltelik bewolk en koel met miskolle aanvanklik.GETYE BY WALVISBAAI: L...

53 renosters al vanjaar gestroop

21 ure gelede | Omgewing

Francoise Steynberg -'n Onthoringde renoster is in die Suide gestroop en nog een is gekwes.Nadat dié renosterkarkas verlede naweek in die Hardapstreek gevind is, bring...

Grootfontein ontken wanbesteding

21 ure gelede | Regering

Augetto Graig - Grootfontein se geldsake was onlangs onder die vergrootglas toe Namibië se ouditeur-generaal, mnr. Junias Kandjeke, sy kantoor se verslag oor dié dorp...

Noordweste se aardbewings 'n raaisel

21 ure gelede | Plaaslik

Elvira HattinghSedert Maart vanjaar het vyf beduidende aardbewings in die Anker-gebied in die noordweste­ van die land voorgekom - almal het tussen 4,1 en...

Stille getuies van ’n vergange era

21 ure gelede | Toerisme

Tanja Bause – Op die plase Sandvirhaar en Simplon in die suide van die land staan twee kalkoonde wat meer as ’n eeu oud is....