Dwelmsmouse op Usakos moet skoert
Maria Eiseb
Die gemeenskap van Usakos is keelvol.
Hulle het tydens ‘n vergadering wat die groep Usakos Break the Violence Woensdag met dorpsinwoners gehad het tot die gevolgtrekking gekom die mesmoorde wat die dorp teister, is te wyte aan die drank- en dwelmmisbruik van jongmense op die dorp.
Volgens me. Valencia Nghamuno, lid van die groep, is die vergadering belê om ’n einde aan dié probleem te maak.
“Ons wil hê die dwelmsmouse wat die dorp kom besoedel het, moet uitgeroei word. Wanneer iemand in hegtenis geneem word, word hulle op borgtog vrygelaat en gaan maar net weer aan, terwyl die ouer wat ’n kind aan die dood moes afstaan, met die hartseer sit,” het sy gesê.
Hoofman Ben |Uiseb het gesê die kwessie ontstel hom en dit “moenie die eerste en die laaste keer wees dat die gemeenskap vergader nie”. Pogings “om die jeug te red”, moet volgens hom volgehou word.
Mnr. Elmar Eiseb, hoof van Laerskool Erongosig op die dorp, het tydens die vergadering gesê hy verteenwoordig nie net onderwysers nie, maar ook ouers.
Hy het ouers gemaan om saans nie te gaan slaap terwyl hul minderjarige kinders nog nie tuis is nie.
“Maak seker jou kinders is daar voor jy die huis saans sluit,” het hy gesê.
’n Gesondheidsinspekteur by die dorp se staatshospitaal, me. Yvonne Magwizi, het gesê die meeste ongevalle vind naweke plaas en betrek jongmense.
“Terwyl jy noodgevalle behandel, word ander pasiënte afgeskeep en hulle gaan soms ook as gevolg daarvan agteruit,” het sy gesê.
Rejoice !Haoses, ’n graad 10-leerling, het leerlinge tydens die vergadering toegespreek en gesê hulle moet op hul skoolwerk fokus en nie hul ouers vir armoede tuis blameer nie.
“As jy dink dit is jou ouers se skuld dat julle arm is, moet jy nou op jou skoolwerk fokus en jouself uit jou omstandighede lig,” het sy gesê.
Mnr. Zikiza Geiseb, ’n gemeenskapslid, het gesê die opkoms van die dorp se ouers en kinders was verblydend.
“Deesdae steek die kinders mekaar nie net seer nie, hulle steek mekaar dood. Ons as die gemeenskap kan nie net sit en dit aanskou nie - ons moet iets daaromtrent doen,” het hy gesê.
Ouers het versoek dat die polisie die dorp meer moet patrolleer en sjebeens se lisensies moet nagaan om te bepaal tot hoe laat hulle saans besigheid mag doen.
Geiseb het gevra: “Wat maak ’n 12-jarige saans op straat terwyl die ouers by die huis is? Dinge is baie anders deesdae en misdaad word daagliks net meer.”
Me. Elizabeth Gaugoros, 'n verpleegsuster by die dorp se staatshospitaal, beraad jongmense wat hul vriende moes sien sterf. Sulke jongmense is erg getraumatiseer deur wat hulle gesien het, het sy gesê.
Die meerderheid van die gemeenskapslede wat die vergadering bygewoon het, was in swart geklee uit meegevoel met families wat kinders aan die dood moes afstaan.
Die gemeenskap van Usakos is keelvol.
Hulle het tydens ‘n vergadering wat die groep Usakos Break the Violence Woensdag met dorpsinwoners gehad het tot die gevolgtrekking gekom die mesmoorde wat die dorp teister, is te wyte aan die drank- en dwelmmisbruik van jongmense op die dorp.
Volgens me. Valencia Nghamuno, lid van die groep, is die vergadering belê om ’n einde aan dié probleem te maak.
“Ons wil hê die dwelmsmouse wat die dorp kom besoedel het, moet uitgeroei word. Wanneer iemand in hegtenis geneem word, word hulle op borgtog vrygelaat en gaan maar net weer aan, terwyl die ouer wat ’n kind aan die dood moes afstaan, met die hartseer sit,” het sy gesê.
Hoofman Ben |Uiseb het gesê die kwessie ontstel hom en dit “moenie die eerste en die laaste keer wees dat die gemeenskap vergader nie”. Pogings “om die jeug te red”, moet volgens hom volgehou word.
Mnr. Elmar Eiseb, hoof van Laerskool Erongosig op die dorp, het tydens die vergadering gesê hy verteenwoordig nie net onderwysers nie, maar ook ouers.
Hy het ouers gemaan om saans nie te gaan slaap terwyl hul minderjarige kinders nog nie tuis is nie.
“Maak seker jou kinders is daar voor jy die huis saans sluit,” het hy gesê.
’n Gesondheidsinspekteur by die dorp se staatshospitaal, me. Yvonne Magwizi, het gesê die meeste ongevalle vind naweke plaas en betrek jongmense.
“Terwyl jy noodgevalle behandel, word ander pasiënte afgeskeep en hulle gaan soms ook as gevolg daarvan agteruit,” het sy gesê.
Rejoice !Haoses, ’n graad 10-leerling, het leerlinge tydens die vergadering toegespreek en gesê hulle moet op hul skoolwerk fokus en nie hul ouers vir armoede tuis blameer nie.
“As jy dink dit is jou ouers se skuld dat julle arm is, moet jy nou op jou skoolwerk fokus en jouself uit jou omstandighede lig,” het sy gesê.
Mnr. Zikiza Geiseb, ’n gemeenskapslid, het gesê die opkoms van die dorp se ouers en kinders was verblydend.
“Deesdae steek die kinders mekaar nie net seer nie, hulle steek mekaar dood. Ons as die gemeenskap kan nie net sit en dit aanskou nie - ons moet iets daaromtrent doen,” het hy gesê.
Ouers het versoek dat die polisie die dorp meer moet patrolleer en sjebeens se lisensies moet nagaan om te bepaal tot hoe laat hulle saans besigheid mag doen.
Geiseb het gevra: “Wat maak ’n 12-jarige saans op straat terwyl die ouers by die huis is? Dinge is baie anders deesdae en misdaad word daagliks net meer.”
Me. Elizabeth Gaugoros, 'n verpleegsuster by die dorp se staatshospitaal, beraad jongmense wat hul vriende moes sien sterf. Sulke jongmense is erg getraumatiseer deur wat hulle gesien het, het sy gesê.
Die meerderheid van die gemeenskapslede wat die vergadering bygewoon het, was in swart geklee uit meegevoel met families wat kinders aan die dood moes afstaan.
Kommentaar
Republikein
Geen kommentaar is op hierdie artikel gelaat nie