Duplantis behaal 14de sege vanjaar

15 September 2020 | Sport
Wim Pretorius – Armand Duplantis se oorwinning op die Istaf-byeenkoms wat Sondag in Berlyn gehou is, is die paalspringer se 14de opeenvolgende oorwinning vanjaar.

Die Sweed het op 'n hoogte van 5,91 meter oor die dwarslat vir 'n gemaklike sege geseil, maar het dié slag besluit om weens die wind binne die stadion nie weer 'n aanslag op sy eie wêreldrekord te maak nie. Die Pool Piotr Lisek was naasbeste met 5,82 m, terwyl die Amerikaner Sam Kendricks swaar geleef het en net sesde kon eindig nadat hy op 5,57 m uitgeval het.

Sowat 3 500 ondersteuners is binne die stadion toegelaat, 'n luukse wat atlete vir die grootste deel van vanjaar nie kon geniet nie.

“Dit is belangrik om 'n atmosfeer soos dié te hê,” het Duplantis ná afloop van sy eerste plek gesê.

“Sedert die begin van die seisoen het ons baie byeenkomste gehad met geen toeskouers nie, so dit was nie moontlik om energie uit die ondersteuning te put nie.

“Dinge moet baie goed verloop wanneer jy 6,15 m spring, maar vandag was daar wind. Die toestande was dus nie reg om 6,15 m aan te pak nie en ek wou geen risiko's neem nie.”

Karsten Warholm se segetog in die 400 m-hekkies duur voort nadat hy in 47.08 sekondes gewen het. Wat dié uitslag merkwaardig maak, is dat Edwin Moses se byeenkomsrekord van 47.17, wat in 1980 opgestel is, in die slag gebly het.

Litaue se Andrius Gudzius het vir 'n groot verrassing gesorg toe hy die wêreldkampioen en Sweed Daniel Stahl in die diskusgooi geklop het. Gudzius het met sy laaste poging die uitslag met sy beste poging van 66,72 m verseker. Hy het hiermee seker gemaak dat die Sweed, wat 'n beste afstand van 65,89 m in die tweede ronde vermag het, sy eerste nederlaag in 17 byeenkomste in 2020 gely het.

Johannes Vetter, wat op 7 September die spies 97,76 m ver gegooi het, het voor sy tuisskare koning gekraai. Dié slag kon die 27-jarige Duitser wel net 87,26 m vermag, wat steeds meer as genoeg was. Andrian Mardare van Moldawië was naasbeste met 82,61 m.

In die 1 500 m het Laura Muir gewikkel en Süreyya Ayhan van Turkye se byeenkomsrekord ná 18 jaar laat tuimel. Muir het die wenstreep in 3 minute, 57.40 sekondes oorgesteek. Dit is ook die beste tyd sover vanjaar ter wêreld. Nog 'n Brit en nog 'n Laura, Laura Weightman, was naasbeste in 4:00.09.

In die 100 m het die Nederlander Dafne Schippers met die louere weggestap in 11.26, terwyl Marie-Josée Ta Lou van Ivoorkus tweede was in 11.38.

– Netwerk24

Soortgelyk

 

22 gevangenes toets positief vir Covid-19

5 ure gelede | Gesondheid

Twee-en-twintig gevangenes van die Sentrale Gevangenis in Windhoek is deel van die 34 nuwe Covid-19-gevalle wat in die hoofstad aangeteken is. Volgens die minister...

Beweerde baba-ontvoerder gou vasgetrek

11 ure gelede | Misdaad

Kristien Kruger – ’n Beweerde baba-ontvoering het inwoners van Havana geskok net weke ná twee gruvoorvalle in dié informele nedersetting in die hoofstad.’n Twee maande...

Noorde brand wéér

21 ure gelede | Omgewing

‘n Groot veldbrand woed tans naby Tsumeb, met een persoon wat sê hy kon bykans nie verby die vuur kom om die dorp binne te...

345 leerlinge toets positief vir Covid-19

21 ure gelede | Gesondheid

Henriette Lamprecht - Tot op hede het 345 leerlinge in Namibië positief vir Covid-19 getoets. Die meeste is in die Oshikotostreek en wel 170 (49,3%)...

Viskwota-sirkus

21 ure gelede | Landbou

Ronelle Rademeyer - Die regering se viskwotaveiling het klaaglik misluk.Van die beoogde N$628 miljoen wat die regering uit die kwotaverkope vir maasbanker, stokvis en monnikvis...

Jooste skors Nida-raad

21 ure gelede | Regering

Elvira HattinghDie huidige raad van direkteure vir die agentskap vir nywerheidsontwikkeling in Namibië (Nida), is gevra om hul kantore te ontruim en is die afgelope...

Weer vir 1 Oktober

21 ure gelede | Weer

BINNELAND: Gedeeltelik bewolk en baie warm in die Zambezistreek met 'n paar buie, andersins sonnig en baie warm tot warm in die //Karasstreek.KUS: Gedeeltelik bewolk...

Lucia sterk goed aan

21 ure gelede | Gesondheid

Tanja Bause Vier maande nadat Lucia Soroses (8) met ernstige brandwonde na die sentrale hospitaal in Windhoek verplaas is, sterk sy goed aan.Mnr. George Olivier...

Meer as miljard vir MIV-stryd

21 ure gelede | Gesondheid

Henriette LamprechtDie bekamping van MIV/vigs in Namibië het ’n reuse-hupstoot van miljoene Namibiese dollar gekry met die Amerikaanse president se noodplan vir vigsverligting (Pepfar) wat...