Duitsland onderhandel eerlik, sê Schlaga
Verskeie voorstelle is in die volksmoord-onderhandelinge gemaak wat onder meer infrastruktuur-ontwikkeling insluit.
Catherine Sasman
Duitsland se ambassadeur in Namibië, mnr. Christian Schlaga, sê Duitsland is vol vertroue dat die Namibiese regering in gesprek is met gemeenskappe wat deur die volksmoord van 1904 tot 1908 geraak is.
Die gesprek raak hul deelname aan die bilaterale versoeningsdialoog “op 'n produktiewe manier”.
Schlaga het gereageer op 'n uitgelapte dokument van voorstelle wat in September verlede jaar gemaak is oor Duitsland se moontlike ingryping in die onderhandelinge om vergoeding en herstel.
Hierdie voorstelle het tot nou toe die misnoeë van sekere groepe van die geraakte gemeenskappe uitgelok.
Die voorstelle wat in die dokument uiteengesit word, sluit beroepsopleiding, grondhervorming, behuising, landelike kragvoorsiening, asook streeksontwikkeling en ondersteuningsmaatreëls in.
“Ja, Duitsland is by eerlike onderhandelinge met die Namibiese regering betrokke,” sê Schlaga.
Hy sê die Namibiese afvaardiging na die onderhandelinge het reeds 'n dokument met hul standpunte voorgelê.
“Duitsland het dit noukeurig bestudeer en daarop gereageer. As een element hiervan het Duitsland verskeie voorstelle oor sommige projekte vir die ontwikkeling van die infrastruktuur aan die hand gedoen wat realisties gesproke ingesluit kan word. Dit is ook toe te skryf aan die feit dat die geraakte gemeenskappe dikwels op vergaderings die noodsaaklikheid van infrastruktuurontwikkeling onderstreep het,” het Schlaga gesê.
Die hoof van die Namibiese onderhandelingspan, dr. Zed Ngavirue, sê die Namibiese dokument met standpunte is steeds vertroulik.
Ngavirue sê voorstelle word steeds verfyn en die uitgelapte dokument weerspieël geensins die finale uitkoms van die onderhandelinge nie.
“Duitsland het ingestem om die wonde te genees. Ons besluit steeds hoe om dié uitdaging aan te pak,” het Ngavirue gesê.
Hy sê die partye het ooreengekom om werkgroepe van deskundiges aan albei kante saam te stel om die koste van die heropbou van die geraakte gemeenskappe te bepaal.
vergoedingsbedrag
Dit kan onder meer oorwegings insluit oor hoe om armoede die hoof te bied en waardigheid te herstel.
Ngavirue sê Namibië het 'n vergoedingsbedrag voorgestel. Duitsland dink egter dit is onrealisties groot.
Duitsland is bereid om 'n verskoning aan te bied, maar die vraag oor die betaling van vergoeding bly 'n struikelblok.
“Natuurlik is lewensverlies, die verlies aan grond, slawearbeid en so meer onberekenbaar, maar daar moet iets realisties wees om die vergoeding te kwantifiseer,” het Ngavirue gesê.
Die werkgroepe, wat insette van geraakte gemeenskappe sal insluit, sal eersdaags met hul werksaamhede begin, het hy bygevoeg.
Ngavirue sê die deskundiges “kan nie voorskryf” wat gedoen moet word nie, maar hulle sal ondersoek instel na die sosioëkonomiese impak van moontlike ingrypings.
“Hulle moet weet hoe diep die wonde is en dit is iets wat jy net van die pasiënt kan kry,” het hy gesê.
Ngavirue en sy span is tans met 'n uitreikprogram besig en het tot dusver vergaderings met die gemeenskappe van Lüderitz, Keetmanshoop, Mariental, Vaalgras, Otjinene, Epukiro, Okakarara en Swakopmund gehad.
“Dit behoort as bewys te dien dat daar wel konsultasies is,” het hy gesê.
In teenstelling met wat deur sekere groepe beweer word, sê Ngavirue geraakte gemeenskappe is nog altyd op die tegniese komitee verteenwoordig en is deel van die onderhandelingspan.
Hy sê hulle word ook deur die forum vir tradisionele hoofmanne verteenwoordig, waarvan visepresident Nickey Iyambo die voorsitter is.
Hierdie forum word gereeld op hoogte van die onderhandelinge gebring.
Dié forum bied gemeenskappe ook 'n plek waar hulle insette kan lewer.
Duitsland se ambassadeur in Namibië, mnr. Christian Schlaga, sê Duitsland is vol vertroue dat die Namibiese regering in gesprek is met gemeenskappe wat deur die volksmoord van 1904 tot 1908 geraak is.
Die gesprek raak hul deelname aan die bilaterale versoeningsdialoog “op 'n produktiewe manier”.
Schlaga het gereageer op 'n uitgelapte dokument van voorstelle wat in September verlede jaar gemaak is oor Duitsland se moontlike ingryping in die onderhandelinge om vergoeding en herstel.
Hierdie voorstelle het tot nou toe die misnoeë van sekere groepe van die geraakte gemeenskappe uitgelok.
Die voorstelle wat in die dokument uiteengesit word, sluit beroepsopleiding, grondhervorming, behuising, landelike kragvoorsiening, asook streeksontwikkeling en ondersteuningsmaatreëls in.
“Ja, Duitsland is by eerlike onderhandelinge met die Namibiese regering betrokke,” sê Schlaga.
Hy sê die Namibiese afvaardiging na die onderhandelinge het reeds 'n dokument met hul standpunte voorgelê.
“Duitsland het dit noukeurig bestudeer en daarop gereageer. As een element hiervan het Duitsland verskeie voorstelle oor sommige projekte vir die ontwikkeling van die infrastruktuur aan die hand gedoen wat realisties gesproke ingesluit kan word. Dit is ook toe te skryf aan die feit dat die geraakte gemeenskappe dikwels op vergaderings die noodsaaklikheid van infrastruktuurontwikkeling onderstreep het,” het Schlaga gesê.
Die hoof van die Namibiese onderhandelingspan, dr. Zed Ngavirue, sê die Namibiese dokument met standpunte is steeds vertroulik.
Ngavirue sê voorstelle word steeds verfyn en die uitgelapte dokument weerspieël geensins die finale uitkoms van die onderhandelinge nie.
“Duitsland het ingestem om die wonde te genees. Ons besluit steeds hoe om dié uitdaging aan te pak,” het Ngavirue gesê.
Hy sê die partye het ooreengekom om werkgroepe van deskundiges aan albei kante saam te stel om die koste van die heropbou van die geraakte gemeenskappe te bepaal.
vergoedingsbedrag
Dit kan onder meer oorwegings insluit oor hoe om armoede die hoof te bied en waardigheid te herstel.
Ngavirue sê Namibië het 'n vergoedingsbedrag voorgestel. Duitsland dink egter dit is onrealisties groot.
Duitsland is bereid om 'n verskoning aan te bied, maar die vraag oor die betaling van vergoeding bly 'n struikelblok.
“Natuurlik is lewensverlies, die verlies aan grond, slawearbeid en so meer onberekenbaar, maar daar moet iets realisties wees om die vergoeding te kwantifiseer,” het Ngavirue gesê.
Die werkgroepe, wat insette van geraakte gemeenskappe sal insluit, sal eersdaags met hul werksaamhede begin, het hy bygevoeg.
Ngavirue sê die deskundiges “kan nie voorskryf” wat gedoen moet word nie, maar hulle sal ondersoek instel na die sosioëkonomiese impak van moontlike ingrypings.
“Hulle moet weet hoe diep die wonde is en dit is iets wat jy net van die pasiënt kan kry,” het hy gesê.
Ngavirue en sy span is tans met 'n uitreikprogram besig en het tot dusver vergaderings met die gemeenskappe van Lüderitz, Keetmanshoop, Mariental, Vaalgras, Otjinene, Epukiro, Okakarara en Swakopmund gehad.
“Dit behoort as bewys te dien dat daar wel konsultasies is,” het hy gesê.
In teenstelling met wat deur sekere groepe beweer word, sê Ngavirue geraakte gemeenskappe is nog altyd op die tegniese komitee verteenwoordig en is deel van die onderhandelingspan.
Hy sê hulle word ook deur die forum vir tradisionele hoofmanne verteenwoordig, waarvan visepresident Nickey Iyambo die voorsitter is.
Hierdie forum word gereeld op hoogte van die onderhandelinge gebring.
Dié forum bied gemeenskappe ook 'n plek waar hulle insette kan lewer.
Kommentaar
Republikein
Geen kommentaar is op hierdie artikel gelaat nie