Duitsland gee weer groot

Estelle de Bruyn - Duitsland en Namibië het vanmiddag tegniese samewerkingsooreenkomste ten bedrae van 71,9 miljoen euro onderteken.
Die waarde in Namibiese dollar beloop N$1,1 miljard.
In die foto onderteken die Duitse ambassadeur, mnr. Christian Schlaga, en die minister van ekonomiese beplanning, mnr. Tom Alweendo, die ooreenkomste.
Die twee ooreenkomste behels ontwikkelingsbystand vir die bestuur van natuurlike hulpbronne, volhoubare ekonomiese ontwikkeling en vervoer en logistiek.