Duisende wil ’n kontrak losslaan
Duisende wil ’n kontrak losslaan
13 July 2018 | Kuns en vermaak
Inskrywings vir VIA (DStv-kanaal 147) en Coleske Artists se nuwe TV-reeks Die Kontrak – wat die volgende groot Afrikaanse kunstenaar sal kroon – het op 30 Junie om middernag gesluit met 1 976 oudisie-video’s altesaam op Facebook, Instagram, Twitter, en die NetNuus-app.
VIA-kykers sal moet wag tot die eerste episode van Die Kontrak, wat eers in September op die Afrikaanse leefstylkanaal begin, om uit te vind wie die top-8-finaliste is. Die top-24-finaliste is egter van dié week af reeds deur Coleske Artists genader.
Die mentors – Elvis Blue, Tarryn Lamb, Monique Steyn, en Dewald Wasserfall – moet dan uit dié 24 sangers elkeen twee finaliste kies wat dit vir ’n platekontrak van ’n miljoen rand met Coleske Artists moet uitspook.
“VIA en Coleske Artists is omtrent stomgeslaan met die hoeveelheid inskrywings vir Die Kontrak. Ons is nog meer beïndruk met die gehalte van die sangtalent daarbuite,” sê VIA se kanaalhoof, Izelle Venter.
“Dit gaan beslis vir ons vier mentors ongelooflik moeilik wees om net agt finaliste te kies. Hier kom heerlike kykgenot! Ons is absoluut oorweldig deur die diversiteit van die talent,” voeg Arnold Coleske van Coleske Artists by.
“Dit was baie moeilik om by ’n top-24 uit te kom, maar ons voel ons het afgekom op ’n groep deelnemers wat uniek en uitsonderlik talentvol is. Ons sien met opwinding uit na ’n strawwe kompetisie!”
Die Kontrak sal deur die broer-en-suster-duo Bobby en Karlien van Jaarsveld aangebied word. Die agt finaliste sal week na week ook uitgekyk word deur ’n kennerpaneel wat uit die sangers Theuns Jordaan en Corlea Botha, asook Barry Pretorius, die regisseur van die Afrikaans is Groot-megakonserte, bestaan.
Die wenner van Die Kontrak word op 23 November by vanjaar se eerste Afrikaans is Groot-konsert aangekondig.
Die wenner sal ’n platekontrak met Coleske Artists en ’n pasklaarloopbaan losslaan. TV-roosters vir VIA is in Afrikaanse koerante, Huisgenoot, tvplus en op viatv.co.za en dstv.com beskikbaar.
Volg VIA TV op Facebook en @viatv op Instagram om op hoogte van al die nuutste verwikkelinge te bly.
VIA-kykers sal moet wag tot die eerste episode van Die Kontrak, wat eers in September op die Afrikaanse leefstylkanaal begin, om uit te vind wie die top-8-finaliste is. Die top-24-finaliste is egter van dié week af reeds deur Coleske Artists genader.
Die mentors – Elvis Blue, Tarryn Lamb, Monique Steyn, en Dewald Wasserfall – moet dan uit dié 24 sangers elkeen twee finaliste kies wat dit vir ’n platekontrak van ’n miljoen rand met Coleske Artists moet uitspook.
“VIA en Coleske Artists is omtrent stomgeslaan met die hoeveelheid inskrywings vir Die Kontrak. Ons is nog meer beïndruk met die gehalte van die sangtalent daarbuite,” sê VIA se kanaalhoof, Izelle Venter.
“Dit gaan beslis vir ons vier mentors ongelooflik moeilik wees om net agt finaliste te kies. Hier kom heerlike kykgenot! Ons is absoluut oorweldig deur die diversiteit van die talent,” voeg Arnold Coleske van Coleske Artists by.
“Dit was baie moeilik om by ’n top-24 uit te kom, maar ons voel ons het afgekom op ’n groep deelnemers wat uniek en uitsonderlik talentvol is. Ons sien met opwinding uit na ’n strawwe kompetisie!”
Die Kontrak sal deur die broer-en-suster-duo Bobby en Karlien van Jaarsveld aangebied word. Die agt finaliste sal week na week ook uitgekyk word deur ’n kennerpaneel wat uit die sangers Theuns Jordaan en Corlea Botha, asook Barry Pretorius, die regisseur van die Afrikaans is Groot-megakonserte, bestaan.
Die wenner van Die Kontrak word op 23 November by vanjaar se eerste Afrikaans is Groot-konsert aangekondig.
Die wenner sal ’n platekontrak met Coleske Artists en ’n pasklaarloopbaan losslaan. TV-roosters vir VIA is in Afrikaanse koerante, Huisgenoot, tvplus en op viatv.co.za en dstv.com beskikbaar.
Volg VIA TV op Facebook en @viatv op Instagram om op hoogte van al die nuutste verwikkelinge te bly.
Soortgelyk
Kraam buite kliniek - verpleegsters geskors
10 ure gelede | Ministeries
Lewenslank vir Suide-verkragters
10 ure gelede | Howe
Schlettwein sê oor TIPEEG, FOCAC
10 ure gelede | Regering
Weer vir 19 September
10 ure gelede | Weer
TransNamib op soek na nuwe direksie
10 ure gelede | Vervoer
Esau: Visvangkwotas kan nie verkoop word
10 ure gelede | Ministeries
Help soek na vermistes
10 ure gelede | Misdaad
Grond: Wit boere wíl praat
10 ure gelede | Ministeries
Vrou haal die byt uit veghond
10 ure gelede | Omgewing
KleinadvertensiesKleinadvertensies
